Регион
Српската армија и натаму останува на највисоко ниво на борбена готовност по немирите во Косово
Вооружените сили на Србија засега остануваат на највисоко ниво на борбена готовност, соопштено е денеска по седницата на Советот за национална безбедност во Белград.
Вооружените сили на Србија засега остануваат на највисоко ниво на борбена готовност поради „бруталната употреба на сила од страна на Албин Курти и неговите сили против српскиот народ на Косово и Метохија“, се наведува во соопштението по седницата.
На средбата биле договорени сите неопходни безбедносни активности со цел зајакнување на одбранбените капацитети на Србија.
Беше истакнато дека мисијата на НАТО на Косово, КФОР, не ја извршуваше својата работа согласно Резолуцијата 1244 на Советот за безбедност на Обединетите нации и Воено-техничкиот договор од Куманово.
Началникот на Генералштабот на српските вооружени сили, генерал Милан Мојсиловиќ, е овластен да одржува директен контакт со командантот на КФОР, во обид да се осигура дека мисијата ја исполнува својата функција и мандат, во согласност со релевантните акти на Обединетите Нации и ги штити Србите во Косово.
„Република Србија ќе биде цврста и непоколеблива во заштитата на својот народ“, се вели во соопштението.
На седницата присуствуваа претседателот на Србија Александар Вучиќ, премиерката Ана Брнабиќ, министерот за надворешни работи и секретар на Советот за национална безбедност Ивица Дачиќ, министерот за одбрана Милош Вучевиќ, министерот за внатрешни работи Братислав Гашиќ, директорот на БИА Александар Вулин, началникот на Генералштабот на српската армија Милан Мојсиловиќ, министерката за правда Маја Поповиќ, директорот на Канцеларијата за Косово и Метохија Петар Петковиќ, обвинителката Загорка Доловац, началникот на белградската полиција Веселин Милиќ и претседателот на Народното собрание Владимир Орлиќ.
Седницата синоќа ја најави претседателот Вучиќ.
На северот на Косово вчера, полицијата насилно упадна во општинските згради во Зубин Поток, Звечан и Лепосавиќ, употребувајќи солзавец, чад и шок бомби против Србите кои се обидоа да ги спречат да влезат во општинските простории.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.