Македонија
Суд за човекови права во Стразбур: Во случајот „27 април“ Елена Доцевска-Божиновска била неправедно притворена, Македонија треба да ѝ исплати отштета
![](https://makfax.com.mk/wp-content/uploads/2023/05/FotoJet-1-2.jpg)
Советничката на ВМРО-ДПМНЕ во општина Куманово, а тогаш вработена во Собранието, Елена Доцевска-Божиновска ја доби Македонија на Судот за човекови права во Стразбур кој пресуди дека и биле прекршени правата при постапката за одредување притвор, а во врска со нападот на Собранието на 27 април. Државата сега треба да и плати на Доцевска-Божиновска 1.600 евра.
Случајот се однесува за неможностна на апликантката, а која била дел од толпата на 27 април, да ги оспори поднесоците на јавниот обвинител во постапката за нејзиниот притвор и недостатокот на брзо преиспитување на тој притвор.
Во Пресудата од Стразбур стои дека Судот:
-Ги прогласува за прифатливи жалбите за доцнењето на доставувањето на жалбата на јавното обвинителство до жалителката и должината на постапката за ревизија во врска со продолжувањето на нејзиниот притвор;
-Утврдува дека има повреда на член 5 став 4 од Конвенцијата поради ненавремено доставување на жалбата на јавниот обвинител против наредбата за домашен притвор на апликантката за неа;
-Утврдува дека има повреда на член 5 став 4 од Конвенцијата поради недостаток на брза проверка на притворот на апликантот;
Според Пресудата, на 30 ноември 2017 година, совет од тројца судии на Основниот суд Скопје му го заменил куќниот притвор на апликантот со притвор во затвор. Таа наредба е донесена врз основа на жалба на јавниот обвинител добиена од судот претходно истиот ден, а која му била доставена на жалителот на 1 декември 2017 година. По рочиштето одржано на 12 декември 2017 година во присуство на двајцата адвокати на жалителот, Апелациониот суд Скопје („апелациониот суд“) ја одбил жалбата на жалителот против решението за притвор.
Последователно, притворот на жалителот бил продолжен. Жалбата поднесена од апликантот на 28 декември 2017 година против продолжувањето беше разгледана од страна на апелациониот суд на 15 јануари 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Вредноста скокнала за 220 милиони евра, најскапата пруга со Бугарија завршува со тунел без крај, рече новиот министер Николоски
![](https://makfax.com.mk/wp-content/uploads/2022/07/pruga-bugarija.jpg)
Министерот за транспорт и врски Александар Николоски го повика Јавното обвинителство да го испита работењето на Железница-Инфраструктура и на Јавното претпријатие за државни патишта (ЈПДП) врз основа на наводите од извештајот за јавните инвестиции на Државниот завод за ревизија.
Сомнежите, како што истакна Николоски се за патот Дреново-Градско за кој има ризици од арбитража, зголемената вредност на автопатот Кичево-Охрид за 175 милиони евра, а за кој досега се потрошени 446 милиони евра и не е завршен и по 10 години, како и за третата фаза од пругата кон Бугарија каде вредноста е зголемена за 220 милиони евра односно на 560 милиони евра наместо првично планираните 340.
Според Николоски на крајно нетранспарентен процес почната е тендерската постапка пред избори, а понудите на тендерот се доставуваат до денеска. Ќе следи процес на евалуација заедно ЈПДП и меѓународните кредитори ќе се разговара за ревидирање на проектот.
„Ова е најскапата пруга. Таа ќе поминува низ Крива Паланка за што треба да се рушат десетина, можеби стотина куќи и ќе заврши во тунел кој нема крај. Велам во тунел, затоа што поврзувањето со Бугарија е предвидено со тунел, а ние градиме само од нашата страна. Бугарија нема ни проект за ова. Таа има железничка пруга кон Македонија, но нема неколку километри и не знаеме што ќе се случи“, рече Николовски.
Ги повика меѓународните кредитори, како што рече, да седнат и да разговараат дали е ова начин и дали вреди вака да се трошат народните пари, а ЈО да го испита работењето на двете претпријатија.
По промена на раководството во ЈПДП, Николоски најави дека ќе побара декласифицирање на Договорот со Бехтел и Енка за автопатските делници на коридорите 8 и 10Д.
Македонија
Надвор од законот е да има прв вицепремиер, но во коалицијата имаме џентлменски договор тоа да биде Изет Меџити, рече Мицкоски
![](https://makfax.com.mk/wp-content/uploads/2024/06/mickoski-1-2.jpg)
Надвор од законот е да има прв вицепремиер, но во коалицијата имаме џентлменски договор тоа да биде Изет Меџити, изјави премиерот Христијан Мицкоски одговарајќи на новинарско прашање дали ќе има прв вицепремиер.
„Според законот кој е важечки премиерот има заменици. Договорот што го имаме во рамки на коалицијата џентлменски е да имаме прв вицепремиер и тоа ќе биде Изет Меџити, но тоа е надвор од законот. Законот вели дека премиерот има само заменици. Она што досега е работено на диво и незаконски нема да биде пракса во работењето на оваа влада. Но, да, џентлменскиот договор во нашата коалиција и нашето функционирање е таков“, рече Мицкоски.
Во претходниот владин состав, прв вицепремиер беше Артан Груби од ДУИ.
Македонија
Мисајловски во посета на Командата за операции
![](https://makfax.com.mk/wp-content/uploads/2024/06/misajlovski-1.jpg)
Министерот за одбрана Владо Мисајловски заедно со началникот на Генералштабот, генерал-потполковник Васко Ѓурчиновски денеска беше во посета на Командата на операции во Касарната „Боро Менков“ во Куманово, каде оствари средба со командантот, бригадниот генерал Бесник Емини, началникот на штабот бригадниот генерал Мирче Ѓоргоски и најодговорните офицери во командата.
За време на денешната посета министерот Мисајловски беше брифиран за мисијата и задачите кои ги остварува оваа команда, главниот двигател на Армијата во чиј состав се најголемиот број на армиски единици од сите родови и служби кои заеднички придонесуваат за заштитата на територијалниот интегритет и суверенитет на државата и во операции за поддршка на мирот и безбедноста предводени од НАТО, Обединетите нации и Европската Унија.
Министерот Мисајловски на денешниот брифинг упати огромна благодарност до сите припадници на командата за сето она што го направиле досега и порача максимално ќе ги поддржи сите активности и потреби кои ги има оваа Команда и единиците од нејзиниот состав.
„Сакам да ги запознам нашите припадници, чувари на мирот и безбедноста од блиску, да се запознам со вашите потреби и состојби и да направиме се што е потребно вашата работа да ја извршувате беспрекорно. Во мене имате сојузник на кој можете да се потпрете“, порача министерот Мисајловски.
На денешниот брифинг министерот Мисајловски беше брифиран за идните чекори на Командата за операции, опремување и модернизација, обуката и вежбите и прифаќањето и имплементацијата на НАТО стандардите.