Регион
Експерт открива три можни сценарија за иднината на 13-годишниот Коста кој уби десет лица во Србија
Коста К.(13) кој на 3 мај уби девет деца и обезбедувањето во основното училиште во Врачар, се уште е на Клиниката за неврологија и психијатрија во Белград.
Драган Вулевиќ, специјалист по социјално право и поранешен раководител на Секторот за надзорни работи од областа на семејно-правната заштита во Министерството за труд во Србија, во интервју за весникот Нова открива дека по набљудувањето точно ќе се знае каква дополнителна форма на заштита препорачуваат лекарите, а посочува дека постојат три можности.
Како помлад од 14 години, К.К не може да биде изведен пред суд, ниту да му биде изречена кривична санкција, па затоа прашањето за неговиот правен статус и соочувањето со размерите на кривичното дело што го направи ја преокупира јавноста. Вулевиќ во интервју за весникот наведува дека лекарите писмено ќе се изјаснат дали момчето претставува опасност за него и за околината, како и дали предлагаат затворена форма на заштита, отворена форма или враќање во семејството.
„Моментално не го знам неговото ментално здравје, карактеристиките на личноста, така што, што се однесува до принудниот притвор во здравствена установа, лекарскиот извештај мора да биде таков што тој има структурирано растројство на личноста и нарушување во однесувањето кое бара интензивна медицинска интервенција и во тој случај потребна е согласност од неговите родители“, наведува Вулевиќ.
Следствено, на родителите може делумно да им се одземе старателството, во делот на одлучување за третманот на момчето, па дури и целосно, доколку се утврди дека постојат законски основи и дека семејните околности се опасни за малолетникот. Оваа процедура не го одложува лекувањето, односно детето за тоа време ќе остане на Клиниката за детска психијатрија. Според законот, привремен старател може да биде или Центарот за социјална работа или доверлив близок роднина, вели Вулевиќ.
Друга опција би била доколку експертите заклучат дека К.К. нема никакви нарушувања на личноста, центарот ќе оцени дека тој треба да биде сместен во установа за деца со нарушувања во однесувањето, но соговорникот на Нова смета дека оваа мерка, со оглед на извршеното, се чини малку веројатна, бидејќи тие се домови со отворен тип.
„Третата опција би била К.К да се врати на семејството и во тој случај органот за старателство е должен да изготви детален план за поддршка на родителите во воспитувањето на детето. Понатаму се зависи од наодите на лекарот, односно од оние кои ќе ги применуваат и толкуваат законските норми согласно фактите кои се достапни во овој момент“, вели специјалистот по социјално право.
Адвокатката Ирина Боровиќ, бранител на таткото на момчето В.К.(48), кој го застапува и К.К., за Нова вели дека не треба да се шпекулира и случајно да се проценува бидејќи лекарите не ги завршиле дијагностичките процедури.
„Се чека на лекарите од клиниката каде што сега е К.К., да направат се’, по што ќе знаеме каков третман ќе има и во кој правец ќе се одвиваат работите. Кога некој е опасен за себе или за другите, а проценката е дека причината лежи во нешто од медицинска природа, во тој случај болницата има свои процедури што треба да ги следи. К.К е малолетник, неговите родители се свесни за се’ и не прават никакви опструкции, па верувам дека ќе се согласат со се’ што ќе проценат вештаците. Има многу различни опции и не верувам дека некоја од опциите ќе биде онаа што е спротивна на она што ни го кажува вообичаената логика и што дури и лаиците сметаа дека е логично да се случи“, заклучува адвокатот Боровиќ.
Масакрот во училиштето „Владислав Рибникар“ се случи на 3 мај, кога К.К со пиштолот на татко му уби девет лица. Десеттата жртва во понеделникот им подлегна на тешките повреди.
По масакрот во училиштето „Владислав Рибникар“, со лисици на рацете беше врзан и таткото на момчето В.К., кој е обвинет за тежок напад против јавната безбедност. По рочиштето му е одредена мерка притвор до 30 дена.
