Македонија
ВМРО-НП: За некои „комшии“ и нивните испади целото општество се мобилизира, а за други колективно се правиме дека не гледаме
ВМРО-Народна партија се придружува кон сите осуди во однос на истакнувањето на знамето со мотиви на т.н „Голема Албанија“ и изливите на великоалбанскиот шовинизам во Република Северна Македонија кои беа демонстрирани при посетата на косовскиот премиер Албин Курти.
„Меѓутоа исто така ВМРО-Народна партија не може да не ја подвлече општествената хипокризија на таканаречениот едностран македонски патриотизам каде за некои „комшии“ и нивните непринципиени испади целото општество се мобилизира, а за некои други колективно се правиме дека не гледаме и премолчуваме.
Само ќе потсетиме дека пред неполни десет дена во Штип по повод 120 години од Српската окупација на Македонија, под македонско знаме и пред македонски претставници српски државен секретар Република Северна Македонија ја нарече „Стара Србија“ и „јужна Србија“, а македонците, срби кои ги ослободиле во балканските војни“, соопшти ВМРО-НП.
„А завчера пак во Крагуевац по истиот повод беше отворена изложба за истиот настан, годишнина од „Брегалничката битка“ во која сите државни преставници повторно не нарекуваа „Стара Србија“, а македонскиот народ српски кој бил ослободен по балканските војни.
Трагедијата да биде уште поголема таму беше најавено дека во септември во Битола ќе биде отворена истата изложба за т.н. „ослободување на Македонија“, кое впрочем претставува и почетокот на најтешката окупација во историјата на Македонија, односно времето на српската окупација.
Затоа ВМРО-Народна партија бара од сите одговорни институции и општествено повикани интелектуалци да престанат со еднонасочното шиканирање на одредени соседи, а да се замижува пред шовинизмот на некои други наши соседи, притоа очекуваме од претседателот на државата Стево Пендаровски бидејќи е директно надлежен за скандалот во Штип, таму да ги спроведе сите казнени мерки и да ги земе на одговорност сите поединици кои дозволија во центарот на Северна Македонија да не наречат „Стара Србија“, а Македонците и македонскиот народ, Срби и српски“, се додава во соопштението на ВМРО-НП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.