Регион
Приштински дипломат: Курти ќе ja формира ЗСО, со изборите си го спасуваше образот
Поранешниот шеф на косовската дипломатија, Скендер Хисени, оценува дека косовскиот премиер Албин Курти набргу ќе ја имплементира заедницата на општини со српско мнозинство (ЗСО), а за да си го спаси образот, како што додаде, се крие зад политичките маневри, како што беа вонредните локални избори одржани на северот од Косово минатата недела, пренесува „Економија онлајн“.
„Сето ова е направено за да се добие банално оправдување за спроведувањето на заедницата на српски општини. Нема потреба Курти да се крие зад политичките маневри за да го унапреди договорот со Србија“, рече Хисени.
Хисени изрази уверување дека политичките маневри на Курти ќе бидат подобро разбрани во наредните денови откако тој ќе почне со имплементација на заедницата на општини со српско мнозинство, пренесува „Косово онлајн“.
„Курти бара оправдување. Тој само се обидува да си го спаси образот, а Косово и суверенитетот на државата трпат штета на целата територија. Следните денови ќе покажат дека сето тоа беше маневар за прикривање за она што следува. САД и меѓународната заедница точно знаат, но не може јавно да кажат дека Косово не може да организира избори на северот на земјата“, посочи поранешниот косовски шеф на дипломатија.
Курти претходно неколкупати нагласи дека нема намера да формира заедница на српски општини, на што е обврзан со бриселскиот договор и другите договори потпишани со Белград и со меѓународната заедница.
Во меѓувреме, претседателот на Демократскиот сојуз на Косово, Љумир Абдиџику, изјави дека Курти направил голема грешка бидејќи во преамбулата на договорот на кој се согласил во Брисел на 27 февруари има нешто што не може да се поправи, а тоа, како што наведува Абдиџику, е согласноста на Приштина со точката дека нема прејудицирање на конечниот статус, пренесува „Газета експрес“.
„Ова е првпат во историјата Косово да се согласи со точката да не го прејудицира статусот. Тоа се меѓународни обврски, за тоа зборувам. Нема враќање назад“, рече тој.
Абдиџику посочи дека никој не го обвинува Курти за заедницата на српски општини, но проблемот е што Курти, како што наведе лидерот на ДСК, „потпишал нешто повеќе од тоа“.
Тој посочи и дека Курти ги прекршил сопствениците принципи, како и дека е „многу слаб во однос на преговорите“.
„Во август 2022 година тој ги претстави своите шест принципи за дијалог, од кои ниту еден не постои“, нагласи Абдиџику.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.