Свет
(Видео) Огромниот објект од австралиската плажа не е мистерија, вели шефот на индиската вселенска агенција
Шефот на индиската вселенска агенција изјави дека огромната метална купола што се појави на австралиска плажа, дефинитивно, е дел од ракета, но можеби не е индиска. „Не можеме да потврдиме дека е наша додека не го анализираме“, изјави Соманат за Би-би-си.
Објектот е предмет на многу шпекулации по откривањето на плажата Грин Хед, околу 250 километри северно од Перт, во текот на викендот. Некои дури рекоа дека тоа би можело да биде дел од ракетата од најновото лансирање на индиската мисија на Месечината минатиот петок, но експертите побрзаа да го побијат тоа.
Цилиндричниот објект, широк околу 2,5 метри и долг меѓу 2,5 и 3 метри, предизвика голема возбуда кај мештаните.
A giant mysterious metal cylinder has left locals stumped after the debris appeared suddenly on the shoreline of WA’s Midwest.
The huge metal object was found on a beach near Green Head on Sunday, with local residents reporting the suspicious item to police.
The item is… pic.twitter.com/XzUhAGznna
— 10 News First Perth (@10NewsFirstPER) July 17, 2023
Првично имаше шпекулации дека остатоците би можеле да бидат дел од МХ370 – авионот што исчезна кај западниот брег на Австралија во 2014 година со 239 патници. Сепак, воздухопловните експерти набргу појаснија дека објектот не можел да потекнува од комерцијален патнички авион и дека, најверојатно, станува збор за резервоар за ракетно гориво, кој во одреден момент паднал во Индискиот Океан.
Австралиската вселенска агенција тогаш соопшти дека е можно огромниот цилиндар да паднал од „странски вселенски носач“. Ова доведе до шпекулации дека објектот е резервоар за гориво на ПСЛВ – поларните сателитски лансери што Индиската организација за вселенско истражување (ИСРО) редовно ги користи за лансирање сателити во вселената.
Со оглед на тоа дека еден таков последен пат беше искористен минатиот петок за испраќање на вселенското летало „Чандрајан-3“ во орбитата, имаше шпекулации дека остатоците дошле од тоа – и покрај тоа што експертите велат дека објектот бил во вода најмалку неколку месеци. Фотографиите на кои е покриен со школки го поддржуваат тоа тврдење.
Соманат, кој ја предводи ИСРО, изјави за Би-би-си дека „нема мистерија“ за објектот потврдувајќи дека „е дел од ракета“. „Тоа може да биде ПСЛВ или кој било друг и додека не го видиме и анализираме, не може да се потврди“, рече тој. Австралиските власти допрва треба да соопштат дополнителни детали.
Меѓутоа, Соманат потврди дека „познато е дека некои делови од ПСЛВ паднале во морето надвор од ексклузивната економска зона на Австралија“ и рече дека објектот „можел да лебди долго време и конечно да стигне до брегот“. Тој додаде дека нема опасност поврзана со урнатините.
Австралиските власти, сепак, рекоа дека го третираат објектот како опасен и полицијата ги замоли луѓето да се држат настрана. Некои експерти рекоа дека може да содржи токсични материи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.