Свет
Почна судењето на белоруската адвокатка Лазаренко за застапување опозициски активисти
Во време кога белоруските власти ја интензивираат репресијата против дисидентите, во Минск пона судењето на белоруската адвокатка Анастасија Лазаренко (40), која застапувала активисти затворени за учество во масовните протести со кои се оспоруваат официјалните резултати од претседателските избори во август 2020 година, пренесува Радио Слободна Европа.
Судењето на Лазаренко почна денеска, речиси една година откако беше уапсена и обвинета за организирање нелегален масовен собир, организирање и подготвување акции кои, како што е наведено во обвинението, имале за цел нарушување на општествениот ред, како и за злоупотреба на лични податоци на белоруски полицајци и судии.
Првите две обвиненија против Лазаренко се однесуваат на нејзините бесплатни правни консултации со активистите затворени пред притворскиот центар „Минск акрешчина“ во 2020 година. Третото обвинение тврди дека таа објавила информации за полицајци на платформата за социјалните медиуми Телеграм.
Украинските безбедносни сили ја уапсија Лазаренко во вооружена рација на нејзиниот дом во јуни минатата година и против неа беше поведена кривична постапка по чл. 130 § 3 од Кривичниот законик на Република Белорусија за наводно за пренесување информации за безбедносните сили и судиите на канали на Телеграм, за што е предвидена казна затвор до 12 години
На 5 септември 2022 година, организациите за човекови права ја прогласија Лазаренко за политички затвореник заедно со уште пет лица.
Според специјалниот извештај на УНХЦР од јуни 2022, 66 белоруски адвокати биле прогонувани по изборите во 2020 година, вклучително и преку одземање на работната дозвола, притвор и судски прогон. Еден од прогонуваните новинари, Максим Знак, бил ставен и на „списокот на терористи“ на белорускиот Комитет за државна безбедност.
Ова, според УНХЦР, предизвикува застрашувачки ефект кај другите правни професионалци, ограничувајќи го правото на бранителите на човековите права и на политичките противници до независно, ефективно правно застапување.
Во одделен слуачј денеска во Минск почна и судењето на уметникот Хенаџ Дражду (64), кој беше уапсен во август минатата година по враќањето од Украина и обвинет за „олеснување екстремистички активности“. По апсењето, инспекторите го пребарале домот на Дражду и наводно пронашле негови фотографии на кои позира со украински војници.
Белоруските државни медиуми подоцна објавија дека Дражду учествувал и во антивладините протести во Белорусија во 2020 година, блокирал патишта, разговарал со „радикални опозициски активисти“ и планирал нелегални активности.
Стотици луѓе завршија в затвот по претседателските избори во август 2020 година, на кои авторитарниот претседател Александар Лукашенко тврдеше дека победил, додека активистите за човекови права и опозициските политичари велат дека резултатите биле наместени.
Белорусија помина низ невидени немири поради изборните резултати кои траеја неколку месеци. На протестите беа приведени илјадници луѓе, а имаше и потврдени извештаи за тортура и малтретирање на затворениците од страна на безбедносните сили. За време на судирите загинаа неколку лица.
Во време на зајакнати санкции од Западот, Лукашенко во голема мера се потпира на руската поддршка додека ја сузбива опозицијата и апси или протерува многу нејзини лидери. САД, ЕУ и неколку други земји одбија да ја признаат изборната победа на Лукашенко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Морето се повлече пред надоаѓањето на цунамито, застрашувачки снимки од Чиле по земјотресот
На јужниот брег на Чиле, морето се повлече пред пристигнувањето на цунамито по силниот земјотрес со јачина од 7,5 степени според Рихтеровата скала.
Се работи за водена површина помеѓу најјужниот врв на Јужна Америка – Кејп Хорн и Јужните Шетландски Острови на Антарктикот.
🟢 CHILE |
Hay alerta de Tsunami para las costas de #Chile, luego de un sismo de 7.5 grados.
El mar se ha retirado en algunos sectores
Video TVN pic.twitter.com/LZ5wzXe2v5
— SomosEstrategia (@SomosEstrategia) May 2, 2025
Властите издадоа итно предупредување за цунами, поради што беше наредена евакуација.
Покрај жителите на Магаланес, се евакуираат и жителите на Пунта Аренас и Пуерто Наталес. На жителите на овие населби им било наредено да се оддалечат од брегот.
