Регион
(Видео) Eрдоган и Киличдароглу излегоа на гласање, двајцата се надеваат на победа
Турскиот претседател Реџеп Таип Ердоган и неговиот ривал од опозицијата Кемал Киличдароглу гласаа во вториот круг од претседателските избори во земјата.
И двајцата беа во друштво на своите сопруги, а како и во првиот изборен круг, Ердоган и неговата сопруга Емине го направија тоа на избирачко место во најголемиот турски град Истанбул, додека Киличдароглу и неговата сопруга Селви гласаа во училиште во главниот град, Анкара.
Türkiye’s President Recep Tayyip Erdogan casts his vote in the country’s runoff election https://t.co/H7bzqEcZdv pic.twitter.com/kAVoJQ2LZX
— ANADOLU AGENCY (@anadoluagency) May 28, 2023
Беа пречекани од голем број поддржувачи на избирачките места.
По гласањето во Истанбул, Ердоган изјави дека за првпат во историјата на турската демократија се одржува вториот круг од претседателските избори.
„Има само двајца кандидати и затоа верувам дека денешното гласање ќе биде многу брзо“, рече Ердоган и ја пофали високата излезност на изборите во Турција.
„Нема земја во светот каде излезноста достигнува 90 отсто. Турција на најдобар начин ја покажа својата демократска зрелост со излезност до 90 отсто. Верувам дека така ќе биде и денеска“, рече Ердоган.
Киличдароглу им рече на новинарите по гласањето во Анкара дека верува во победа.
„Ќе победиме, ќе видите, верувам во волјата на народот“, рече Киличдароглу и ги повика граѓаните да излезат на гласање.
„Верувам дека ќе победи здравиот разум на народот и демократијата“, рече Киличдароглу.
Во првиот круг од изборите на 14 мај, Ердоган освои 49,5 отсто од гласовите, а лидерот на турската опозиција Кемал Киличдароглу 44,89 отсто.
Во првиот круг одржан на 14 мај, ниту еден кандидат не успеа да го достигне прагот од 50 отсто. Ердоган освои 49,5 отсто од гласовите, а Киличдароглу 44,9 отсто поддршка. Над 60 милиони луѓе имаат право да гласаат на изборите во Турција.
Претседателот на турската изборна комисија кажа дека резултатите вечерва може да се знаат порано отколку во првиот круг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.