Регион
(Видео) Пожар во Грција: Во Александрополис горат куќи

Голем пожар беснее во грчкиот град Александрополис, меѓу населбите Агнација и Антија, а противпожарните единици се борат да го локализираат при неповолни услови на силен ветер, јавуваат локалните медиуми.
Пожарот напладне ја премина Игнација Одос каде сообраќајот беше рано запрен и се движи кон југозападен правец бидејќи дува североисточен ветер со јачина од 6-7 бофори.
Сите спасувачки екипи се на терен. Покрај копнените сили на Противпожарната служба, има и армија, полиција, доброволци и вкупно 14 ротирачки авиони и четири хеликоптери кои го гаснат пожарот од воздух.
Во пожарот изгореа куќи и автомобили во Етохори и Пефка каде е причинета голема материјална штета. Во исто време во близина на куќите пожарот го зафатил и селото Агнадија.
На граѓаните во седум села во регионот на Еврос, на североистокот на Грција, во текот на денот им било кажано да се подготват за евакуација, преку итна порака поради шумски пожар.
Првата порака стигна до жителите на Нипса, Етохори и Пефка, додека втората порака беше испратена до луѓето во Лутрос, Агнација, Аристин и Дорик.
Според противпожарната служба во моментов нема непосредна опасност за овие населени места, но поради силниот ветер и чадот најавена е евакуација на населението.
Во исто време, според претседателот на Комората на Еврос, Христодулос Топсидис, штети од големиот пожар претрпеле и бизниси.
Надлежните поради густ чад го затворија автопатот Игнација во двата правци до раскрсницата на индустриската зона Александрополис. Сообраќајот е пренасочен по патниот правец Ферон-Александрополис, а се молат возачите и граѓаните да бидат особено внимателни и да ги следат упатствата на полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Гори во Грција: Издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптери исто така помагаат во гаснењето на пожарот, пишува грчкиот весник.
Фото: принтскрин
Регион
Плинска боца експлодира во стан на српски туристи во Грција, има повредени

Пет туристи од Србија се повредени денес во експлозија на плинска боца во изнајмена соба во Аспровалта, во регионот на Солун, од кои еден доби тешки изгореници, објавува Катимерини.
Несреќата се случила денес околу 15:30 часот под сè уште неразјаснети околности.
Најтешко повреден е 41-годишен маж, кој се здобил со изгореници, додека другите се здобиле со повреди од скршено стакло, објавува Катимерини, додека Прототема објавува дека маж со изгореници од прв и втор степен и жена со изгореници од прв степен се пренесени во свесна состојба во Општата болница во Солун.
Полицијата го уапси 86-годишниот сопственик на куќата, а надлежните органи ги истражуваат причините за несреќата.
Регион
Полицијата на Истра уапси Германец: снимал голи деца со рачен часовник

Истарската полиција приведе германски државјанин (31), кој е обвинет за експлоатација на деца за порнографија откога е откриено дека снима голи деца на плажа со рачен часовник со интегрирана камера.
Граѓаните ја известиле полицијата во вторникот околу 18 часот кога забележале дека мажот снима деца со рачен часовник. Полицијата ги претресла неговите простории, автомобилот и друга техничка опрема и пронашла инкриминирачки снимки. Еден ден подоцна тој бил предаден на притворската единица на Полициската управа на Истра со кривична пријава.
„Полицијата апелира до родителите да ги следат своите деца и да гледаат каде се и што прават на плажа. Облечете ги вашите деца во костими за капење, а доколку забележите сомнително лице што снима деца, веднаш известете ја полицијата на 192“, велат од полицијата додавајќи дека ваквите акции покажуваат дека јавноста е сè повеќе свесна за проблемот со снимањето деца и дека препознавањето на сомнителното однесување овозможува навремен одговор и апсење на сторителот“.
Фото: принтскрин