Забава
Наследникот на британскиот трон набргу ќе биде крунисан
Кралот Чарлс Трети ќе биде крунисан на 6 мај и, како што се приближува датумот, многумина се преокупирани со многуте драми и кавги во пресрет на големиот настан.
На 74 години Чарлс ќе биде најстариот во историјата што ќе се закити со круна на главата. Настанот доби поделени мислења во Обединетото Кралство. Некои му посакуваат најдобро на неговото кралско височество, други сакаат круната да му биде предадена на неговиот син Вилијам, принцот од Велс, а други бараат целосно укинување на монархијата.
Како најстар од децата на кралицата Елизабета, Чарлс е во редот за тронот веќе 70 години, што е рекорд во кралското семејство.
На 10 септември Чарлс (официјално принцот од Велс) беше прогласен за крал на церемонија пред Советот за пристапување. Тоа се случи два дена по смртта мајка му, кралицата Елизабета.
Сегашниот крал, кој многу долго време познат како принцот Чарлс, може да се дефинира како вечен претендент за британскиот трон. На 73-годишна возраст синот на Елизабета Втора, конечно, ја доби одговорноста што ја чекаше цел живот.
Најстариот од четирите деца на кралицата и војводата од Единбург (Филип Маунтбатен), Чарлс, ќе остане запишан во историјата како наследник со најдолг стаж во историјата на британската монархија. Пред него оваа чест ја имаше неговиот прапрадедо Едвард Седми, кој на тронот дојде на 59-годишна возраст.
Подготвен, но не толку популарен – сите кралски хроничари велат дека тој е високообразован човек. Тој е бунтовен, да, но има многу јасна идеја за тоа што треба да биде британската монархија. Меѓутоа, неговата подготовка никогаш не го направи еден од најпопуларните членови на британското кралско семејство.
Отсекогаш сакал да биде крал – оценката за популарност на Чарлс е, всушност, толку ниска што некои дури предложија негово повлекување од тронот во корист на неговиот најстар син Вилијам. Сепак, Чарлс нема да стори такво нешто бидејќи во неколку наврати јасно стави до знаење дека ќе биде крал по секоја цена.
Неговата желба да стане крал, конечно, се оствари, но многумина нема да сакаат да го прегрнат како што направија со мајка му и тој има тежок пример што треба да го следи. Светот ја загуби кралицата Елизабета Втора и многумина се прашуваат дали синот ќе успее да ја прескокне сенката на мајка си и дали ќе биде на висина на задачата.
Со нејзиното заминување Чарлс ја доби круната, но и огромен товар и обврска да го задржи статусот на монархијата во срцата на Британците, како што тоа го правеше Елизабета седум децении.
Според многумина, смртта на Елизабета Втора го означи почетокот на крајот на врската со британската монархија, која таа ја изгради и зачува цели 70 години. Новата химна вели дека Бог го штити кралот, но – дали Британците ќе го заштитат?
Невозможно е да се игнорираат оние што носат транспаренти на улиците: „Тој не е мој крал“. „Укинете ја монархијата“.
Тој ги носи товарот на славата и недостижната харизма на својата мајка, факт што, најверојатно, повеќе му се допаѓа на неговиот постар син Вилијам. Чарлс со децении го носеше неблагодарниот епитет на крал во чекање.
За Чарлс Трети, важен е балансот меѓу модернизацијата и одржување на прастарата мистика на кралството. Тој од почеток се претставува помалку недостижен од својата мајка, покажува малку повеќе емоции и јасно разбирање на својата улога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најлоша комбинација: овие хороскопски парови постојано се караат
Додека некои хороскопски парови природно се согласуваат и совршено се надополнуваат, други се чини дека се родени за да се излудат еден со друг.
Нивните расправии не се секогаш лоши, понекогаш ги држи тој „оган“, но нема сомнеж дека меѓу нив постојано летаат искри, но не од романтичниот вид.
Еве три хороскопски парови кои често се наоѓаат во вербални пресметки, без разлика колку се сакаат.
Овен и Рак
Овенот сака акција, брзина и доминација, додека Ракот е чувствителен, емотивен и повлечен. Овие два знака често не успеваат да најдат заеднички јазик.
Додека Овенот брза напред, Ракот бара разбирање и сигурност. Овенот не ги разбира емотивните фази на Ракот, а на Ракот му пречи тоа што Овенот го турка надвор од неговите граници.