Според првите проценки, се очекува цунами високо меѓу еден и три метри да го надмине брегот.
Врз основа на прелиминарните параметри на земјотресот, можни се опасни бранови од цунами на бреговите кои се наоѓаат на 300 километри од епицентарот на земјотресот.
Чилеанската хидрографска и океанографска служба процени дека во наредните часови брановите ќе стигнат до Антарктикот, а потоа и до градовите на крајниот југ на Чиле.
Претседателот на Чиле, Габриел Бориц повика на итна евакуација на населението.
Инаку, според податоците на чилеанската агенција за катастрофи (Сенапред), повеќе од 1.700 луѓе се евакуирани на повеќе локации во ретко населената област, меѓу кои 1.000 од градот Пуерто Вилијамс и 500 од Пуерто Наталес.
Околу 32 лица се евакуирани од чилеанските истражувачки бази на Антарктикот.
Сенапред издаде највисоко ниво на тревога за катастрофи, што значи дека сите ресурси ќе бидат мобилизирани за да се одговори.
Локалните медиуми јавуваат дека повикот за евакуација во безбедни подрачја, лоцирани на 30 метри надморска височина, е мерка на претпазливост.
Свет
„Мерцедес“ се заби во група пешаци во Штутгард
Автомобил „мерцедес“ денеска удри во група луѓе на пешачки премин во центарот на Штутгарт, Германија, при што се повредени неколку лица, соопшти полицијата која го уапсила возачот.
Инцидентот се случил околу 17:50 часот на фреквентна крстосница со повеќе ленти во центарот на Штутгарт.
Според првичните информации, „мерцедесот“ удрил во група пешаци на пешачкиот премин кај трамвајската станица Олгаек. Иако првично беше објавено дека се повредени три лица, подоцна беше соопштено дека се повредени осум, а тројца се сериозно повредени.
Спасувачите се присутни на местото на настанот за да им помогнат на повредените.
Очевидци изјавија дека тешко теренско возило удрило во жена која носела количка. Фотографиите од местото на несреќата покажуваат уништена количка на трамвајските шини.
Се уште не е јасно дали возачот намерно удрил во пешаците.
„Истрагата се движи во сите правци“, изјави портпаролката на полицијата.
Областа околу раскрсницата е затворена за полицијата и службите за итни случаи, а градските и метро линиите се суспендирани до понатамошно известување.
Возачот на „мерцедесот“ е уапсен.
Регион
Тројца Хрвати продавале лажно злато на златари во Германија
Тројца Хрвати се осомничени за измама во областа Лудвигсбург и Баден-Баден, пренесува Феникс. Полицијата ги сомничи дека продавале лажно злато и со тоа сториле кривично дело.
Мажите на возраст од 49, 53 и 65 години се во притвор од минатиот петок. Тие се осомничени дека минатата недела најмалку три пати продавале накит, кој бил речиси безвреден, на златарници и трговци со злато.
Тројцата осомничени биле уапсени откако златар од Лудвигсбург минатата недела го прегледал претставениот накит и сфатил дека станува збор за бижутерија, а не за злато.
Наводно, 65-годишниот осомничен потоа ја вратил нараквицата во џеб и побегнал. При последователната проверка на 65-годишниот и неговите двајца помагачи, што ја извршиле службите за итна помош на Линденштрасе, бил запленет повеќе безвреден накит, по што мажите привремено биле уапсени.
„Понатамошните истраги открија докази дека истите осомничени веќе измамиле купувач на злато и златар неколку часа претходно во Вајхинген ан дер Енц и еден ден претходно во Баден-Баден“, соопшти полицијата.
На барање на државното правобранителство во Штутгарт денеска пред судијата на судот во Лудвигсбург се изведени тројца мажи со хрватско државјанство. Судијата издал налог за апсење и ги ставил во притвор. Истрагата е во тек.
„Мерцедес“ се заби во група пешаци во Штутгард
Автомобил „мерцедес“ денеска удри во група луѓе на пешачки премин во центарот на Штутгарт, Германија, при што се повредени неколку...
Ахмети вели дека ако излезе на улица нема враќање назад, „Вреди“ со коментар дека улицата е на народот, а не на милионерите
Можно е симпатизерите на ДУИ да излезат на улица, вели Али Ахмети, поради случајот со ексминистерот, Крешник Бектеши, кој се...
