Македонија
(Видео) Јакимовски за Мицкоски: Ако каже кога ја направил првата хидроцентрала, ќе видите дека му е батко на Дрин Ахмети

Вчера, во Општина Kарпош имавме настан без преседан во организација и режија на ВМРО-ДПМНЕ, обвини градоначалникот Стевчо Јакимовски.
„Христијан Мицкоски, наместо да организира протести пред Владата, тој организира протести кај опозицијата и тоа за измислен проблем, за улица што ја проектирал Коце Трајановски, ја потврдил Миле Јанакиески, да го обвинуваат Стевчо Јакимовски. Како наводно јас ќе направам улица со која ќе го срушам шеталиштето што јас сум го направил, фонтаната што јас сум ја направил, ќе ги срушам дрворедите, клупите што јас сум ги направил“, рече Јакимовски.
Како што соопшти градоначалникот, тоа се улици направени во согласност со генералниот план и ние само ги преземаме од генералниот план.
„Сите барања на граѓаните беа почитувани и беа викнати на повторен состанок дали е тоа така како што барале. Тие ни потврдија. Има лаги дека ќе има згради. Сето тоа го направија Христијан Мицкоски и ВМРО-ДПМНЕ. Очигледно многу го пече прашањето за хидроцентралите и ако го прашате на колку години ја направил првата хидроцентрала и ако каже, ќе видите дека му е батко на Дрин Ахмети, не е многу постар од него“, додаде градоначалникот Јакимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Аеродром, Карпош и Сарај денеска без струја

Од ЕВН Македонија АД известуваат дека денеска без електрична енергија ќе останат:
– Во периодот од 08:30 до 13:30 часот, корисниците од село Крушопек, општина Сарај;
– Во периодот од 09:00 до 13:00 часот, Дел од корисниците на ул.1 во село Копаница, општина Сарај;
– Во периодот од 09:00 до 15:00 часот, корисниците на улиците Руди Чајавец, Милан Зечар, Коста Новаковиќ, општина Аеродром;
– Во периодот од 10:30 до 12:00 часот, корисниците на дел од село Бардовци, кај пругата, општина Карпош.
Македонија
Променливо облачно време, попладне дожд

Времето денеска ќе биде променливо облачно со сончеви периоди. Попладне ќе биде нестабилно со локален пороен дожд и грмежи, информира УХРМ.
Наместа процесите ќе бидат поинтензивни во форма на невреме со пообилен пороен дожд, грмежи, силен ветер (над 60 km/h) и изолирана појава на град. Минималната температура ќе биде во интервал од 6 до 14, а максималната ќе достигне од 21 до 27 степени.
Во Скопје, променливо облачно со сончеви периоди. Попладне ќе биде нестабилно со пороен дожд, грмежи и засилен ветер. Во делови од котлината ќе има услови за краткотрајно невреме со пороен дожд, грмежи, силен ветер и изолирана појава на град. Минималната температура ќе се спушти до 12, а максималната ќе достигне до 26 степени.
Под влијание на влажна и нестабилна воздушна маса времето во следните денови ќе биде променливо облачно и топло со сончеви периоди. Наместа ќе биде нестабилно со врнежи од дожд и грмежи. Локално процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град, особено во деновите од викендот.
Македонија
Нормализиран сообраќајот на експресниот пат Градско – Прилеп

Сообраќајот на експресниот пат Градско – Прилеп од ноќеска, во 01:20 часот е нормализиран, извести АМСМ.
Претходно од АМСМ информираа дека поради товарно моторно возило сообраќајот беше попречен и се одвиваше по стариот пат низ село Росоман.