Забава
Култните супермодели повторно заедно на фотосесија за „Вог“

Славната модна четворка ја краси корицата на септемвриското издание на британски „Вог“.
Два дена во мај, Синди, Кристи, Линда и Наоми (не се потребни презимиња) беа во фото студио на западната страна на Менхетен за да го прават тоа што го правеа години наназад – позирање – со хумор и со немилосрдна прецизност.
Тие не се воздржуваат од носење масивни влошки за раменици, пастелни мини костуми, тесни вратоврски и салонки со тенки потпетици и изразен шпиц – предмети што немаат врска со удобниот кашмир и фармерки со кои пристигнаа – и се смешкаат со фамилијарност кон полиците на најважните парчиња за оваа сезона. Парчиња што изгледаат многу слично со дизајнерските понуди што ги носеа пред повеќе од 30 години.
Тогаш тие беа само млади девојки, и облеката немаше никаква смисла за нив. Сега тие се во своите 50-ти.
Некогаш – и сега.
Наоми никогаш не се откажува од штиклите, дури и кога нејзините колешки се боси. Тоа е мастер-класа во посветеност, пишува „Вог“ и додава: колку е чудно да се биде во верзија на сопствениот живот назад во иднината! И уште почудно е да го поминете целиот живот работејќи на тоа да бидете убави кога сте природно, по која било мера, прекрасни.
Фантастична четворка: сосема лево – Линда Евангелиста носи блуза и чевли од „Живанши“ и здолниште од „Тиори“. Синди Крафорд носи фустан и чевли „Долче и Габана“, ѓердан „Булгари“. Кристи Тарлингтон носи фустан „Сен Лоран“ од Ентони Вакарело, чевли „Маноло Бланик“, нараквица „Дебирс“. Сосем адесно, Наоми Кембел во фустан „Долче и Габана“, „Пајфери“ чевли и накит од „Булгари“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.