Свет
(Видео) Децата раскажаа како се спасиле и што јаделе 40 дена во амазонската џунгла, најстарата сестра е вистински херој
Четири мали деца, кои беа пронајдени живи во јужна Колумбија, пет недели откако авионот со кој патуваа се урна во густа џунгла, се во болница во Богота во стабилна состојба.
Децата се истоштени, но среќни, велат нивните блиски кои не можат да ја опишат нивната среќа што малечките се пронајдени по повеќе од 40 дена.
„Ги видов моите внуци. Што е најважно, тие имаат живот во себе. Иако се многу исцрпени, тие се во добри раце“, изјавила нивната баба Фиденсио Валенсија.
И дедото е пресреќен.
„Среќни се што го гледаат своето семејство. Добри се. Тие се деца на дивината, знаат како да преживеат во џунглата“, вели гордиот дедо.
🌿✨ A Tale of Resilience: President Petro and his family visited the four Colombian children lost in the jungle for 40 days after an aeroplane accident. Follow their incredible path to recovery 🙏 #OperacionEsperanza 🌱🌍 pic.twitter.com/10dRV5urlw
— Embassy of Colombia in the United States (@ColombiaEmbUSA) June 11, 2023
Децата, кои се членови на племето Уито, биле спасени во петокот откако 40 дена талкале во џунглата. Едногодишната Кристина, Солеини (9) и Тиен Нориел (4) се живи благодарение на нивната сестра Лесли (13), која е вистинска хероина.
„Преживеаја јадејќи брашно, кое го нашле во авионот, а потоа јаделе семки – вели дедото.
Бабата кажа дека борбеноста на нејзината најстара внука била пресудна за децата да преживеат во ужасите на џунглата.
„Таа се грижела за своите браќа и сестри. Им дала да го изедат тоа брашно, малку леб што имало и бобинки што ги нашле“, вели бабата.
Децата биле пронајдени на околу пет километри од урнатините на авионот Цесна во кој летале со нивната мајка и уште двајца возрасни.
Според Националната организација на американските индијански народи на Колумбија, важен фактор кој одиграл улога во нивниот опстанок е фактот што тие се автохтони.
„Токму оваа посебна врска со природата ги дефинира. Преживувањето на овие деца е сведоштво за знаењето и односот што домородното население го одржува со природата, врска што се учи уште од времето кога се во утробата на нивната мајка“, се наведува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.