Америка се повлекува од мировните преговори меѓу Русија и Украина
САД повеќе нема да посредуваат во мировните преговори меѓу Украина и Русија откога Владимир Путин одби да се согласи на...
Караџов за Коридорот 8: Николоски раскажува македонски приказни пред спиење, каде е да го потпише договорот
Имам чувство дека Николоски раскажува македонски приказни пред спиење, коментира вицепремиерот и министер за транспорт, Гроздан Караџов, во врска со...
Мицкоски: Јавниот и државниот долг најниски во последните 5 години
Премиерот Христијан Мицкоски, денеска, одговарајќи на новинарско прашање во однос на нивото на јавниот и на државниот долг и очекувањата...
Скопската ЗОО од утре може да биде затворена, вработените од вчера се и без здравствено осигурување, а плата немаат 45 дена
Доколку не им биде исплатена платата за март на вработените, веројатно скопската Зоолошка градина од утре ќе биде затворена за...
Осум пациенти се враќаат од лекување од Турција, Бугарија и од Словенија, во странство остануваат хоспитализирани 18
Министерството за здравство информира дека денеска уште осум пациенти од повредените во трагедијата во Кочани се враќаат од лекување, од...
Независниот синдикат на полицијата со најава за полициски протест: „Молчењето нѐ донесе под минималецот“
Независниот синдикат на полицијата со најава за полициски протест. „Како што ветивме после првомајската парада, на 2 Мај го најавуваме...
Разузнавачките служби: Целите на Путин се променија
Нови разузнавачки информации споделени од американски и западни претставници сугерираат дека рускиот претседател Владимир Путин го префрлил својот непосреден фокус...
Македонија со пад од шест места на Индексот за слобода на медиумите
Падот на Македонија за шест места на Индексот за слобода на медиумите за 2025 година, објавен од „Репортери без граници“,...
Венс: Војната во Украина нема да заврши набргу
Американскиот потпретседател Џеј-Ди Венс вчера за „Фокс њуз“ изјави дека војната во Украина нема да заврши набргу, а американскиот државен...
Субвенции за струја за ранливи домаќинства: обработени 745 апликации, следува исплата
Министерството за енергетика, рударство и минерални суровини ги финализира административните проверки на апликациите пристигнати по јавниот оглас за финансиска поддршка...
Пресврт во трговската војна – САД побараа разговори со Кина
Соединетите Американски Држави се обратија до Кина за да побараат разговори за царините од 145 проценти што ги воведе претседателот...
Исчезнатиот рибар кај Злетовска Река најден мртов
Пронајден е починат исчезнатиот рибар Кире Павлов од Пробиштип. Неговото исчезнување во полицијата го пријавил Благој Стојанов од истиот град кој...
МВР трага по осумгодишно момче кое исчезнало во Скопје
Осумгодишниот А.Џ., кој имал здравствени проблеми се оддалечил од местото каде што престокувал со својот татко. За случајот, полицијата во...
Зеленски: Договорот за минералите е прв резултат од мојата средба со Трамп во Ватикан
Украинскиот претседател, Володимир Зеленски, денеска го нарече историски договорот за минерали меѓу САД и Украина. „Ова е првиот опиплив исход...
Владата: Сметки од услугите од бифињата, СДСМ ги прикажува како трошоци за ручеци на министри
Владата во целост ги демантира, како што ги нарекува, лажните и манипулативни наводи на партијата СДСМ за сметките. Според Владата,...
Сиљановска-Давкова: Работниците и синдикатите со право протестираат за повисоки плати и пошироки права
Порака од претседателката Сиљановска-Давкова по повод 1 Мај – Меѓународниот ден на трудот: Денеска го славиме 1 Мај – Меѓународниот...
„Платите во Македонија се мизерни“ – синдикалците побараа минимална плата од 500 евра
Платите во Македонија се мизерни и не се зголемуваат онака како што е предвидено со колективните договори. Сојузот на синдикати на Македонија...
(Видео) Власта за четири месеци потрошила 30.000 евра на јадење по ресторани, вели Кузеска од СДСМ
Портпаролката на СДСМ, Богданка Кузеска, објави дека во држава каде што работниците бројат денови до платата, министри од ВМРО-ДПМНЕ трошат...
