Свет
Нови докази во случајот со жената која со отровни печурки го послужи семејството на поранешниот сопруг – се истражува дали е убиство
Ерин Патерсон (48), која приготви ручек на крајот на јули и отру четири лица, важела за искусен познавач и собирач на печурки, пишува „Дејли мејл“.
На поранешната свекрва и свекор, како и на сестрата на свекрвата и зетот им послужила јадење со отровни печурки, по што тројца од нив починале.
Пријател на семејството Патерсон рече дека Ерин била „многу добра во потрагата по храна“ и идентификување на различни видови печурки. Сега се појавија информации дека го фрлила дехидраторот за подготовка на храната набргу по кобниот семеен ручек на кој присуствувале родителите на нејзиниот поранешен сопруг, пишува „Дејли Мејл“.
„Семејството Патерсон (вклучувајќи ги Ерин и Сајмон) береше печурки секоја година кога беа во сезона. Тоа е многу вообичаено за луѓето во областа“, вели пријател на семејството Патерсон.
Erin Patterson, the woman who cooked and served a meal that is believed to have killed three people and left another fighting for his life in Australia, has spoken out to give her version of events. https://t.co/amm4IyZ1i2
— NBC News (@NBCNews) August 14, 2023
Нејзините свекор и свекрва, Дон и Гејл Патерсон, сестрата на Гејл, Хедер Вилкинсон и нејзиниот сопруг Иан се разболеле по ручекот во домот на Ерин во Австралија на 29 јули. Дон (70), Гејл (70) и Хедер (66) починаа, додека Иан се уште се бори за живот. Тој е во критична, но стабилна состојба во болницата Остин во Мелбурн, каде што чека трансплантација на црн дроб.
Нејзиниот поранешен сопруг Сајмон Патерсон исто така бил поканет на ручекот, но не се задржал.
Детективите го истражуваат овој случај и веруваат дека смртта ја предизвикале печурките кои важат за најотровните во светот.
Ерин негираше каква било вмешаност во злосторството, кажувајќи ѝ на полицијата дека јадењето е мешавина од печурки купени во супермаркет и сушени билки што ги купила претходно во азиска бакалница во Мелбурн.
Таа рече дека го предала она што останало од оброкот на властите за тестирање.
Во изјавата, Ерин признала и дека ја лажела полицијата за дехидраторот за зеленчук што го фрлила, а кој бил одземен за вештачење.
Иако им рекла на полицајците дека го оставила на локална депонија одамна, таа всушност се ослободила од него само неколку дена по ручекот.
Еден пријател потврди за „Дејли мејл“ дека семејствата Патерсон и Вилкинсон се сомневаат во нејзината верзија на настаните.
All we know so far about Erin Patterson, the cook who hosted the fatal lunch where death cap mushrooms are suspected of killing three people https://t.co/x0mMHZpkqE pic.twitter.com/E40tRHX8e0
— Daily Mail Online (@MailOnline) August 12, 2023
Детективот Дин Томас им изјави на новинарите минатата недела дека Ерин е „сомнителна“ бидејќи ги готвела оброците, но нагласи дека полицијата сè уште работи на утврдување дали трагедијата била случајна или намерна.
Инспекторот Томас рече дека двете нејзини деца биле присутни на ручекот, но јаделе одвоени оброци, а децата и нивната мајка подоцна се вратиле во болница како мерка на претпазливост и покрај тоа што немале симптоми.
И покрај првичните полициски извештаи дека децата биле присутни на ручекот, Ерин подоцна изјавила дека тие всушност биле на кино.
Сепак, таа кажала дека децата ги јаделе остатоците од ручекот следната вечер, но морала да им ги отстрани печурките бидејќи не ги сакаат.
Како и четирите жртви, таа рече дека и таа била примена во болница на 30 јули со силни стомачни болки и дијареа, пред да биде однесена со брза помош во болницата во Мелбурн. Тврди и дека одржувала позитивни и пријателски односи со нејзината поранешна свекрва откако нејзиниот брак се распадна.
