Регион
(Видео) Исповед на турист евакуиран од невидените пожари на Родос: „Бегството оттаму беше како да е крај на светот“
Екстремните горештини предизвикаа бројни пожари низ регионот, а делови од островот Родос горат веќе петти ден. На грчките пожарникари им помагаат и екипи од Словачка.
Неколку локации на истокот од островот беа евакуирани, вклучително и три приморски одморалишта. Во саботата околу 2.000 туристи почнаа да се евакуираат од Киотари и Лардос на југоисточниот дел на островот.
Иан Мурисон, од Лондон, престојувал во областа Киотари на Родос кога забележал темни облаци како минуваат над неговиот хотел додека тој вечерал во четвртокот навечер. Два дена подоцна, Мурисон рече дека појадувал на плажа кога повторно го забележал портокаловото небо.
„Забележавме дека морето почна да поцрнува од саѓи, а врз луѓето паѓаше пепел. Можам само да го опишам како речиси филмско искуство каде што сите гледаат во небото бидејќи доби многу чудна портокалова боја, а сите само гледаат наоколу и прашуваат „што се случува?“ – изјави тој за Скај њуз од спасувачкиот брод.
Мурисон додаде дека само 100 од околу 1.200 луѓе успеале да се качат во автобусите за евакуација, а другите морале да пешачат по жешкото време околу пет километри.
Бегството од пожарот на Родос беше како да е „крајот на светот“, вели британски турист за Скај њуз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.
Регион
Детали за нападот во училиштето во Белград: насилната мајка ја претепала професорката по биологија, во полиција го признала делото
Мајката на ученикот на основното училиште „Јован Дучиќ“ во Белград, која ја нападна и брутално ја претепа наставничката по биологија, во полиција признала дека завршила курс за борачки вештини, пишува „Курир“.
„Мајката дојде на отворената врата и ја праша наставничката по биологија зошто нејзиниот син добил 2, а има просек од 3“, вели наставничката од белградското основно училиште „Јован Дучиќ“, која ја придружувала својата повредена колешка до болница.
Таа вели дека наставничката по биологија, за да ги реши несогласувањата, ја повикала мајката во канцеларија. Но, наместо решение, следувало тешко насилство.
„Таа ѝ кажа ужасни работи: „Не знаеш која сум јас, кучко“, раскажала учителката.
Потоа се заканила дека ќе оди кај директорот, што наставничката по биологија го поддржала. Меѓутоа, таа одеднаш се вратила. Од вратата ја фатила за косата, ја турнала на подот и ѝ ја удрира главата во подот.
„Ќе ти го убијам семејството“, извикала мајката напаѓач, пренесува медиумот.
„Нема да работиш никаде на друго место, нема да работиш во ова училиште, ќе се сеќаваш на мене, не знаеш која сум. Ќе ти го убијам семејството“, викала таа.
Наставничката, според кажувањата на колешката, успеала во еден момент да се оттргне и отрчала до полицаецот, но тој не бил таму. Вработените потоа повикале полиција, која дошла и ѝ зела изјава.
„Колешката има контузија на градниот кош, а повредени и се и ногата и раката, а има и гребаници“, изјавила колешката на повредената наставничка, која ја придружувала до болница.
Таа наведува дека сите се преплашени и згрозени од она што ѝ се случило на нивната колешка.
Родителите на децата од споменатото училиште тврдат дека знаат која е жената што ги нападнала.
Како што понатаму изјавија родителите од училиштето во кое се случи овој инцидент, жената што ја нападнала професорката по биологија била крупна и била спортски тип.