Близнаци и Шкорпија
Близнаците се друштвени, зборливи и љубопитни, додека Шкорпијата бара длабочина, лојалност и емоционална поврзаност. Шкорпијата брзо може да стане љубоморна на потребата на Близнаците за флерт и слобода.
Тешко се справуваат со интензивната контрола и драматичните испади на Шкрорпија. Нивната врска често резултира со љубоморни сцени и саркастични расправии.
Лав и Јарец
Лавот бара внимание, признание и сака да биде во центарот на вниманието, додека Јарецот е сериозен, практичен и ориентиран кон целта. Во очите на Јарецот, Лавот изгледа како расипан егоцентрик, додека Јарецот на Лавот му изгледа ладен.
Нивните разлики во приоритетите и начинот на живот често доведуваат до расправии и критики.
Забава
По разводот изгледа подобро од било кога: холивудската убавица привлекува внимание во бикини
Џесика Алба по разводот изгледа подобро од кога било и ужива во секој ден, што го покажува на социјалните мрежи.
Холивудската убавица Џесика Алба неодамна стави крај на долгогодишниот брак со Кеш Ворен и оттогаш привлекува внимание на секој чекор.
Познатата актерка помина многу време на плажа, од каде објави бројни фотографии. Нејзиното друштво главно беа пријатели и нејзините деца, но сепак најголемо внимание привлече нејзиното згодно тело.
Се чини дека по разводот Џесика не облекла ништо освен бикини.
Сега таа сподели неколку фотографии од претходниот одмор на кои позира во минијатурни бели бикини и дефинитивно изгледа подобро од било кога.
„Ментално сè уште тука“, напиша таа во описот на објавата.
Забава
Џенифер Лопез може да биде вовлечена на судењето на Диди, се отвора стар случај
Пејачката Џенифер Лопез би можела индиректно да биде вмешана во претстојниот судски процес против музичкиот магнат Шон Диди Комбс, кој беше уапсен во септември минатата година. Комбс моментално се соочува со сериозни обвиненија кои вклучуваат рекетирање, трговија со луѓе за сексуална експлоатација и прекршоци поврзани со проституција.
Обвинителите, исто така, сакаат да вклучат докази од пукањето во 1999 година што се случи во ноќен клуб, во кој Комбс, наводно, бил учесник. Џенифер Лопез во тој момент била присутна на местото на настанот. По инцидентот во кој беа повредени три лица, Лопез и Диди го напуштија клубот и беа запрени од полицијата по бркотница низ Менхетен. Во нивното возило потоа бил пронајден украден пиштол.
И двајцата беа уапсени, но Лопез не беше обвинета за никакво кривично дело, додека обвиненијата против Комбс подоцна беа отфрлени. Неговата одбрана тврдеше дека сведочењето на клучниот сведок е „очигледно неверојатно“, бидејќи тој наводно рекол дека Диди се обидел да го поткупи.
Сега адвокатите на Комбс бараат инцидентот од 1999 година да биде исфрлен од судската постапка, според Дејли мејл. Тие, исто така, се обидуваат да спречат видео од 2016 година на кое се прикажува физички напад врз неговата поранешна девојка Каси Вентура да биде искористена како доказ. Видеото беше објавено во мај 2024 година на Си-ен-ен, а Комбс јавно се извини по објавувањето и рече дека „ја презема целосната одговорност“. Набргу потоа бил уапсен.
Адвокатите тврдат дека никој не може да ја потврди автентичноста на видеото и дека снимката е „целосно неточна, изменета, манипулирана, забрзана и монтирана“. Наводно, Си-ен-ен ја поседува единствената достапна копија бидејќи оригиналот е избришан. Во одбраната беше вклучен и форензичарот Конор Мекорт, кој сведочеше под заклетва дека видеото е значително забрзано и содржело „големо количество на изобличување“, при што не се исклучува можноста материјалот да е монтиран.
Покрај тоа, тимот на Комбс сака да го исфрли сведочењето на трето лице кое го обвинува, познато како Жртва 3. Тие тврдат дека тие наводи немаат директна врска со злосторствата за кои тој се товари и дека нивното презентирање пред поротата би било „неправедно штетно“. Обвинителите, пак, посочуваат дека оваа информација го одразува „влијанието и контролата“ што Комбс го имал врз жртвата.
Џеј Ло може да биде вклучена
Одбраната исто така тврди дека таквите докази би можеле емотивно да влијаат на членовите на поротата, но не наведува конкретни причини.