Учениците од училиштето „Владислав Рибникар“ се вратија на училиште, една недела по масакрот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невреме во Хрватска: гром запали куќа, летаа покриви, автомобили заглавени во вода
Пожар избувна во семејната куќа во Борлин по удар на гром по силното невреме.
Со тешки телесни повреди се здобил и 52-годишен пожарникар кој е пренесен на лекување, јавува „ Нова ТВ“.
Командирот на Јавната противпожарна служба во Карловац, откри детали за повредениот пожарникар.
„За време на гаснењето имаше неколку експлозии, најголемата беше при нашето пристигнување, за време на гаснењето имаше неколку секундарни експлозии, не знаеме точно што ги предизвикало експлозиите, можеме да претпоставиме дека се работи за остатоци од мини-експлозивни направи од Татковинската војна“, рече тој.
Додаде дека пожарникарот има сериозни повреди, пренесува „Индекс“.
„Ќе биде опериран, сакаме да закрепне што е можно поскоро“, изјави тој за РТЛ.
Соседите во предградието на Карловац, опишаа дека гром прво удрил во куќата, по што следеле поголеми и помали експлозии, од кои стотици. Плочки летаа и до 80 метри, а на улица можеше да се најдат и чаури.
Силно невреме попладнево зафати делови од Хрватска. Најтешка беше ситуацијата во Карловац.
Големо количество врнежи за кратко време предизвикаа поплави на бројни патишта во Карловац. Поплавени се подвозници и паркинзи, автомобили останаа заглавени во водата.
Итните служби се на терен.
Во повеќе делови од градот паѓаше град. Засега се уште нема информации за штети.
Карловачките пожарникари примиле околу 20 повици за интервенции, потврди градоначалникот Дамир Мандиќ.
Регион
(Видео) Протести во Тирана: експлозии пред влезот на собранието; молотови коктели врз полицајци
Граѓаните повторно се собраа пред собранието на град Тирана, каде се одржа нов протест со барање за оставка од градоначалникот Ерион Велиај, јавува „Vox News“.
Тензиите се зголемија по говорите на претставници и активисти на опозицијата.
The opposition in #Albania is protesting for the second month in front of the Municipality of #Tirana. They demand the resignation of the Mayor #ErionVeliaj as they accuse him of corruption on at least 3 occasions. pic.twitter.com/cNQmqwX0IB
— Isa Myzyraj (@IsamyzyrajAlb) May 28, 2024
Овој протест, според написите, започна со факели и молотови коктели.
Демонстрантите фрлаа молотови коктели кон влезот на градското собрание во Тирана, додека десетици полицајци стоеја пред нив.
Медиумот пренесува дека молотовите коктели не ги погодиле полицајците, туку експлодирале на влезните скали на Градското собрание.
Регион
Притвор за малолетникот осомничен за убиството на братот на вицепремиерот на Босна и Херцеговина во Белград: ќе одговара за тешко убиство
Судијата за малолетници на Вишиот суд во Белград му одреди притвор до 30 дена на малолетникот Ф. Б. (16), кој е осомничен за тешкото убиство на Ѓорѓе Мијатовиќ (40), брат на Војин Мијатовиќ, министер во владата на Федерацијата на Босна и Херцеговина.
Неговиот притвор е одреден за да не влијае на сведоците и да не го повтори кривичното дело за краток временски период, објавија српските медиуми.
Денеска, се предаде и уште еден малолетник осомничен за убиството.
Двајцата се осомничени за кривично дело тешко убиство.
Српското МВР вчера соопшти дека припадниците на полицијата во Белград интензивно работат на пронаоѓање две лица, кои се осомничени дека претепале четириесетгодишен маж, кој починал на Ургентниот центар.
Како што е наведено, полицијата во неделата во 18.20 часот добила пријава дека две лица претепале четириесетгодишен маж во парк во Вождовац.