Свет
Полицијата испрати засилување во Марсеј и Лион: на улиците се елитни единици, оклопни возила и хеликоптери
Француското Министерство за внатрешни работи испрати засилување во Марсеј и Лион поради немирите кои се надвор од контрола, соопшти полициската префектура Буше ду Рон.
По насилството што се случи вчера во Марсеј, МВР донесе одлука за испраќање значително засилување, а освен припадници на елитната единица пристигнаа и оклопни возила и два хеликоптери на жандармеријата, се наведува во соопштението.
Локалните медиуми јавуваат дека во Лион биле испратени и припадници на специјалните сили за да го вратат јавниот ред и мир.
Малку порано, градоначалниците на Лион, Грегори Душе и на Марсеј, Бенои Пајан, побараа да се испрати полициско засилување во градот поради немирите.
Пукањето во кое загина 17-годишно момче, идентификувано само како Нахел, беше снимено и објавено на социјалните мрежи, што предизвика нови тензии и судири меѓу полицијата и младите во Франција.
Функционерот на Нантер, Патрик Жари изјави дека убиениот млад човек е погребан денеска и дека на Франција и требаат промени во сиромашните населби.
Во Франција речиси 1.000 луѓе беа уапсени за време на четвртата ноќ од протестите кои избувнаа по убиството на тинејџер, а беа регистрирани повеќе од 2.500 пожари.
Францускиот министер за правда Ерик Дупон-Морети изјави дека 30 отсто од уапсените се малолетни.
Исто така, додаде тој, демонстрантите запалија 2.000 возила од почетокот на немирите.
Повеќе од 200 полицајци се повредени, изјави министерот за внатрешни работи Џералд Дарманин.
Покрај тоа, повеќе од 700 продавници, супермаркети, ресторани и филијали на банки се „ограбени, а понекогаш дури и целосно уништени , рече министерот за финансии Бруно Ле Мер.
Францускиот претседател Емануел Макрон ја одложи посетата на Германија, закажана за утре, поради насилството во Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
28 милиони долари за кампањата на Бајден собраа холивудските ѕвезди
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.