Свет
(Видео) ФСБ уапси украински платени убијци и бугарски шверцер на Крим
![](https://makfax.com.mk/wp-content/uploads/2023/05/ФСБ-Крим.jpg)
Руската Федерална служба за безбедност (ФСБ) осуетила заговор на украинското воено разузнавање за атентат на највисоките руски функционери на Крим, пренесува РТ.
Во акцијата бил разбиен терористички круг, кој наводно стои и зад саботажата на руската железница во февруари.
Според соопштението на ФСБ објавено денеска, лидер на групата бил Роман Машовец, офицер на украинската агенција за воено разузнавање (ГУР и заменик-шеф на кабинетот на украинскиот претседател Володимир Зеленски).
Машовец е близок соработник на началникот на ГУР, Кирил Буданов, кој за операцијата на Крим регрутирал шест руски и украински државјани. Групата имала задача да подготви атентати врз високи функционери, вклучително и претседателот на Република Крим, претседавачот со парламентот на регионот и на градоначалникот на Јалта.
Тимот наводно планирал и диверзантски операции на транспортната инфраструктура.
Украинските агенти имале воспоставен канал за шверцување, кој им овозможил да дојдат до потребната нелегална опрема, вклучувајќи експлозиви, детонатори, уреди за следење и друга опрема, велат од ФСБ.
Руската агенција при рацијата наводно запленила пет импровизирани експлозивни направи, 6 кг пластичен експлозив од британско производство и други инкриминирачки материјали. Снимката од рацијата исто така прикажува неколку рачни гранати откриени на локацијата.
Запленетиот експлозив бил идентичен со оној употребен во саботажата на една железничка пруга на Крим на 23 февруари. Според извештаите од тоа време, инцидентот се случил во областа Бакчисарај и го нарушил сообраќајот на полуостровот.
Рутата за шверцување водела од Бугарија преку Турција и Грузија и вклучувала тројца украински државјани и еден Бугарин, што ФСБ го идентификувала како Д. Петранов.
Петранов бил уапсен на Крим заедно со припадниците на украинскиот круг. Шверцуваната опрема била скриена во електрични шпорети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Борел: Орбан не доби никаков мандат од Советот на ЕУ да ја посети Москва
![](https://makfax.com.mk/wp-content/uploads/2024/01/677z381_677z381_677z381_borelj-epa-efe-o.m.-nnn.jpg)
– Унгарскиот премиер Виктор Орбан не доби никаков мандат од Советот на ЕУ да ја посети Москва, а неговиот престој во руската престолнина ќе се одвива исклучиво во рамките на билатералните односи меѓу Унгарија и Русија, изјави високиот претставник на ЕУ за надворешна политика и обезбедување, Жосеп Борел.
Тој изјави дека поради ставот на ЕУ за војната во Украина, официјалните контакти меѓу Унијата и претседателот на Русија, Владимир Путин се исклучени и дека поради тоа Орбан не ја претставува ЕУ во ниту еден облик, соопшти прес-службата на објави Европската Унија.
Во соопштението се потсетува дека претседателот на Русија, Владимир Путин, е обвинет од Меѓународниот кривичен суд и дека е распишана потерница за негово апсење во врска со присилната депортација на деца од Украина во Русија.
Регион
Експлозија во Загреб, разбојници разнеле банкомат
![](https://makfax.com.mk/wp-content/uploads/2024/07/hgfh-1.jpg)
Непознати разбојници разнеле банкомат во загрепски Бузин. Полицијата го блокирала патот.
– Утрово поминував покрај бензинската пумпа и видов дежурна полиција во близина на банкоматот. Некој го разнел во текот на ноќта – изјавил за 24сата.хр жител на Загреб.
Станува збор за банкомат кој се наоѓа во непосредна близина на бензинската пумпа на аголот на авенијата Вечеслава Хољевац и улицата Бани.
Полицијата веднаш излегла на терен со четири возила.
Отпадоци имало насекаде, а засега нема информации колку пари успеале да украдат.
Свет
Орбан му одговори на Мишел: Кога станува збор за односите со Русија и Украина, Унгарија дејствува во свое име, а не во име на ЕУ
![](https://makfax.com.mk/wp-content/uploads/2024/02/677z381_677z381_677z381_677z381_677z381_677z381_677z381_orban-prag.jpg)
Унгарија разбира дека со организацијата на преговорите меѓу Русија и Украина ќе се занимаваат големите земји, но би сакала да ги охрабри страните во конфликтот да склучат мир, изјави унгарскиот премиер Виктор Орбан во радио програмата „Кошут“.
„Будимпешта знае каде припаѓа и кое е нејзиното значење, како и дека големите сили ќе се занимаваат со големи преговори“, посочи Орбан.
Истовремено, тој повтори дека Унгарија би сакала да ги охрабри страните да започнат преговори. Премиерот објасни дека токму таква цел имал на ум кога го посетил Киев на 2 јули, по 12 години, каде што се сретнал со украинскиот претседател Володимир Зеленски.
„Уште еднаш, морам да прецизирам дека унгарското претседавање со Советот на Европската унија не дава мандат за преговори во име на ЕУ, туку Будимпешта настапува во свое име. Она што можеме да го направиме е да разјасниме која страна на што е подготвена, а откако ќе дознаеме, лидерите на ЕУ веќе можат да донесат одлука, а по одлуката ќе може да се започнат преговори, што, за жал, се чини дека е далеку е засега“, нагласи Орбан.
Запрашан кои ќе бидат неговите следни чекори по неговата посета на Киев на 2 јули, Орбан рече: „Бидејќи овие чекори се од многу чувствителна природа, ќе може да се зборува за нив дури откако ќе се спроведат“.
Претходно, шефот на Европскиот совет во заминување, Шарл Мишел, на мрежата Х напиша дека ротирачкото унгарско претседателство со Советот на ЕУ нема мандат да контактира со Русија во име на Европската унија, коментирајќи ги мировните иницијативи на унгарскиот премиер, Виктор Орбан и информации за неговата можна посета на Москва.
Претходно, прес-секретарот на рускиот лидер Дмитриј Песков, коментирајќи ги медиумските написи за евентуална посета на Орбан на Русија, одби да ја потврди или негира оваа претпоставка, пренесува Спутник.