Регион
Во Грција седми ден беснеат пожари, туристите ги напуштаат одморалиштата
Грчките пожарникари, денеска, седми ден по ред, се борат со шумските пожари на Родос, а стотици туристи, кои претходните денови беа евакуирани од островот, треба да се вратат во матичните земји со авиони.
🇬🇷 🔥 Large-scale forest fires in Greece due to record heat
❗️The authorities announced the evacuation of people on the island of Corfu. Also, fires broke out in the northern part of the Peloponnese, near the city of Aigio.
According to police, 16,000 people have been evacuated… pic.twitter.com/mCrBiOOarN
— Zlatti71 (@djuric_zlatko) July 25, 2023
Речиси 20.000 луѓе беа принудени да ги напуштат своите домови и хотели на Родос за време на викендот бидејќи пеколот што почна пред една недела со пожари се прошири на крајбрежните одморалишта откога изгоре големи површини и оштети и уништи згради.
Министерството за надворешни работи соопшти дека е активирано кризното управување со цел да се евакуираат странските државјани, а вчера со авиони дома се вратиле повеќе од 2.000 странски туристи.
Се очекува денеска голем број странци да ја напуштат Грција со специјални линии, а туристичките агенции ги откажаа планираните патувања.
😱 Armageddon in Greece: forest fires have broken out on the islands of Evia and Corfu
Local police said 16,000 people were evacuated by land and 3,000 by sea from 12 villages and several hotels.
More than 450 firefighters and seven EU aircraft are working in Greece to help… pic.twitter.com/RpxZRwLyp3
— Slava Ukraini 🇺🇦 Making Spaces Great Again 🛸 (@Heroiam_Slava) July 25, 2023
Грција често е погодена од пожари во летните месеци, но климатските промени придонесоа за сè поекстремни топлотни бранови на југот на Европа, а се зголемуваат стравувањата дека туристите ќе ги заобиколат тие дестинации.
Стотици пожарникари со помош на екипи од Турција и Словачка се обидуваат да ги скротат пожарите што беснеат во близина на селата Генади и Вати на југоистокот на Родос, а жештините и ветровите ја отежнуваат ситуацијата.
„Пожарите повторно се активираа во целата земја, но сè уште нема закана за населените места“, изјави припадник на противпожарната служба.
Грција во последните недели ја погодија многу високи температури, а се очекува од утре живата во термометрите да се искачи над 44 Целзиусови степени.
Цивилната заштита денеска предупредува на исклучително висок ризик од пожар на Родос и Крит. Грчките острови се популарни туристички дестинации, особено за Германците и Британците. Туризмот учествува со дури 18 отсто од грчкиот БДП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.