Македонија
Левица: Државата мора да го преземе стопанисувањето со струјата за домаќинствата
![](https://makfax.com.mk/wp-content/uploads/2023/07/Државата-мора-да-го-преземе-стопанисувањето-со-струјата.jpg)
Лиценцата на „ЕВН хоум“ за вршење енергетска дејност снабдување со електрична енергија истекува на 1 јули 2024 година. Улогата на „Универзален снабдувач и снабдувач во краен случај“ мора да ја преземе државната компанија „ЕСМ продажба“ за да престанат народните пари да се одлеваат во странските џебови. Државата треба и мора да ги стопанисува производството, дистрибуцијата и преносот, како и снабдувањето на домаќинствата со електрична енергија, велат од Левица.
„Парите на граѓаните треба домаќински да се трошат, а не да се прелеваат во приватни и странски компании кои се директно или индиректно поврзани со политичките елити, од двата табора, кои владеат со државата повеќе од 30 години. Но, властите не размислуваат така. Поранешната раководителка на Бирото за метрологија, Мерита Мустафаи од Тетово, чиј ментор е Артан Груби, е назначена за нова директорка на ЕСМ Продажба со одлука на Управниот одбор на АД ЕСМ од 23 јуни 2023 година“, соопштува Левица.
„ЕСМ Продажба е фирма-ќерка на АД ЕСМ која продаваше вишоци и купуваше електрична енергија за потребите на домаќинствата и малите потрошувачи за време на кризната состојба, додека после притисокот од Левица, Владата ѝ даде обврска, со уредба, да ги снабдува со електрична енергија државните институции и прехрамбената идустрија за да го амортизира ценовниот шок.
Основната цел на новата директорка, кадар на ДУИ, е испумпување на голем број пари за кратко време од државата преку купо-продажба на електрична енергија. Минатата година, ЕСМ Продажба остварила приходи од 6,57 милиони евра. Најмногу од продажба на електрична енергија во јавниот сектор и произведени вишоци за снабдувачите со струја. Со тоа фирмата-ќерка на ЕСМ за време на енергетската криза се наметна како еден од најголемите трговци со струја во земјата. Токму ова е основната мотивација ДУИ да го пикира и да го добие клучното место за лесен пристап до народни пари.
Поради кратковидните мотиви на Владата на ДУИ и СДС, и лукративните мотиви за лично богатење на нивните партиски раководства, ЕСМ Продажба ќе се користи за богатење на џебовите на домашните политичари додека ЕВН се наметнува за да ја продолжи голготата на обичниот човек, за корист на странски капитал, се наведува во соопштението на Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Претседателот Гаши се сретна со амбасадорот на Чешка
![](https://makfax.com.mk/wp-content/uploads/2024/07/amb.ludva_4.jpg)
Претседателот на Собранието на Република Северна Македонија, Африм Гаши, имаше средба со амбасадорот на Чешката Република, Јарослав Лудва, со кого разменија мислења околу процесот на интеграција на нашата земја во Европската Унија и можностите за продлабочување на традиционално добрата соработка на билатерален план.
Претседателот Гаши изрази задоволство од постојаната поддршка и пријателство меѓу двете земји, истакнувајќи дека Чешката Република е меѓу државите кои ја стимулираат ЕУ да ја држи постојано отворена вратата за проширувањето и за интегрирање на земјите од Западен Балкан.
Соговорниците разговараа за можностите за надминување на предизвиците со кои се соочува нашата земја на стартот на преговорите за полноправно членство во Унијата, при што амбасадорот Лудва истакна дека за Чешка е од посебно значење интегрирањето на земјите од овој регион.
Претседателот Гаши и амбасадорот Лудва се согласија дека односите меѓу Северна Македонија и Чешка се многу добри, за што се показател и многу средби на билатерално ниво во изминатиот период, што треба да биде пракса и во иднина.
Во тој контекст, претседателот Гаши истакна дека Чешла е мошне активна во делот на економската соработка со нашата земја. Тој го информира амбасадорот дека во Собранието е во тек формирање на делегациите и на парламентарните групи за соработка, посочувајќи дека преку ПГ за соработка со чешкиот Парламент може да се отвори посеопфтна дебата за продлабочување на билатералната соработка на повеќе полиња, како и за зајакнување на капацитетите за земјава за привлекување повеќе странски инвестиции.
Македонија
Кризниот штаб на Општина Аеродром: Подготвени сме пред предизвиците по најавите за невреме
![](https://makfax.com.mk/wp-content/uploads/2024/07/nevreme-1.jpg)
Кризниот штаб на Општина Аеродром на чело со заменик-градоначалникот Дејан Митески е мобилизиран и подготвен да реагира на предизвиците што може да се појават откако попладнево почна да дува силен ветер со најава за големо невреме. Мобилни екипи веќе се излезени на терен и вршат расчистување на јавните површини, информираат од општината.
Апелкраат, доколку граѓаните забележат паднати дрвја врз автомобили или други објекти, да пријават во полиција, која треба да направи увид и записник, по што општинските екипи ќе го расчистат теренот.
„Штети и паднати дрвја може да се пријавуваат и на телефонскиот број 072/270-886.
Општина Аеродром апелира до граѓаните и до возачите без поголема потреба да не излегуваат додека трае невремето. Наша најважна обврска е да ги заштитиме граѓаните и нивните имоти и да го минимизираме ризикот од поплави и од други штети“, се наведува во соопштението.
Македонија
ЗНМ ги осудува заканите кон новинарот на Канал 5 Александар Видиновски
![](https://makfax.com.mk/wp-content/uploads/2018/02/kameri.jpg)
Здружението на новинарите на Македонија (ЗНМ) ги осудува директните закани кон колегата од Канал 5 телевизија Александар Видиновски и бара од надлежните институции да постапат по очигледната закана по безбедноста на новинарот.
„Конкретно, под објавата на својот фејсбук профил на репортажа од Мала Преспа, Република Албанија за положбата на Македонците и резултатите од пописот, новинарот Видиновски доби сериозни закани од лицето Виктор Стојанов кое има забрана за влез во Македонија на неопределено време поради дејствија насочени против македонската држава. Тој го обвини Видиновски дека лажел и му се закани со притворање“, велат од ЗНМ.
„Потенцираме дека ваквите директни закани претставуваат притисок врз слободата на изразување и можат да предизвикаат страв кај новинарите и медиумските работници и да ја загрозат нивната безбедноста преку поттикнување на насилство.
Потсетуваме дека според Кривичниот закон тој што во јавноста промовира или поттикнува омраза, дискриминација или насилство, против кое било лице или група е кривично дело и ќе се казни со затвор од една до десет години.
Исто така, укажуваме дека овие закани се кривични дела за кои постои позитивна судска пракса и за кои ЗНМ во 2020 година има добиено судски случај пред Основниот кривичен суд за закани кон новинарите објавени на социјалните медиуми“, се додава во соопштението на ЗНМ.