„Бев блиска со родителите на Сајмон и по разводот. Одржував контакт со нив на прилично пријателски начин откако ја прекинав врската со нивниот син. На нашата врска донекаде влијаеше тоа што ги гледавме помалку откако мојот брак со Сајмон се распадна. Имав почит кон неговите родители и сакав моите деца да поминуваат време со нивните баби и дедовци бидејќи верував дека тие се исклучителни примери“, рече Ерин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Естонија: Немаме план Б ако Украина ја загуби војната
Естонската премиерка Каја Калас изјави дека Естонија нема план Б доколку Украина ја загуби војната.
„Не треба да се предаваме на песимизмот. Победата во Украина не е само територија. Ако Украина влезе во НАТО, дури и без одредена територија, тогаш тоа е победа бидејќи ќе биде ставена под чадорот на НАТО“, рече Калас во интервју за Би-Би-Си.
Владата на Естонија одвои повеќе од еден процент од естонскиот БДП за воена и финансиска помош за Украина.
„Ако секоја земја на НАТО го направи тоа, Украина ќе победи“, посочува Калас.
Естонија, мала балтичка држава која некогаш беше дел од Советскиот Сојуз, е уверена дека откако ќе завршат борбите во Украина, рускиот претседател Владимир Путин ќе го сврти своето внимание кон Балтикот, барајќи да ги врати земјите како Естонија под контрола на Москва.
Свет
(Видео) Поплави во јужна Германија, жителите евакуирани со хеликоптери
Невреме вчера и денеска погоди големи делови од јужна Германија, предизвикувајќи прекин на сообраќајот, а некои жители мораа да бидат евакуирани со хеликоптер.
Во областа на баварскиот град Аугсбург, жителите мораа да бидат евакуирани поради дефект на насип и брана, соопштија властите.
Поради поплавите, во прекин е железничкиот сообраќај меѓу главниот град на Баварија, Минхен, Брегенц во Австрија и Цирих во Швајцарија.
Во прекин беше и линијата меѓу Улм и Аугсбург, а меѓуградските возови на релација Штутгарт-Минхен беа пренасочени.
Жителите на баварскиот град Фишах, западно од Минхен, биле изнесени со хеликоптер од своите домови откако се излеа реката Шмутер.
Update zum Wehr#Hochwasser pic.twitter.com/lX5hrZp46M
— Bummibaer 🐻 🇺🇦 (@MrBummiBinBaer) June 1, 2024
Водостојот расте, дождот не престанува да паѓа. Прогласена вонредна состојба
Мештаните поинаку не можеа да ги напуштат своите домови, изјави портпаролката на окружните власти. Според полицијата, службите за итни случаи и чамците ќе ги преземат луѓето во поплавените домови. Неколку соседни окрузи прогласија вонредна состојба бидејќи дождот продолжува да паѓа и нивото на водата расте.
Во сојузната покраина Баден Виртемберг, западно од Баварија, ситуацијата брзо се влоши откако реката Ротум почна да се излева на неколку места.
Во малиот град Рајнштетен, 150 служби за итни случаи работат повеќе од 22 часа за да ја ублажат поплавата што се случи по пукањето на браната, изјави градоначалникот Филип Буеркл за ДПА.
Буеркл рече дека противпожарните служби од блиската област пумпаат вода од подрумот и дистрибуираат вреќи со песок. Досега е евакуиран само еден дом за стари и изнемоштени лица во кој престојувале 15 лица.
Училиште во селото Мекенбеурен, во близина на езерото Констанца, мораше да биде евакуирано откако локалната река проби вреќи со песок поставени околу него.
Германската метеоролошка служба предвиде дополнителни грмежи и до 80 литри дожд на метар квадратен во јужните делови на Германија. Невремето се очекува да продолжи и утре.
Свет
Пукање во западна Германија, ранети четири лица, напаѓачот е во бегство
Четири лица се ранети денеска во престрелка во Хаген, во западна Германија, а осомничениот сторител е во бегство, соопшти полицијата. Во потрагата бил вклучен и полициски хеликоптер.
Властите претходно потврдија за ДПА дека двете места на злосторството вклучуваат фризерски салон и блиска станбена зграда во Хаген, јужно од Дортмунд.
Полицијата е на местото на злосторството, а на граѓаните им се препорачува да го избегнуваат просторот околу местото на злосторството.