Регион
Масовен протест во Белград – десетици илјади граѓани на маршот „Србија против насилство“
Десетици илјади граѓани во Белград по третпат излегоа на протест под слоганот „Србија против насилство“, во еден од најмасовните собири во поновата историја на земјата.
Демонстрациите, кои започнаа да се организираат секој петок, беа поттикнати од масовните убиства кои се случија во Србија пред три недели.
Граѓаните синоќа го започнаа протестот од пред зградата на српскиот Парламент, а потоа маршираа до „Бранков мост“ и мостот „Газела“ каде го блокираа сообраќајот. Неколку стотици граѓани поставија шатори и го блокираа автопатот во текот на целата ноќ.
Српската опозиција, кои ги организираат протестите, ги повтори барањата за оставки на министерот за внатрешни работи и шефот на безбедносно-разузнувачката служба како и смена на челниците на Регулаторната агенција за електронски медиуми. Дополнително тие бараат и одземање на националните концесии на провладините телевизии Пинк и Хепи, за кои велат дека во нивните ријалити емисии често се повикува на насилство и омраза, како и на печатените медиуми и таблоиди кои промовираат насилство.
Поради притисок од јавноста досега оставка веќе даде министерот за образование, Бранко Ружиќ.
— Sajam Ludaka (@BoraKonj) May 19, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.