Свет
„Те сакам мамо“ – денес погреб на тинејџерот поради кого гори Франција, ја бакнал мајка си и тргнал на работа, а потоа беше убиен
![](https://makfax.com.mk/wp-content/uploads/2023/07/nahel-1.jpg)
Погребот на 17-годишниот Нахел М, чија смрт предизвика насилни протести во Франција, ќе се одржи денеска, а семејството на младиот човек ги замоли медиумите и јавноста да не присуствуваат на службата.
Наел живеел со својата мајка во Нантер, место кое некогаш било најголем центар за алжирските имигранти. Никогаш не го запознал својот татко. Работел како доставувач додека играл рагби. Се запишал во гимназија за да стане електротехничар, но, како што пишуваат медиумите, не посетувал често настава, поради што бил вклучен во работата на невладината организација „Овал ситојан“ која се занимавала со интеграцијата во општеството на тинејџери кои имале проблеми на училиште.
Lyon: pic.twitter.com/KOE346YBu8
— Richard Medhurst (@richimedhurst) June 29, 2023
Поради неговото потекло, тој често бил подложен на полициски проверки. Требаше да се појави пред судот за малолетници во септември под обвинение дека „не соработувал со властите“.
Полицијата во 2021 година неколку пати го запирала во автомобилот што го користел како доставувач.
Тој беше обвинет и за злоупотреба на привремена возачка дозвола, бидејќи во Франција е дозволено да се вози само без придружба на 18 години.
Минатиот вторник Нахел тргнал на последното возење, кога бил застрелан од полицаец додека бил во автомобил со уште две лица.
Обвинителот на Нантер објави дека врз основа на доказите од истрагата што ја водел, употребата на оружје од страна на полицаецот „не е оправдана“ и дека против него ќе биде поднесена кривична пријава за убиство од небрежност, јавуваат француските медиуми.
Тој најави и дека токсиколошката истрага не покажала дека 17-годишниот возач бил под дејство на алкохол или дрога, ниту пак неговиот сопатник, додека се трага по третото лице кое било во автомобилот и побегнало.
Мајката на Нахел раскажа за последниот ден од неговиот живот, сеќавајќи се дека тој и дал „голем бакнеж“ пред да замине на работа и рекол: „Те сакам мамо“.
Зборувајќи за 38-годишниот полицаец обвинет за убиството на нејзиниот син, мајката на Наел рече: „Не мораше да го убие мојот син, имаше други начини да се справи со него“.
Според последниот извештај на француското МВР, билансот од четвртата ноќ на немири низ Франција е 994 апсења, повредени се 79 полицајци, а нападнати се 31 полициска станица и 11 касарни на жандармеријата.
Како што јави БФМ ТВ, опожарени се 1.350 возила и 234 згради.
Управниот суд потврди дека во петокот е воведен полициски час во „жешкото“ париско предградие Кламар, како и дека постои можност слични мерки да се воведат и во други општини.
Полициското убиство на 17-годишникот, кој беше идентификуван само како Нахел, предизвика бран незадоволство и протести кои се претворија во судири со полицијата ширум Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.