Свет
Пашинјан незадоволен од резултатот од разговорите со Русија за коридорот Лачин

Ерменскиот премиер Никол Пашинјан не е задоволен од резултатите од разговорите за деблокирање на коридорот Лачин со руските колеги во Москва, пренесува „Арменпрес“.
Една од темите за кои се разговараше минатата недела на трилатералните разговори Ерменија – Русија – Азербејџан беше хуманитарната ситуација во Нагорно-Карабах и незаконското затворање на коридорот Лачин.
Коридорот Лачин, единствениот пат што го поврзува Нагорно-Карабах со Ерменија и со остатокот од светот, е блокиран од Азербејџан од 12 декември 2022 година.
Највисокиот суд на ОН, Меѓународниот суд на правдата, во февруари му нареди на Азербејџан да ги „преземе сите чекори што му се на располагање“ за да обезбеди непречено движење на лица, возила и товар на коридорот Лачин во двете насоки. Азербејџан досега ја игнорира наредбата.
Понатаму, според трилатералната изјава од 9 ноември 2020 година – договорот за прекин на огнот во Нагорно-Карабах – контролата на коридорот Лачин треба да ја вршат руските мировници.
„Ерменија разговараше за ова прашање и со Русија, но резултатите од дискусијата се незадоволителни. Имав можност јавно да кажам дека затворањето на коридорот Лачин се случи во основа пред и во присуство на руски мировници, што секако е многу загрижувачко. Ќе продолжиме со дискусиите, вклучително и со нашите руски партнери, во насока на решавање на оваа ситуација“, рече Пашинјан додавајќи дека воено-политичката ситуација во регионот останува прилично напната.
Тој посочи дека покрај тоа, „ова е поврзано не само со нашите тешки односи туку и со тековните глобални процеси, настаните што се случуваат во односите на Русија и Украина“.
„Сега добиваме многу алармантни извештаи за настаните на границата со Иран и Авганистан. Усвоивме мировна агенда, стратегија за мир и правиме сè што е можно за да ја оживееме оваа агенда“, рече Пашинјан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џјинпинг во посета на Југоисточна Азија: Кина е извор на стабилност и безбедност

Кинескиот претседател Шји Џјинпинг почна турнеја во Југоисточна Азија со цел да промовира слободна трговија и да ја претстави Кина како извор на стабилност и безбедност, пренесува АП.
За време на оваа посета тој ќе разговара за подобрување на трговската соработка меѓу Кина и земјите од Асоцијацијата на земјите од Југоисточна Азија (АСЕАН), според написите.
Официјални лица во Пекинг наведуваат дека Кина сака да ги зајакне економските врски во регионот и да обезбеди стабилност во време на глобални економски тензии предизвикани од новите трговски мерки на САД.
Свет
Венс: Не е добро Европа да биде безбедносен вазал на САД

Не е добро Европа да биде безбедносен вазал на Соединетите Американски Држави, изјави денес потпретседателот на земјата, Џеј-Ди Венс.
„Не сакам Европејците само да прават што ќе им кажат Американците. Не мислам дека тоа е во нивен интерес, а не мислам дека е ниту во наш интерес“, рече Венс и повика на независно зајакнување на одбраната на континентот.
Венс во интервју за „Анхерд“ рече дека Европа треба да се зајакне и да работи на одбраната бидејќи повеќето европски нации немаат армија што може да обезбеди одбрана, со исклучок на Велика Британија, Франција и Полска.
Тој ги повтори критиките кон европските лидери кога станува збор за миграцијата и интеграцијата велејќи дека „европското население продолжува да бара поразумна економска и миграциска политика, а лидерите на Европа продолжуваат да одат низ овие избори и продолжуваат да им го нудат на луѓето од Европа спротивното од она за што се чини дека гласале“.
И покрај ова, американскиот потпретседател рече дека ја сака Европа иако претходно ги критикува лидерите на континентот во Минхен и Гренланд.
Венс исто така ги повтори критиките кон украинскиот претседател Володимир Зеленски за, како што рече, „апсурдните коментари на украинскиот лидер дека администрацијата на американскиот претседател Доналд Трамп е некако на страната на Русите“ додавајќи дека овие коментари секако не се продуктивни.
Регион
(Видео) Огромна акција во Турција против наркомафијата, уапсени 234 лица, известена е и македонската полиција

Турските власти објавија дека 234 лица се уапсени во пет земји во голема меѓународна акција против организации за трговија со дрога.
„Уапсени се 234 високорангирани членови на организирани криминални групи, 225 во земјата и девет во странство“, изјави турскиот министер за внатрешни работи, Али Јерликаја, додавајќи дека апсењата се извршени во Холандија, Германија, Шпанија и во Белгија.
Меѓу целните групи се членови на организации вклучени во трговијата со кокаин, хероин и „екстази“ на неколку континенти, рече Јерликаја.
View this post on Instagram
Запленети се повеќе од 21 тони наркотици и имот во вредност од 13 милијарди турски лири (речиси 300 милиони евра), додаде Јерликаја.
„Се соочуваме со голема меѓународна структура“, рече турскиот министер нагласувајќи дека осомничените се обвинети за широк спектар на кривични дела – од трговија со дрога до убиства и перење пари.
„Како дел од оваа операција, информации и документи беа споделени со полициските сили во Франција, Англија, Австралија, САД, Грција, Србија, Азербејџан, Косово, Бугарија, Северна Македонија, Бразил и во Иран“, рече Јерликаја.