Иако претходно побара судењето да се одржи што е можно поскоро, Диди сега побара одложување од два месеци за да му даде доволно време да ја подготви одбраната. Тоа се однесува на третото, изменето обвинение што обвинителите го поднесоа на почетокот на април, тврдејќи дека вклучува „значително ново однесување“. Обвинителите го оспоруваат тоа тврдење.
Воведувањето на настанот од 1999 година како дел од доказите може да значи и дека Џенифер Лопез повторно ќе се најде во центарот на медиумското внимание, иако не се споменува како осомничена или сведок.
На Табановце и Богородица времето на чекање за влез во државата е околу 1 час
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини...
(Видео) Запечатена резиденција на папата, во Ватикан владее седисвакација
Ватикан ја запечати официјалната резиденција на папата Франциско, симболично започнувајќи период на жалост. На снимката објавена од Ватикан се гледа...
(Видео) Какви беа последните денови на папата Франциско: „Изгледаше како да се збогува“
Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако...
Верниците ширум светот го оплакуваат папата
Членовите на Католичката црква, која има 1,4 милијарди верници, денеска тагуваат за смртта на 88-годишниот папа Франциско, фалејќи го како...
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата
Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо...
Ватикан: Папата почина од мозочен удар и срцево затајување
Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со...
Шок и солзи во Ватикан: „Големиот папа нè напушти, уриваше бариери“
„Почина голем папа“, вели Фабио Малвеси, сè уште видно шокиран, како и многумина од верниците и туристите кои се собраа...
Струмичко-скопскиот епарх монсињор д-р Киро Стојанов упати писмо по повод упокојувањето на папата
Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите...
Светските лидери се збогуваа со папата: „Тој секогаш беше на страната на најранливите“
Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот...
СДСМ бара оставка од Љутков „за хаосот во културата“
„СДСМ најостро реагира на катастрофалното раководење со културата од страна на министерот Зоран Љутков, кој остави над 3.000 културни работници...
Ватикан активира специјален режим по смртта на папата
По смртта на папата Франциско во понеделникот, во Ватикан настапи седисваканција – период без папа. Терминот седисваканција доаѓа од латинскиот...
Почина папата Франциско
Папата Франциско почина утринава на 89-годишна возраст, соопшти Ватикан. „Утринава во 7:35 часот, бискупот римски Франциско се врати во домот...
Спроведени 617 вонредни контроли пред Велигден, уништени 1 740 килограми небезбедна храна
Шестотини и седумнаесет вонредни контроли спроведоа инспекциските служби на Агенцијата за храна и ветеринарство (АХВ) пред велигденските празници. Кај 16...
„Дали молкот на СДС, Филипче и Заев е потврда дека тие поседуваат златни визи за Дубаи“, прашува ВМРО-ДПМНЕ
„СДС, Венко Филипче и Зоран Заев мудро молчат и немаат аргументи да реагираат, ниту пак ги демантираат нашите дилеми. Помина...
Предупредување за воздушни напади во Украина неколку часа по завршувањето на велигденскиот прекин на огнот
Ширум Украина рано утринава тревога за воздушни напади, само неколку часа по истекот на „велигденскиот прекин на огнот“. Украинските воздухопловни...
Кина: Цврсто ќе се спротивставиме на секој што ќе постигне договор на штета на Кина
Кина ги почитува сите страни кои ги решаваат економските и трговските спорови со САД преку консултации на еднаква основа, но...
Трамп: Се надевам на брз договор меѓу Украина и Русија, и двете држави можат да направат богатство
Американскиот претседател Доналд Трамп изјави дека се надева оти договор меѓу Русија и Украина ќе биде постигнат во неделата што...
Украина: Русија 2.000 пати го прекрши примирјето
Украинскиот претседател Володимир Зеленски ја обвини Русија во неделата дека го прекршила велигденскиот прекин на огнот повеќе од 2.000 пати,...
Гаши демантира дека ја напушта коалицијата Вреди, останува лојален на гласачите
Претседателот на Собранието, Африм Гаши, преку објава на Фејсбук ги демантираше информациите што се појавија во некои медиуми дека ја...
Пет лица се повредени во сообраќајката кај „Градска болница“
Пет лица се повредени, од кои едно потешко, во тешка сообраќајна несреќа што се случи синоќа во центарот на Скопје,...
