Свет
„Твитер“ не дозволи претрес на профилот на Доналд Трамп и доби казна од 350.000 долари
![](https://makfax.com.mk/wp-content/uploads/2023/08/mask-tramp.jpg)
Американскиот специјален обвинител кој го истражува Доналд Трамп добил судски налог за претрес на профилот на поранешниот претседател на „Твитер“, а компанијата одбила да ја почитува одлуката, се вели во мислењето на Апелацискиот суд објавено денеска.
Апелацискиот суд на округот Колумбија ја потврди одлуката на федералниот судија дека потегот на „Твитер“, сега познат како „Х“ се смета за непочитување и го казни со 350.000 долари, објави „Ројтерс“.
Се наведува дека во овие околности, судот не го злоупотребил своето дискреционо право.
Во мислењето на судот се вели дека налогот е поврзан со истрагата за настаните околу опсадата на американскиот Капитол на 6 јануари 2021 година од поддржувачите на Трамп додека тој сè уште беше претседател.
Трамп во објава на својата веб-страница рече дека Министерството за правда „тајно го нападнало неговиот профил на Твитер, за да не биде информиран за голем напад врз неговите граѓански права“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Бајден откри дали ќе се повлече од кампањата: „Не си одам, никој не ме брка, во трка сум до крај и ќе победиме“
![](https://makfax.com.mk/wp-content/uploads/2024/07/1719542513-12331937-1024x683.jpg)
Американскиот претседател Џо Бајден ги отфрли гласините дека има намера да се откаже од својата кандидатура за претстојните избори и истакна дека е подготвен да победи во ноември.
„Да го кажам ова најјасно што можам: се кандидирав, никој не ме брка. Јас не си одам. Во оваа трка сум до крај и ќе победиме“, рекол претседателот, пренесува АП.
Како што беше најавено претходно денеска, демократските гувернери на Њујорк, Минесота и Мериленд ја поддржаа кандидатурата на претседателот Џо Бајден за претстојните избори во Соединетите Американски Држави.
„Претседателот отсекогаш ни го чувал грбот. Ние ќе се грижиме и за неговиот“, изјави гувернерот на Мериленд, Вес Мур за новинарите по средбата со Бајден и потпретседателката Камала Харис во Белата куќа, на која присуствуваа 24 демократски гувернери.
Гувернерката на Њујорк, Кети Хочул рече дека сите гувернери му ветиле поддршка на Бајден.
„Претседателот учествува во трката за да победи“, истакна таа.
Свет
Соборен 21 руски дрон, соопшти Украина
![](https://makfax.com.mk/wp-content/uploads/2024/07/tr.jpg)
Украина во текот на ноќта собори 21 руски дрон Шахед, додека руските сили тврдат дека контролираат дел од градот Часов Јар.
Украинската воздушна одбрана собори беспилотни летала во шест региони во северна и централна Украина, соопшти денеска Военото воздухопловство, пренесува Ројтерс.
Гувернерот на северниот регион Чернихив изјави дека повеќе од 5.000 домаќинства во регионот се без струја.
Свет
Кинеските метеоролози предупредуваат на екстремни горештини втора година по ред
![](https://makfax.com.mk/wp-content/uploads/2024/07/гггг.jpg)
Кинеската метеоролошка управа денеска соопшти дека очекува температурите да бидат релативно високи во повеќето области низ земјата во текот на следните неколку месеци.
Земјата има невообичаено топло време во поголемиот дел од годината, со просечни температури од март до мај на највисоките нивоа од почетокот на евиденцијата во 1961 година, пренесува Ројтерс.
Метеоролозите предупредија дека ова ќе биде второ лето по ред на екстремни горештини, кои, според нив, се предизвикани од климатските промени.