Свет
Ноам Чомски: Русија во Украина се однесува похумано од САД во Ирак
Американскиот интелектуалец и лингвист Ноам Чомски, децениски критичар на американската надворешна политика, во интервју за неделникот „Њу Стејтсмен“ вели дека Русија се однесува воздржано и умерено во Украина.
Познатиот американски интелектуалец, лингвист, филозоф, писател и професор Чомски е еден од најгласните критичари на надворешната политика на Соединетите Американски Држави по Виетнамската војна.
Неговиот есеј „Одговорноста на интелектуалците“ од 1967 година ја осуди американската интелектуална елита, особено општествените научници и технократите од Вашингтон, бидејќи, како што веруваше Чомски, и помогна на тогашната американска администрација да ги „измие рацете“ од неприфатливите воени потфати и да ги оправда злосторствата извршени во Виетнам.
Иако, 56 години подоцна, конфликтот во Украина е сосема поинаков од војната во Виетнам и Соединетите Американски Држави не војуваат на странска територија, туку поддржуваат суверена земја која е нападната од Русија, Чомски е подеднакво критичен кон Американската политика, но и на Украина, каде што е роден татко му, пред да емигрира во САД во 1913 година.
Во интервју за неделникот Њу Стејтсмен, Чомски вели дека САД и Велика Британија ги отфрлаат преговорите во Украина заради нивните национални интереси, иако земјата е веќе сериозно уништена од војната.
„Украина не е слободен актер, зависи од тоа што ќе определи САД“ истакнува Чомски и вели дека САД го снабдуваат Киев со оружје само за да ја ослабат Русија.
„За САД сето ова е евтино. За само дел од колосалниот воен буџет, тие се способни сериозно да ги деградираат воените сили на нивниот единствен вистински воен противник“, објаснува Чомски.
Смета дека Русија се однесува воздржано и умерено. Тој го споредува руското војување во Украина со американската инвазија на Ирак во 2003 година, тврдејќи дека во Украина не се случило големо уништување на инфраструктурата.
„Несомнено, Русија би можела да го направи тоа, веројатно со конвенционално оружје. Може да го направи Киев неодржлив, како што беше Багдад, може да ги нападне линиите за снабдување во западна Украина“, истакнува Чомски.
На прашањето дали тој имплицира дека Русија се бори во Украина похумано отколку што САД се борат во Ирак, Чомски вели дека тоа е сосема очигледно.
Тој посочува дека делегациите на Обединетите нации морале да се повлечат кога започнала инвазијата на Ирак бидејќи нападот бил толку сериозен и екстремен.
„Тоа е американски и британски стил на војување. Погледнете ги жртвите. Сè што знам се официјалните бројки, а официјалните податоци од Обединетите нации велат дека има околу 8.000 цивилни жртви во Украина. Колку цивилни жртви имаше кога САД и Британија го нападнаа Ирак?“, прашува Чомски.
Тој нагласува дека доказ за воздржаноста на Русија е и бројот на странски функционери кои отпатувале во Киев од избувнувањето на војната.
„Кога САД и Британија го уништија Багдад, отиде ли некој странски лидер во посета? Не, затоа што кога САД и Британија влегуваат во војна, фаќаат право за гуша. Уништуваат сè – комуникации, транспорт, енергија, се што прави општеството да функционира“, набројува Чомски.
На прашањето како би можело да изгледа потенцијалното решение за војната во Украина, Чомски вели дека, пред се, Украина никогаш нема да биде членка на НАТО алијансата.
„Ова е црвената линија на која инсистираше секој руски лидер, од поранешниот руски претседател Борис Елцин до поранешниот советски лидер Михаил Горбачов. Украина го добива статусот на Австрија за време на Студената војна или Мексико денес. Мексико не може да се приклучи на воен сојуз кој е непријателски настроен кон САД. Нема договор за тоа, но тоа е совршено очигледно“, објаснува Чомски.
Тој ја коментираше и желбата на Шведска и Финска да станат членки на НАТО алијансата. Иако двете земји експлицитно ја наведоа инвазијата на Украина како причина за нивното барање за приклучување, Чомски вели дека тврдењата дека Русија може да и се закани на која било земја се западна пропаганда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка објави како изгледал нападот врз Иран, Ф-35 ја уништил воздушната одбрана
САД објавија нови детали за нападите врз иранските нуклеарни постројки во јуни, истакнувајќи ја клучната улога на Ф-35 во пробивањето на иранската противвоздушна одбрана во операцијата „Полноќен чекан“. Нападнати биле објектите во Фордо, Натанз и Исфахан.
Ф-35 ги неутрализирале ПВО-системите и овозможиле коридор за бомбардерите B-2 и F-22. Иран следниот ден испукал балистички ракети кон американска база во Катар, без жртви.
Американските команданти наведуваат дека операцијата ги потврдила клучните способности на F-35 и дека искуствата ќе се користат за идни операции, особено во Индо-Пацификот.
