Свет
Експлодира бомба од Втора светска војна и предизвика земјотрес од 1,7 степени според Рихтеровата скала во Италија
Авионска бомба од Втората светска војна експлодира во Тирол, Италија.
Експлозијата, забележана од австриската опсерваторија за земјотреси со јачина од 1,7 степени според Рихтеровата скала, се случила на ливада, пренесува Телеграф.
Неколку луѓе кои живееле во околината повикале полиција. За среќа нема повредени и нема оштетувања на околните згради, а од експлозијата настанал многу чад. На ливадата се формирал кратер со димензии 10 на 10 метри и длабок околу три метри, јавуваат италијанските медиуми.
Пожарникарите и полицијата интервенирале со екипа кучиња за да го пребараат теренот, но било исклучено да има и други експлозивни материи.
Според прелиминарните информации, можно е бомбата да експлодирала поради движење на земјата ппредизвикано од обилните дождови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Луѓето кои имаат проблеми со тежина во ЕУ одат на боледување 2,5 пати повеќе од останатите
Луѓето кои имаат проблеми со тежина во Европа имале 2,5 пати поголеми шанси да одат на боледување од останатите, покажа истражувањето презентирано на Европскиот конгрес за дебелина во Венеција.
Според истражувањето на 122.598 работници во 26 европски земји, луѓето кои имаат проблеми со тежина толку повеќе земале боледување, наведувајќи болки во зглобовите, дијабетес, депресија или проблеми со срцето, пишува британски Тајмс.
Боледувањето е двојно зголемено во Обединетото Кралство во последните 10 години, намалувајќи ја продуктивноста на британската економија за околу 33 милијарди фунти.
Свет
Андреј Белоусов за своите должности како министер за одбрана на Русија: Имаме многу да работиме
Кандидатот за министер за одбрана на Русија, Андреј Белоусов, денеска, пред Советот на Федерацијата, на консултациите за неговата кандидатура презентира низа задачи на кои ќе работи доколку биде именуван.
„Парични компензации на воениот персонал што учествува во зоната на специјални воени операции, секакви плаќања, денес скалата е зголемена на најмалку 200.000 рубли, но животот не е само за парични приходи, имаме на што да работиме, тоа важи и за обезбедување станови за учесниците во специјалната воена операција“, рече Белоусов, пренесува „РИА новости“.
Тој додаде дека планира да внимава и на военото здравство и изјави дека многу учесници во специјалната воена операција во Украина се соочени со фактот дека не се примени во цивилните клиники, а воените болници се преполни.
Свет
Еруптира вулканот Ибу во Индонезија, третото ниво на предупредување е во сила
Вулканот Ибу на островот Халмахера во Индонезија еруптира околу пет минути исфрлајќи пепел високо пет километри во воздухот, соопшти индонезискиот Центар за вулканологија и геолошки опасности.
Засега не се издадени наредби за евакуација, јавува „Ројтерс“. Во сила е третото ниво на предупредување од вкупно четири, а забранети се сите активности во радиус од пет километри, изјави раководителот на Центарот, Хендра Гунаван.
„Ако почне да паѓа пепел, им препорачуваме на луѓето што се во близина на вулканот да носат маска и очила“, додаде Гунаван.
Индонезија, архипелаг на кој живеат приближно 270 милиони луѓе, има 127 активни вулкани, а се наоѓа во т.н. пацифичкиот огнен прстен, област каде што се судираат повеќе тектонски плочи предизвикувајќи зголемена сеизмичка активност.