Македонија
СДСМ: Нема промени во ВМРО-ДПМНЕ, Мицкоски е против евтина тарифа на струјата
Единствените резултати на ВМРО-ДПМНЕ и тогашниот советник и директор на ЕСМ, Христијан Мицкоски се укинување на евтината тарифа и стопроцентно поскапување на струјата, се вели во соопштението од СДСМ.
– Затоа и не чуди што денес Мицкоски е против повторно воведување на евтината тарифа на струјата за домаќинствата. Тоа е истиот Мицкоски кои пред неколку месеци ги плашеше граѓаните дека ќе има драстични поскапувања на струјата, кој најавуваше рестрикции, денес не само што не се случи тоа, туку се најавува и намалување на сметките за електрична енергија преку воведување на евтина дневна тарифа. Сето тоа е благодарение на успешните енергетски политики на СДСМ кои доведоа до рекордно зголемување на домашното производство и нови капацитети за производство на струја од обновливи извори, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов бара кружен тек кај „збунувачката“ крстосница со чести сообраќајки во населба Аеродром (ВИДЕО)
Центарот за управување со кризи, по барање на граѓани, поднесе иницијатива да се изгради кружен тек или итно да се постават семафори на крстосницата на бул. Васко Карангеловски во населбата Аеродром. За директорот на ЦУК, Стојанче Ангелов оваа крстосница е „по малку збунувачка“ за учесниците во сообраќајот.
„Повеќемина граѓани со повик на единствениот број 112 во ЦУК, преку медиумите и преку социјалните мрежи побараа итно поставување на семафори или изградба на кружен тек на крстосницата на бул. Васко Карангелески, пред објектот на СВР Скопје. Иако има соодветна сигнализација крстосницата е збунувачка и предизвикува нејаснотии кај учесниците во сообраќајот околу првенството на премин поради што за краток период се случија четири сообраќајни несреќи“, изјави Ангелов.
Додава дека ЦУК поднесе иницијатива до Град Скопје и одржа една координативна средства на којашто е добиено известување дека се работи на планирање за поставување на семафори.
Македонија
Војната во Украина не е украински, туку европски и светски проблем, порача Силјановска-Давкова
Претседателката на државата Гордана Силјановска-Давкова, пред почетокот на денешната пленарна сесија на Самитот за мир во Украина, што се одржува во Бургеншток на езерото Луцерн во Швајцарија, на која треба да има свое обраќање, изјавила дека една од најважните пораки е дека кон војната во Украина треба да се однесуваме не како кон украински проблем, туку како европски и светски проблем.
„Неподелени беа мислењата дека дијалогот е здрава работа, дека мировната конференција навистина и покрај многуте учесници дојде до единствени сознанија. Најчесто се повикувавме сите на Повелбата на Обединетите нации, најчесто се повикувавме сите на мировните решенија, изјавила претседателката Силјановска-Давкова“, соопштија од нејзиниот Кабинет.
Таа додала дека денеска учествувала и на панелот за безбедноста, односно опасноста по безбедноста за храната, од што и ние сме засегнати.
„Уште еден доказ дека она што се случува, односно војната, нè засега сите и дека сите треба да помогнеме за да се најде соломонско решение, тоа значи, праведно решение за Украина, решение што ќе гарантира постојан мир, јас велам Кантов вечен мир. Еднаш мислам дека е крајно време, наместо да велиме никогаш повеќе и повторно да се соочуваме со војна, да се потсетиме на ноторниот факт дека Европската заедница настана како мировен проект и дека Европската Унија, но и сите држави во светот, имаат обврска да го чуваат мирот“, нагласила Силјановска-Давкова.
Заблагодарувајќи се на Швајцарската Конфедерација за организирањето на Самитот, таа информирала дека остварила куси средби со претседателката на Швајцарската Конфедерација, Виола Амхерд, потпретседателката на Соединетите Американски Држави, Камала Харис, со германскиот канцелар Олаф Шолц, францускиот претседател Емануел Макрон и грчкиот премиер Киријакос Мицотакис.
На маргините на конференцијата, претседателката Силјановска-Давкова остварила средби со повеќе други светски лидери.
Македонија
Македонски концепт од Украина: Куќата на Крсте Петков-Мисирков ќе добие нова меморијална плоча на македонски јазик со македонско знаме
Делегација на политичката партија Македонски концепт, предводена од претседателот на партијата Петар Богојески и потпретседателот Самуел Наумовски-Викиус, остварија средба со градоначалникот на Одеса, г-дин Генадиј Труханов и директорот на Одделот за култура, меѓународни односи и европска интеграција, г-дин Иван Липтуга, на македонска иницијатива, со цел да се дискутира за македонското културно-историско наследство во Украина и Одеса. Во фокус на разговорот беше спомен куќата во која живеел и творел македонскиот апостол и борец за македонската кауза, Крсте Петков Мисирков.
„Дискутиравме за достојно одбележување на неговото име и дело со поставување на нова меморијална плоча на куќата каде што Мисирков живеел во периодот од 1909 до 1913 година, на улица Канатна, број 28. Македонски концепт побара таа да биде задолжително и на македонски јазик и на истата да биде изгравирано македонското знаме. Од страна на општината Одеса беше поддржана таа идеја и дадено ветување дека постапката ќе започне за кратко време. Дополнително, побаравме отварање на Легат (спомен соба) на К.П. Мисирков, со помош на македонската Влада и документација која може да се најде во украинските архиви. Исто така, ја разгледавме можноста за отворање на македонски конзулат на ова свето место за нас Македонците и македонската кауза. Украинската страна предложи и можност за промена на името на некоја од улиците во Одеса со несакано руско име, во иднина да го носи името Крсте Петков Мисирков или име Македонија“, соопшти партијата Македонски концепт.
Партијата добила ветување од Општина Одеса дека ќе почнат истражување во нивните архиви со цел да најдат што е можно повеќе информации за делото и трагата на Крсте Петков Мисирков, а ќе го истражат и моменталниот сопственички статус на куќата која сега е музеј на архитектурата и историјата.
ПР текст