Свет
Плажите ќе се смалуваат како последица на климатските промени

Се предвидува дека туристичките плажи ќе се намалат во големина до 2100 година како резултат на климатските промени, од Скарборо во Велика Британија до Клирвотер на Флорида.
Новите предвидувања се однесуваат на песочни плажи во светот, кои ќе се преполоват во следните децении.
Листата се заснова на податоците на Европската комисија, кои ги идентификуваат плажите што се соочуваат со зголемување на нивото на морето и со ерозија.
Нигериската „Лендмарк“ во Лагос е број еден на листата. Се предвидува дека ќе се намали во големина за неверојатни 918 метри.
Плажата Лендмарк во Лагос, Нигерија (Западна Африка)
На британските острови плажите што ќе се намалат најмногу до 2100 година се заливот Сент Брелејд во Џерси (214 метри), а потоа следува плажата Скарборо во Јоркшир (146 м).
Во САД најмногу ќе се намали плажата Клирвотер на Флорида (193 м), ставена е на 18. место на листата. А во регионот на Пацификот се предвидува дека австралиската плажа Менли ќе се намали за 161 м.
По плажата Лендмарк во првите пет светски плажи, на второ место е плажата Мекензи, во Ларнака, Кипар, со намалување од 661 метар, а плажата Ла Синта на Сардинија е трета, со намалување од 514 метри.
Остатокот од првите пет, на четвртото место е Праја да Коста до Сол во Мозамбик (453 м) и петта е плажата Куаката во Бангладеш (361 м)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов телефонски разговор Путин-Трамп, ова се деталите

Рускиот претседател Владимир Путин денес одржа уште еден телефонски разговор со американскиот претседател Доналд Трамп, изјави помошникот на рускиот претседател Јуриј Ушаков.
За време на разговорот, Путин ја потврди подготвеноста на Русија да посредува меѓу Израел и Иран, а двајцата лидери ја истакнаа важноста од спречување на ескалација на овој конфликт, објави ТАСС.
Според Ушаков, рускиот претседател го информирал Трамп за напредокот на размената на затвореници со Украина.
Тој додаде дека Путин потврдил дека Москва е подготвена да продолжи со преговорите со Киев по 22 јуни.
„Трамп ја зеде предвид оваа информација и уште еднаш го нагласи својот интерес за брз крај на руско-украинскиот конфликт“, рече претставникот на Кремљ.
Свет
Убиени политичарка и нејзиниот сопруг во САД, ранети сентатор и неговата сопруга

Гувернерот на Минесота, Тим Волц, изјави дека поранешната претседателка на Претставничкиот дом, Мелиса Хортман, и нејзиниот сопруг, Марк, биле убиени во политички мотивиран атентат. Сенаторот Џон Хофман, и неговата сопруга, биле застрелани. Двајцата преживеале и биле оперирани.
„Сите ние, во Минесота и низ целата земја, мора да се спротивставиме на сите форми на политичко насилство. Оние што се одговорни за ова ќе бидат повикани на одговорност“, рече Волц.
Лице запознаено со случајот изјави за Асошиејтед Прес (АП) дека истражителите веруваат дека осомничениот се претставувал како полицаец. Лицето рече дека истражителите сè уште работат на утврдување на мотивот за нападот и сè уште се во раните фази од истрагата.
Гувернерот Тим Волц рече дека пукањето било мотивирано.
Кои се политичарите во кои е пукано?
Ранетиот претставник е идентификуван како државен сенатор Џон Хофман, демократ, првпат избран во 2012 година. Хофман е оженет и има една ќерка. Хортман била врвен демократски лидер во Претставничкиот дом на државата и поранешна претседателка Уна Претставничкиот дом.
Таа беше првпат избрана во 2004 година. И Хофман и Хортман ги претставуваа окрузите северно од Минеаполис.
Дру Еванс, шеф на Бирото за криминално апсење, рече дека властите активно го бараат осомничениот.
„Ќе се извршат обдукции за да се утврди степенот на повредите, но Хортман и нејзиниот сопруг починале од прострелни рани“, рече Еванс.
Свет
(Видео) Пожар „голташе“ кула од 67 ката во Дубаи, евакуирани 4.000 станари

Голем пожар што избувна во станбена кула со 67 ката во Дубаи Марина доцна во петокот навечер, a беше целосно локализиран од страна на екипите на Цивилната одбрана на Дубаи во раните утрински часови во саботата.
Инцидентот предизвика брз и координиран итен одговор, што резултираше со евакуација на сите 3.820 жители од 764 станови во зградата, без пријавени повредени.
Пожарот започна доцна во петокот на горните катови на кулата „Тигар“, позната и како Марина Пинакл, и на крајот се прошири на неколку нивоа од облакодерот.
😱Dubai skyscraper engulfed in massive fire — nearly 4,000 people evacuated from the building
Fortunately, there were no casualties. Rescue teams responded quickly and assure that the residents of the complex are now safe. pic.twitter.com/eBX4KZ7I7L
— NEXTA (@nexta_tv) June 14, 2025
Цивилната одбрана на Дубаи распореди специјализирани екипи на местото на настанот, кои работеа преку ноќ за да го стават пожарот под контрола.
Според Канцеларијата за медиуми на Дубаи, екипите за итни случаи го ставија приоритет на здравјето и безбедноста на жителите во текот на целата операција, спроведувајќи целосна евакуација како превентивна мерка.