Македонија
Мицкоски: Не ни треба лидерска средба за ПР, туку суштинска – што да се прави откако ќе пропаднат уставните измени
![](https://makfax.com.mk/wp-content/uploads/2023/06/Hristijan-Mickoski-Alsat.jpg)
Не е суштината форматот, суштината е што ќе биде резултатот од евентуална лидерска средба. Првата би рекол неофицијална понуда од страна на луѓето и кабинетот на Ковачевски беше да биде лидерска средба односно претседателите на двете партии да седнат и да разговараат. Она кое што од моја страна беше кажано е доколку има лидерска средба од која што ќе имаме некаков резултат, од таа лидерска средба имаме две можни опции. Едната опција е таа која што ја застапува владата односно Димитар Ковачевски, а тоа е влегуваме во еден критичен период за државата, тие влегуваат со процес со уставни измени во Парламентот. Ние велиме тој процес нема да го поддржиме и според бројките очигледно нема да успеат. Така што втората опција е тој процес да не успее. Како одговорни луѓе кои што треба во овие одлучувачки моменти за државата да носат одлуки кои што ќе значат иднина за Македонија треба да ги разгледуваме и двете опции. Тоа е првата опција и да донесеме заклучок, првата опција е јасен заклучокот се знае отприлика сценариото ако успее тоа што ќе се случува, но да видиме што ќе се случува со втората опција ако не успее, рече претседателот на ВМРО-ДПМНЕ, Христијан Мицкоски во врска со лидерска средба за која се уште нема добиено официјална покана.
Мицксоки во врска со лидерската средба посочи дека потребно е да има лидерска средба од која ќе има некаков заклучок, а не лидерска само за ПР.
-Искуството мое покажува дека во таков широк формат не лидерска туку тимска средба ајде така да ја наречеме никогаш не се носеле заклучоци, тоа е повеќе ПР егзибиција, поминати неколку часа внатре разговори на ова или она тема , да излеземе да дадеме изјава, да кажеме што се договоривме, ние ќе кажеме ништо не се договоривме и практично освен еден дополнителен спектакал за јавноста воопшто ништо нема да значи таа лидерска средба. Јас напротив ценам дека во овие моменти кои што се суштински за државата е потребно после таква лидерска средба да излеземе со некаков заклучок, вели тој.
Мицкоски порача дека ако има лидерска средба без суштина, без заклучок, тогаш подобро е и да нема лидерска средба.
-Сакам да кажам суштински е важно во кој момент организираат тие лидерска средба и на која тема. Ова е суштинско прашање за кое ние треба да разговараме. Ќе повторам треба да ја определиме иднината на државата, по кој пат ќе оди.Овој еден кој го застапува Димитар Ковачевски или вториот за кој ние викаме дека најверојатно ќе се случи бидејќи тоа што го застапува Димитар Ковачевски нема да го поддржиме и сега треба да донесеме сега некаков заклучок, не да ја разводниме ситуацијата па да излеземе надвор, да кажеме изјави и да си заминеме, додаде Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Приведени 19 лица на фестивал во Дојран
![](https://makfax.com.mk/wp-content/uploads/2023/07/dojran-festival.jpg)
Полицијата приведе 19 лица за време на фестивалот што викендов се одржуваше во Дојран.
Според информацијата од МВР, кај нив била најдена дрога.
„На 29.06., 30.06. и 01.07.2024, за време на одржување на фестивал во Стар Дојран, полициски службеници ги лишиле од слобода А.С.(29) од Струмица, Д.Ш.(24) од Гевгелија, Ј.Р.(23) од Скопје, К.В.(24) од Куманово, А.А.(32) од Струмица, Д.А.(34) од Скопје, Г.И.(46) од Скопје, Ј.Б.(32) од Гостивар, В.Г.(18) од село Црничани, гевгелиско, Т.П.(18) и К.Ц.(18), и двајцата од село Миравци, гевгелиско, Г.М.(47) од Скопје, Ф.И.(19) од село Удово, валандовско, Б.С.(23) од село Батинци, скопско, Д.З.(23) од Скопје, А.А.(30) од Валандово, Н.А.(18) од Скопје, С.П.(20) од Башино Село, велешко, и еден 17-годишен турски државјанин. При преглед кај нив, како и при контрола во возила во кои се превезувале биле пронајдени марихуана, прашкаста материја и таблети“, велат од МВР.
За настаните бил запознаен јавен обвинител, а по нивно документирање против лицата ќе бидат поднесени соодветни поднесоци.
Македонија
Бобан Николовски ја презеде функцијата директор на Царинска управа
![](https://makfax.com.mk/wp-content/uploads/2024/07/boban-nikolovski-carina-3.jpg)
Бобан Николовски денеска ја презеде функцијата директор на Царинска управа од својот претходник Стефан Богоев, кој на оваа позиција беше од јуни минатата година.
„Спроведување реформски мерки и политики за постигнување висок и одржлив економски раст, борба со криминалот и сузбивање на корупцијата и сивата економија, предвидливо даночно и регулаторно опкружување и намалување на парафискалните давачки за компаниите како и целосна дигитализација и СМАРТ Царина како дел од владините приоритети за смарт Македонија, се само дел од нашите цели“, порачува Николовски.
Николовски е вработен во Царинската управа веќе 15 години, а на функцијата директор доаѓа од позицијата пратеник во македонското Собрание.
Македонија
Филипче: Силно ќе се спротивставам на оние кои сакаат да ја ослабнат СДСМ и да ја видат на колена
![](https://makfax.com.mk/wp-content/uploads/2024/07/venko-filipche.jpg)
Новоизбраниот претседател на СДСМ, Венко Филипче, во обраќањето до сопартијците се заблагодари за дадената поддршка.
„Во СДСМ победи професионализмот, емпатијата, грижата за луѓето како мои основни вредности по кои ќе работи и функционира Социјалдемократскиот Сојуз на Македонија. Ветувам дека нема да делам туку ќе обединувам. Ветувам дека ќе водам со пример и тоа ќе го барам од секој во партијата. Ветувам дека силно ќе се спротиставам на оние кои сакаат да ја ослабнат партијата на сметка на личниот интерес. Ветувам дека ќе го заштитам и слушнам секој член и на секому ќе му дадам глас. Ветувам дека СДСМ ќе биде приземна, отворена и модерна партија подготвена за предизивиците кои следат“, рече Филипче.
Додаде дека многумина сакаат да ја видат СДСМ клекната и поразена и се надеваат дека партијата нема да опстане и се ситат на изборниот пораз.
„Ветувам дека ќе го вратиме достоинството на партијата, а они кои се надеваат на лоша иднина на партијата, длабоко ќе се разочараат“, потенцираше Филипче.
Како што додаде, принципите на заедништво, другарство, взаемна почит и отворена комуникација се оние кои ќе ја одликуваат СДСМ под неговото раководство.
Во своето обраќање, Филипче истакна дека СДСМ ќе дејствува како силна опозиција којашто ќе се бори против лошите политики на власта и секогаш ќе биде гласот на разумот и на граѓанската волја која ќе биде заштитена доколку е погазена.