Забава
Рита Ора и Таика Ваитити објавија фотографии од венчавката една година подоцна
Рита Ора и Таика Ваитити ја прославуваат својата прва годишнина како брачен пар со досега необјавени фотографии и детали од нивниот посебен ден.
Британската пејачка текстописец (32) и режисерот (47), кои се венчаа на интимна церемонија во август минатата година, споделија среќни спомени од нивната венчавка за „Вог“.
„Тоа не беше во Лондон или во Франција како што пишуваше во медиумите“, изјави Ваитити за магазинот додавајќи дека Ора е таа што го побарала за маж.
„Тоа, всушност, беше приватна забава за осум најомилени луѓе во нашиот дом во Лос Анџелес на 4 август минатата година“.
„Имаше осум луѓе, само блиски пријатели и семејството, а родителите ја гледаа церемонијата преку ‘Зум’. Бевме ние и мојата сестра Елена. И моите две ќерки беа присутни“, рече режисерот во интервју за „Вог“.
Поп-ѕвездата, која се појави и во трилогијата „Педесет нијанси сиво“, изјави дека за венчавката носела накит од Лорејн Шварц и фустан од Том Форд.
„Том Форд е еден од моите омилени дизајнери на сите времиња и најомилени луѓе воопшто“, рече таа за изборот на дизајнерот за нејзината венчаница. „Тој сега е еден од моите блиски пријатели и многу го обожавам и му се восхитувам. Да се венчаш во негови фустан беше остварување на сонот“.
„Ги носев бисерите на мајка ми, кои ги носела на нејзината венчавка“, откри таа за Вог. „Сестра ми чекореше со мене до олтарот и беше блажено, мирно и интимно и забавно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.