Свет
(Видео) Две лица загинаа во пукање во Окленд неколку часа пред Светското првенство за жени во фудбал
![](https://makfax.com.mk/wp-content/uploads/2023/07/policija-nov-zeland.jpg)
Најмалку две лица се убиени, а шест други се ранети во пукање на градилиште во најголемиот град на Нов Зеланд, Окленд, соопштија тамошните власти во четвртокот, како што јави „Ројтерс“.
Според полициското соопштение, напаѓачот е мртов и повеќе нема ризик од нов инцидент.
„Пукањето во една од најпрометните улици во центарот на градот е сузбиено и е изолиран инцидент“, соопшти полицијата на Нов Зеланд додавајќи дека нема ризик за националната безбедност.
Инцидентот се случил само неколку часа пред првиот натпревар на Светското првенство за жени во еден парк во Окленд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Шефот на НАТО избегна да одговори на прашања за здравствената состојба на Бајден
![](https://makfax.com.mk/wp-content/uploads/2024/07/53d20642-c3e9-41bf-bbc3-763fd7e23566.jpg)
Шефот на НАТО, Јенс Столтенберг, избегна да одговори на прашањата за здравјето на американскиот претседател, Џо Бајден, пред самитот на Aлијансата во Вашингтон следната недела, велејќи дека една од причините за успехот на НАТО е тоа што не се меша во внатрешните политички работи.
Здравјето на Бајден стана главна тема во предизборната кампања во САД по неговиот слаб настап во дебатата со републиканскиот противкандидат Доналд Трамп минатата недела.
На прашањето дали е загрижен дека фокусот на способностите на Бајден може да го засени самитот на НАТО, Столтенберг одговори дека состаноците секогаш се одржуваат во внатрешен политички контекст.
„НАТО мора да се фокусира на себе и ние ќе го направиме тоа“, рече генералниот секретар на НАТО Столтенберг на прес-конференција пред самитот во седиштето на НАТО во Брисел.
На прашањето дали верува дека Бајден е психички и физички подготвен да ја води најголемата нуклеарна членка на НАТО во наредните години и дали забележал влошување на состојбата на Бајден, Столтенберг одговори дека се сретнал со Бајден пред неколку недели и дека имале добри средби со него во Овалната соба.
„Постигнавме напредок во подготовките за претстојниот самит на НАТО“, рече тој, додавајќи дека го поздравува силното лично лидерство на Бајден за поддршка на Украина. Но, тој рече дека сите дополнителни коментари би можеле да бидат штетни за НАТО.
„Една од причините зошто НАТО е успешна е тоа што не се мешаме во внатрешни политички прашања“, рече тој.
„Ако почнам да кажувам нешто што би можело да ме поврзе со тековните политички дискусии во која било сојузна држава, всушност ќе ја ослабнам унијата“, додаде тој.
Свет
Израел објави видео: „Хамас брутално тепа цивили во Газа“
![](https://makfax.com.mk/wp-content/uploads/2024/07/izrael-snimka.jpg)
На социјалните мрежи се шири вознемирувачко видео на кое се гледа како Хамас ги тепа жителите на Газа во близина на локација за хуманитарна помош.
Тие се тепани затоа што краделе храна од складиште за хуманитарна помош, изјави на социјалната мрежа Х Авичај Адрае, шеф на одделот за арапски медиуми на единицата за односи со јавност на ИД.
На видеото се гледа како членовите на Хамас тепаат цивили од Газа и со спреј во зелена боја на нивниот грб го пишуваат зборот „крадец“. Во исто време, членовите на Хамас носат маски на главите кои им го покриваат лицето, а може да се види како со стапови удираат врзани цивили додека нивните очи се покриени.
Се слушаат цивили како стенкаат и врескаат од болка.
„Дали знаете кои се овие маскирани луѓе? Кои се нивните жртви? Маскираните човечки чудовишта се дел од Хамас, а жртвите се невини млади луѓе“, напиша Адраи на платформата Х.
Тој додаде дека тие млади луѓе се обиделе да ја вратат храната што им ја украл Хамас и тоа го направиле бидејќи биле гладни.
Тој додава дека жителите на Газа со години се жртви на тероризмот и на Хамас.
Свет
„Нетфликс“ сними документарец за серискиот донатор на сперма, се претпоставува дека има 1.000 деца, тој тврди дека бројката е помала
![](https://makfax.com.mk/wp-content/uploads/2024/07/donator-2.jpg)
Нетфикс има нов хит документарец наречен Човекот со 1.000 деца (The Man with 1000 Kids).
Станува збор за донатор на сперма, Холанѓанецот Џонатан Џејкоб Мајер. Во документарецот се интервјуирани бројни жени и парови на кои Мајер им помогнал да добијат дете, но им дека само неколку пати донирал сперма. Се претпоставува дека тоа го направил дури 1.000 пати, додека тој тврди дека „Нетфликс“ претерува и бројката е околу 500 деца.
Сериски донатор на сперма
Проблемот настанува откако родителите ширум Холандија забележале дека децата кои ги добиле со вештачко оплодување, со спермата на Мејер, изгледаат слично. Мејер донирал сперма не само во Холандија, туку и ширум светот, а на мапата во документарецот ја има и Србија. Го нарекуваат „сериски донатор на сперма“.
Станав донатор од љубов
Но, зборувајќи за медиумите, 42-годишниот холандски Јутјубер рече дека е разочаран од серијата и дека погрешно ги прикажува неговите намери како донатор на многу семејства и оти реалната бројка е многу помала. Прво тврдеше дека има приближно 250 деца, а подоцна спомена бројка од 500.
„Претпоставките за 1000 се смешни. Разочаран сум од опседнатоста со бројки. Станав донатор не поради бројки, туку од љубов и да им помогнам на родителите да го остваруваат својот сон, рече Мејер.
Тој за „Индепендет“ изјавил дека станал „зависен“ од донирање сперма.
„Понекогаш помислував дека имам многу деца и дека можеби треба да престанам, но тогаш ќе добиев нова порака и тешко ми е да кажам не“, рече тој. Смета дека серијата е резултат на селективна селекција на незадоволни семејства.
Нему му е забрането дополнително да донира сперма
Додека Нетфликс допрва треба да одговори на тврдењата на Мејер, извршната продуцентка на документарецот Натали Хил ја коментираше ситуацијата.
„Последните четири години ги поминав разговарајќи со семејствата кои беа погодени од лагите на Џонатан. Лично разговарав со 45 или 50 семејства“, изјави таа за Би-Би-Си.
На Мејер во Холандија му е забрането да донира сперма, а доколку го направи тоа, ќе мора да плати казна од 100.000 долари за секоја донација.