Свет
(Видео) Евакуирани 19.000 луѓе во Канада: Поради пожарот ноќта изгледаше како ден
![](https://makfax.com.mk/wp-content/uploads/2023/08/канада-пожар.jpg)
Во Канада беснеат пожари, поради што во некои делови од земјата е прогласена вонредна состојба. Премиерот на Британска Колумбија објави вонредна состојба, велејќи дека локалните власти се соочуваат со најлошата сезона на шумски пожари досега, додека илјадници луѓе се евакуирани од градовите источно од Ванкувер.
„Во последните 24 часа ситуацијата брзо се разви и се соочуваме со исклучително предизвикувачка ситуација во наредните денови“, изјави синоќа премиерот на Ванкувер Дејвид Еби, пишува Гардијан.
Пожарникарите се борат со неконтролираниот шумски пожар во Мекдугал Крик кој изгоре 10.500 хектари шума во ридовите и планините над градот Западен Келоун, принудувајќи илјадници луѓе да се евакуираат. Западен Келоун, град со 36.000 жители, се наоѓа на 300 километри источно од Ванкувер.
Евакуации беа извршени и во блискиот Келоун, град со околу 150.000 жители лоциран отаде езерото Оканаган.
Евакуацијата следуваше откако властите посеверно во регионот на северозападните територии соопштија дека се проценува оти повеќе од 19.000 луѓе се евакуирани поради шумските пожари кои му се закануваат на градот Јелоунајф.
Противпожарните екипи работат деноноќно да спречат ширење на пожарот и испуштаат вода од воздух за да го заштитат градот со 20.000 жители. Облачноста и ниските температури вчера го забавија пожарот западно од Јелоунајф, соопштија пожарникарите.
Се проценува дека околу 4.000 луѓе се префрлени со хеликоптер, а денеска се можни повеќе летови доколку временските услови дозволат.
Канада минува низ својата најлоша сезона на шумски пожари досега, со повеќе од 1.000 активни пожари кои горат низ целата земја, вклучително и 236 во северозападните територии. Во пожарите изгореа повеќе од 2 милиони хектари земја, а повеќе од половина од населението во регионот е под наредба за евакуација.
Официјалните лица рекоа дека следните 24 до 48 часа би можеле да бидат најтешките.
city last night pic.twitter.com/4qirEYUeb5
— Aleks (@aleksliving) August 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.