Свет
(Видео) Изгореа живи – во автобуска несреќа во Алжир најмалку 34 загинати и 12 повредени
![](https://makfax.com.mk/wp-content/uploads/2023/07/1912efe1-e09b-4603-bcc8-9e65d5f95504.jpg)
Најмалку 34 лица загинаа, а 12 се повредени во судир на автобус и камион кај Таманрасет на крајниот југ на Алжир, соопшти цивилната заштита, а медиумите објавија дека повеќето од жртвите изгореле.
Несреќата, по која следеше пожар, се случила околу 4 часот кога автобус удрил во комерцијално возило, велат од цивилната заштита и додаваат дека продолжува спасувачката акција.
Повеќето од повредените патници добиле тешки изгореници, пишува алжирската агенција АПС.
One of the North African country’s deadliest road crashes in years also left 12 others injured, many with burn wounds, Algeria’s civil defence agency said.#Algeria #BusCrash https://t.co/gsyLTucOah
— The Peninsula Qatar (@PeninsulaQatar) July 19, 2023
Надлежните не соопштуваат информации за околностите на несреќата и што ја предизвикало. Според локалните медиуми кои пренесуваат фотографии и видеа од запалениот автобус, повеќето од жртвите изгореле живи.
Состојбата на двете возила укажува дека се работи за многу жесток судар. Ова е несреќа со најмногу жртви во регионот од крајот на декември 2020 година, кога возило се преврте кај Таманрассет, при што загинаа 20 лица, а 11 беа повредени. Повеќето од нив биле државјани на африканските земји.
Главната причина за сообраќајните несреќи во Алжир е брзината, а тоа важи и за возачите во јавниот превоз. Податоците се од владината агенција за безбедност на патиштата.
Според официјалните податоци, во 2022 година во Алжир се регистрирани речиси 22.980 сообраќајни несреќи, во кои загинале 3.409 лица, а 30.479 се повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Избран е нов патријарх на Бугарската православна црква
![](https://makfax.com.mk/wp-content/uploads/2023/08/sofija-bugarija-3.jpg)
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се пензионира.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.
Европа
Маж со нож нападнал полициска патрола во Германија, убиен е
![](https://makfax.com.mk/wp-content/uploads/2024/03/germanska-policija-1.jpg)
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.
Свет
(Видео) Нереди во Франција по победата на десницата
![](https://makfax.com.mk/wp-content/uploads/2024/07/12338831.jpg)
Илјадници луѓе се собраа во Париз на протест против десницата по објавувањето на резултатите од првиот круг од парламентарните избори во земјата.
Француските медиуми пренесоа дека демонстрантите демолирале излози, а имало судири со полицијата која , пак, возвратила со солзаевц.
Францускиот претседател Емануел Макрон синоќа во првите реакции по првиот круг од предвремените избори повика да се формира поширок републикански собир пред вториот круг од изборите. На европскиот самит во Брисел, откако минатата недела предупреди дека Франција ризикува „граѓанска војна“ доколку на власт дојде партијата предводена од Марин Ле Пен или левичарската коалиција „Новиот народен фронт“, Макрон рече дека неограничениот расизам и анти-семитизмот ќе бидат ослободени во земјата“.
🇫🇷Left-wing protesters gather at Place de la République in Paris to protest the far-right.#legislatives2024 pic.twitter.com/y3tViDDzlR
— NoComment (@nocomment) June 30, 2024
Изборите беа ненадејно распишани од Емануел Макрон, откако неговата партија Преродба претрпе пораз од екстремно десничарската партија Национален собир на Марин Ле Пен на изборите за Европскиот парламент.