Свет
Новата рута за жито може да поминува низ територијалните води на Бугарија и Романија, Украина со нова иницијатива
Нова рута за транспорт на украински земјоделски производи, по повлекувањето на Москва од Црноморскиот договор за жито, би можела да минува низ територијалните води на Бугарија и Романија, изјави украинскиот амбасадор во Турција, Василиј Боднар.
Договорот за жито беше суспендиран во понеделникот кога Руската Федерација ги извести Турција, Украина и ОН за нејзиниот приговор на неговото продолжување. Рускиот претседател Владимир Путин претходно истакна дека условите од договорот со Русија не се почитувани и покрај напорите на ОН бидејќи западните земји нема да ги исполнат своите ветувања.
„Позицијата на Турција во оваа ситуација, односно нејзината подготвеност да продолжи со преговорите со Руската Федерација, е дел од политиката на земјата за да ги задоволи нејзините интереси. Турција се обидува да ги продолжи услугите за посредување бидејќи како посредник на договорот се обидуваше да најде златна средина и да ги минимизира ризиците“, изјави Боднар.
Боднар потсети дека Украина формирала фонд за осигурување на овие ризици, но дека има одредени услови.
„Имаме можност да привлечеме бродови и компании. Од наша гледна точка, тоа може да се реализира без користење на оваа веќе договорена траса, туку преку територијалните води на Романија и Бугарија. Тоа е и можна опција за минимизирање на ризикот“, објасни украинскиот амбасадор.
Тој прецизира дека Полска, Романија, Бугарија, Унгарија и Словачка ќе побараат продолжување на забраната за увоз на украинска пченица, пченка и семки од сончоглед со цел да се избегнат нарушувања на пазарот, пренесува „Ројтерс“.
ЕУ на 2 мај им дозволи на Бугарија, Унгарија, Полска, Романија и на Словачка да ја забранат продажбата на украинските производи на домашниот пазар со цел да се заштити нивното земјоделско производство. На почетокот на јуни оваа забрана беше продолжена до 15 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Над 50.000 луѓе кои живеат во Либан преминале во Сирија за да избегаат од израелските воздушни напади
Високиот комесар на ОН за бегалци, Филипо Гранди, рече дека повеќе од 50.000 Либанци и Сиријци кои живеат во Либан сега преминале во Сирија бегајќи од израелските воздушни напади. „Повеќе од 200.000 се раселени во Либан“, додаде тој во објавата на X.
More than 50,000 Lebanese and Syrians living in Lebanon have now crossed into Syria fleeing Israeli airstrikes. Well over 200,000 are displaced inside Lebanon.
Relief operations are underway, including by UNHCR, to help all those in need, in coordination with both governments. pic.twitter.com/Qcvdw79z8A
— Filippo Grandi (@FilippoGrandi) September 28, 2024
Агенцијата на ОН за бегалци соработува со сириската влада и партнерите за да се забрза обработката на оние што пристигнуваат. Официјални лица рекоа дека Сирија им дозволува на либанските државјани да влезат на неодредено време се додека имаат некакви документи на кои се гледа нивното име.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Свет
Анкетите покажаа изедначеност на Трамп и Харис во клучните држави за победа на изборите
Резултатите од истражувањето спроведено од Њујорк тајмс и колеџот Сиена покажаа дека кандидатите на претседателските избори во САД, републиканецот Доналд Трамп и демократката Камала Харис, имаат речиси подеднаква поддршка од гласачите во сојузните држави Мичиген и Висконсин.
Како што пренесува Ројтерс, државите Мичиген и Висконсин се сметаат за клучни за исходот на претседателските избори. Според резултатите од ова истражување, Харис има 48 отсто поддршка меѓу веројатните гласачи во Мичиген, додека Трамп има 47 отсто во таа држава.
Харис има нешто поголема поддршка од гласачите во Висконсин, 49 отсто до 47 отсто од републиканскиот кандидат и поранешен претседател на САД. Анкетите покажуваат дека Трамп покажа сила во сферата на економските прашања кои се сметаат за најважни за гласачите, пред прашањата поврзани со репродуктивните права.
Анкетите покажаа дека предноста што ја имаше Харис на почетокот на август е малку намалена со инсистирањето на Трамп на економски прашања, што може да биде загрижувачки развој на настаните за актуелниот потпретседател на САД пред изборите во ноември, со оглед на тоа што економијата е најмногу важно прашање што ги придвижува гласачите, според Блумберг.
Анкетите биле спроведени телефонски меѓу 21 и 26 септември меѓу 688 веројатни гласачи во Мичиген и 680 во Висконсин, пренесува Танјуг.