Македонија
(Видео) Илхан Ќучук: Без реформи, РС Македонија ризикува да се одвои од Албанија на патот кон ЕУ

„Без да ги спроведе потребните реформи, РС Македонија не може реално да ги почне преговорите за влез во Европската Унија.
Вклучувањето на Бугарите и другите народи во Уставот е дел од францускиот предлог, кој е европски предлог. Тоа се условите и двете страни ги прифатија, никој не поставува дополнителни услови“.
Ова во интервју за „Бгнес“ го изјави Илхан Ќучук, претседател на политичката партија Алијанса на либералите и демократите за Европа (АЛДЕ) и пратеник во Европскиот парламент од групата „Обнови ја Европа“.
Во македонското општество треба да почне тешката дебата за уставните измени за да се почне фактичкото отворање на сите поглавја, односно Република Северна Македонија да чекори по патот кон Европската Унија врз основа на реформска агенда.
„Најважниот предуслов е јавен консензус, но не помалку важен е и политичкиот договор. Како известувач на Европскиот парламент им го дадов потребното политичко време на властите во Скопје, а тука мислам и на опозицијата, да го најдат овој консензус за да одат на патот кон ЕУ. Без промена на Уставот, РСМ не може навистина да почне да преговара со ЕУ“, категоричен е Ќучук.
Тој предупреди дека доколку РСМ не ги направи овие промени во блиска иднина, ќе се одвои од Албанија, која ќе продолжи и ќе им се придружи на оние земји што ќе имаат јасна патоказ, а РСМ ќе остане во групата со Србија, Косово, Босна и Херцеговина – земји што имаат сериозни билатерални прашања и кои треба да ги решат прашањата што произлегуваат од војните во блиското минато.
„Изборот е многу јасен – дали РСМ сака да продолжи по својот пат, со реформирање на јавно-социјалните односи, или ќе се приклучи на друга група, која нема јасен патоказ во ЕУ“, изјави Ќучук.
Тој истакна дека во текот на годините секогаш повикувал на едно: „Може да има тешки дебати за буџетот, социјалната политика, може да се расправате за прашањата од дневниот ред во македонското народно Собрание, но кога станува збор за стратешките цели – влезот во ЕУ, тука сите мора да бидат обединети, односно да има обединување“.
Но, ваквото обединување не е видливо, напротив – се игра со стравовите на македонското општество. „Не, никој не поставува дополнителни услови. Ова се условите, а двете страни се договорија – Бугарија и РСМ ги изгласаа овие услови во бугарското, односно македонското народно Собрание. Отсега овие договори мора да се исполнат“, дециден беше европратеникот и додаде дека доколку не се направат потребните уставни измени, нема причина да се гласа за извештајот на РС Македонија во ЕП бидејќи уставните измени се суштински предуслов за почнување на преговарачкиот процес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: По трагедијата во Кочани целосно се забрани употреба на пиротехника во затворен простор

СДС брутално и очигледно ја злоупотребува трагедијата во Кочани, со очајнички обиди да фрлат песок во очите на јавноста и со нивните лаги да ја засенат вистината, реагираат од ВМРО-ДПМНЕ, на обвинувањата од потпретседателот на СДСМ, Методија Илиевски.
„За разлика од претходната власт сега има сеопфатна, темелна истрага за трагедијата во Кочани во која беа опфатени поранешни и сегашни функционери, од кои некои се во притвор, а тоа е доказ дека сега има одговорност и неселективност. Владата на ВМРО-ДПМНЕ за разлика од претходната власт, донесе серија законски, измени со кои тотално се забранува употреба на пиротехнички средства во затворен простор, со цел да нема импровизации кои во иднина би резултирале со несреќи“, велат од партијата.
Од ВМРО-ДПМНЕ додаваат дека санкциите за прекршување на оваа забрана драстично се зголемени, но исто така утврдена е и строга одговорност за нелегално присуство на малолетници по полноќ во угостителски објекти, со цел заштита на младата популација.
„Ова се ефикасни законски мерки со кои се воведува одговорност и ефективен надзор, мерки кои гарантираат заштита на јавноста во затворени простории. Оваа Влада демонстрира одговорност со максимална сериозност и законски механизми ја брани јавната безбедност, води транспарентна и структурирана одговорност кон сите виновници без исклучок“, велат од партијата.
Македонија
АХВ: Засилени мерки по појавата на ново жариште на чума кај малите преживари во Албанија

Агенцијата за храна и ветеринарство (АХВ) воведе мерки на засилен надзор на болеста чума кај малите преживари, особено во регионот на Западна Македонија, со цел спречување на внесување и ширење на болеста од соседна Албанија во земјава.
Засилена е контролата на движењето и транспортот на животни од видовите овци и кози по добиеното известување вчера вечер преку европскиот систем за пријава на болести (ADIS) на Светската организација за здравствена заштита на животните – WOAH, дека во Република Албанија во областа Дебар, во место Кастриот, на фарма со 200 кози има појава на ново жариште на болеста, по пријавата на првиот случај неодамна во областа Скадар.
АХВ донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари во Република Северна Македонија од РепубликаАлбанија, со цел спречување на можноста за ширење на болеста.
Со оглед на новонастаната состојба, а заради намалување на ризикот од појава и проширување на болеста, АХВ ги извести ветеринарните друштва и официјалните ветеринари за спроведување на засилен надзор на одгледувалиштата со овци и кози и пријавување на секој сомнителен случај на болеста. На сила останува Решението за безбедносни мерки во однос на болеста чума кај мали преживари кое Агенцијата за храна и ветеринарство го донесе на 09.08.2024 година.
Агенцијата за храна и ветеринарство го извести Министерството за внатрешни работи за новонастанатата ситуација со појава на болеста во пограничниот регион со Македонија за преземање на засилени мерки за надзор и спречување на евентуален шверц со живи животни од видовите овци и кози од Албанија во нашата земја.
Македонија
Петрушевски: Струјата со СДС се зголеми затоа што фирми блиски до Заев и Филипче препродавале јаглен на ЕСМ за три пати поскапо од набавното

Венко Филипче трет ден молчи за испумпувањето на десетици милиони евра од ЕСМ од страна на Вице Заев и фирми кои водат и лично до него. Истражувањето на истражувачките новинари, кои го објавија овој скандал всушност покажува зошто ЕСМ е доведена во состојба на милионски долгови, изјави Бране Петрушевски, пратеник на ВМРО-ДПМНЕ.
„Вице Заев, Зоран Заев и Венко Филипче се директно виновни што струјата во нивно време се покачи за над 50%. Заев и Филипче се директно виновни што немало инвестиции во енергетиката, а немало за да има повеќе пари за во нивните џебови. За да може да профитираат Зоран Заев, Вице Заев и Венко Филипче, биле направени мрежа на фирми и посредници за ископ, транспорт и продажба на јаглен од Грција на ЕСМ. Јагленот кој од Грција се продавал кон мрежата на фирми за 30 евра бил препродаван во Македонија на ЕСМ по цена и до 82.5 евра“, рече тој.
Петрушевски обвини дека Заеви продавале скап јаглен на ЕСМ, а Филипче уживал во придобивките на милионските бизниси низ разни луксузи кои што му ги приуштувале.
„Овој скандал и афера од размери од неколку стотици милиони евра мора да има разрешница и одговорност. Очекуваме ЈО да отвори истрага, а Венко Филипче да излезе и да каже со кое лице излегува повторно во политиката и бара гласови од народот кој тој и Заев го краделе со стотици милиони евра“, рече Петрушевски.