Свет
Малолетнички измамени со понуди за моделинг и одведени на приватни забави во Дубаи – руските медиуми објавија преписки
Руски тинејџерки ги мамат во Дубаи на забави со шеици, со ветувања за раскошни подароци и милиони долари, пишуваат руските медиуми. „Менаџерите“ на овие малолетни девојки, од кои некои имаат само 16 години, бараат нивни експлицитни фотографии пред заминувањето, со што ја откриваат вистинската цел на патувањето и им нудат совети како да ги измамат своите родители, објавува Lenta.ru.
Се појави преписка помеѓу девојка и „агент за модели“, кој се обидел да ја убеди да оди на патување. Тинејџерката сакала да знае дали нејзиното отсуство на сексуално искуство ќе влијае на цената на услугата, откако тој ѝ ветил 10 илјади долари и алудирал дека клиентот често им дава на жените скапи часовници. Тој ја придружувал пораката со фотографии од дебели купчиња банкноти, луксузни подароци и златни Ролекс часовници.
Девојките им кажуваат на своите родители дека одат во ОАЕ за да работат како модели, а потоа ги замолуваат да потпишат заверени формулари за согласност што им дозволуваат на малолетниците да патуваат во Дубаи. Најчесто, станува збор за девојки од дисфункционални семејства кои не се финансиски стабилни.
Иако овие забави се скриени од јавноста, анонимен украински „агент“ зборуваше за приватни настани во Дубаи за американското списание Vice во текот на 2018 година. Тој рече дека настаните се одржуваат во тајност со дискретен пристап и дека религијата не спречува никого да се забавува. Цената на сексуалните услуги е исто така доста висока поради приватноста. Еден час со жена чини најмалку илјада долари, додека со маж чини околу 500 долари.
Истата година, Екатерина Стетсјук од Русија, тогаш 22-годишна, беше приведена во ОАЕ откако скокна од шестиот кат на хотел во Дубаи. Таа претрпе тешки повреди на ‘рбетот. Таа призна дека скокнала од прозорецот за да избега од 39-годишниот шеик, откако избувнала расправија за време на која тој се обидел да ја избоде.
На крајот, мажот не беше казнет, но Стетсјук беше префрлена од болницата во затвор три дена по операцијата. Подоцна беше постигната спогодба за која таа беше депортирана. Стетсјук пристигна во ОАЕ за да учествува во снимање за моделирање на покана на луѓе што ги запознала на социјалните мрежи.
Таа следела неколку модни агенции, како и профили што рекламирале отворени работни места во странство „за привлечни жени“. Друга девојка, Марија Ковалчук, која заработуваше пари како модел на „Онли фанс“, беше пронајдена повредена во ОАЕ по сличен инцидент.
Таа исчезнала по забава во хотел во Дубаи и била пронајдена од минувачи покрај патот со скршени нозе и скршен ‘рбет. За време на хоспитализацијата, таа била во кома и морала да биде оперирана неколку пати. Подоцна изјавила дека не слушнала за забавите во Дубаи и ја нарекла верзијата на приказната во која е вклучен шеикот измислена.
Таа вели дека навистина била насилно држена во хотелот и тепана, но како виновници именува група млади мажи, пишува Lenta.ru.
Свет
Братот на принцезата Дијана: Интервјуто на „Би-би-си“ директно доведе до нејзината смрт
Братот на принцезата Дијана, грофот Чарлс Спенсер, изјави дека интервјуто што Дијана го дала за „Би-би-си“ во 1995 година директно довело до нејзината смрт. Спенсер повторно проговори речиси три децении по трагедијата, поврзувајќи ја измамата при обезбедувањето на интервјуто со несреќата во Париз во 1997 година.
Неговите тврдења доаѓаат четири години по интерната истрага која утврди дека новинарот Мартин Башир користел измамни тактики за да го добие разговорот со Дијана. Спенсер за People изјави дека во BBC имало високопозиционирани лица кои учествувале во ова и дека токму тоа ја направило Дијана ранлива.
Бившиот приватен секретар на Дијана, Патрик Џефсон, потсети дека Башир покажувал фалсификувани банкарски извештаи и дека тоа ја довело Дијана во „оправдана анксиозност“. Башир лажно тврдел и дека тогашниот принц Чарлс имал афера со дадилката на Вилијам и Хари, придружувајќи ги наводите со измислени документи.
Според Џефсон, измамата имала разорно влијание и ја натерала Дијана да не им верува на службите за безбедност, што ја оставило во рацете на неквалификувани лица.
BBC ја призна својата одговорност и јавно се извини. Истото го направи и Башир, кој повторно изрази жалење што побарал да се фалсификуваат банкарски документи.
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
(Видео) Зеленски испрати драматично предупредување: неколку часа подоцна, Русите брутално го нападнаа Киев
Русија синоќа започна жесток напад врз Киев и други украински градови, користејќи беспилотни летала „Шахед“ и балистички ракети „Кинжал“. Нападите...
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
