Свет
Советот за безбедност на ОН денеска расправа за мисијата во Косово
Советот за безбедност на Обединетите Нации денеска ќе расправа за новиот, шестмесечен извештај на генералниот секретар на ОН, Антонио Гутереш, за работата на Мисијата на ОН во Косово (УНМИК), пренесува „Блиц“.
На седницата во Њујорк со која претседава Русија, Србија и Косово ги претставуваат министрите за надворешни работи Ивица Дачиќ и Доника Гервала- Шварц.
Извештајот детално ги опишува настаните од ноември минатата година, кога Србите ги напуштија институциите на Приштина, но и се што се случи потоа.
Во извештајот за периодот од 16 септември 2022 година до 18 март 2023 година, Гутереш го поздрави Договорот за патот кон нормализирање на односите меѓу Косово и Србија и неговиот анекс за спроведување, за кој лидерите на двете страни неодамна постигнаа договор.
Гутереш, во извештајот што на седницата ќе го презентира шефицата на УНМИК, Каролин Зијаде, оцени дека новата рамка за дијалог може да го унапреди процесот кон постигнување долгорочни решенија.
Тој истакна дека за да се зачува стабилноста и да се спречи обновување на тензиите и конфликтите, ќе биде неопходен конструктивен ангажман во сеопфатното спроведување на Договорот.
„Страните целосно се обврзаа да ги почитуваат сите членови од Договорот и да ги исполнат сите обврски на целисходен начин и со добра волја. Ова е исклучително важно взашто настаните во текот на анализираниот период ги доведоа тензиите до ниво на криза, резултирајќи со најсериозното назадување од почетокот на процесот на дијалог во 2011 година“, напиша Гутереш.
Тој додаде дека „засилената и запалива реторика од сите страни, поставувањето блокади на патиштата, повеќекратните безбедносни инциденти и протестите на северот на Косово го зголемија ризикот од насилство“.
„Инцидентите од етничка природа, употребата на огнено оружје и повредите меѓу цивилите и припадниците на косовската полиција, како и очигледното таргетирање на новинарите и меѓународните безбедносни актери, се од особена загриженост. Сите страни треба да покажат воздржаност и да погрижат сите спорови да се решаваат по мирен пат преку дијалог, а не со ескалација“, напиша генералниот секретар на ОН.
Во извештајот, кој не ги опфаќа минатонеделните вонредни локални избори во четири општини на северот на Косово, Гутереш наведе дека понатамошниот напредок во дијалогот меѓу Белград и Приштина е „клучен за создавање услови за враќање на претставниците на косовските Срби во косовските институции на северот од Косово“.
Од усвојувањето на Резолуцијата 1244 на Советот за безбедност на ОН на 10 јуни 1999 година до 2018 година, Советот за безбедност расправаше за Косово четири пати годишно. Во 2019 година имаше три седници на Советот за безбедност за Косово, а од 2020 година две седници годишно.
Последната седница на Советот за безбедност на ОН за работата на мисијата на УНМИК се одржа во октомври минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.