Регион
Семејство патувало пеш со километри за да избега oд Родос, ги спасил локален жител

Сеемејство од Британија било принудено да пешачи со своите две деца со киломерти низ патишта зафатени од шумските пожари на Родос додека се бореле да бидат евакуирани.
Таткото Ник Стафорд, неговата сопруга Вики, и нивните две деца, седумгодишната Емилија и 11-годишниот Луис, се соочија со целосен хаос откога беа принудени да го напуштат хотелот оставајќи три куфери зад себе, пишува „Дејли мејл“.
Таткото Стафорд рече дека возилата ги земаат само хотелските работници, а на другите луѓе не им оставаат друг избор, освен да пешачат до следниот хотел на 33 степени во 11 часот.
„Беше прилично апокалиптично и напорно со децата. Патот беше целосно темен пред нас, но зад нас целиот хоризонт беше осветлен од пожарите“, изјави Стафорд за „Мирор“.
По девет километри пеш, семејството, кое потекнува од Бедфордшир, на крајот го собрал локалец, кој ги однел уште три километри до друг хотел.
Евакуации има и на Крф – уште едно грчко жариште за одмор е уништено од шумски пожари, а илјадници туристи сè уште се на аеродромот на Родос.
Грчката служба за итни комуникации ги предупреди луѓето што престојуваат или живеат во речиси 20 области на Крф да се евакуираат во побезбедни делови на островот.
Туристите што се враќаа дома од Родос срдечно ги прегрнаа оние што ги чекаа на аеродромот „Гетвик“ откако успешно избегаа од застрашувачките пеколни јазици на грчкиот остров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.