Свет
Саудиска Арабија обвинета за масовно убиство на мигранти
Саудиската гранична полиција е обвинета за масовно убиство на мигранти по должината на границата со Јемен во новиот извештај на „Хјуман рајтс вач“.
Во извештајот стои дека стотици луѓе, од кои многумина Етиопјани, кои го преминале Јемен за да стигнат до Саудиска, Арабија, биле застрелани.
Мигрантите изјавија за Би-би-си дека имале отсечени екстремитети од пукање и виделе тела оставени на патеките.
Мигрантите за Би-би-си зборуваа за застрашувачки ноќни премини за време на кои големи групи Етиопјани, вклучително и многу жени и деца, биле под оган додека се обидувале да ја преминат границата во потрага по работа во кралството.
Еден од мигрантите рече дека некои од неговата група од 45 мигранти биле убиени кога биле под оган додека се обидувале да ја преминат границата во јули минатата година.
Според Меѓународната организација за миграција на ОН, повеќе од 200.000 луѓе годишно се обидуваат на опасно патување поминувајќи по море од Рогот на Африка до Јемен, а потоа патувајќи во Саудиска Арабија.
Надија Хардман, одговорна за извештајот на Обединетите нации, вели дека минимум 655 лица се убиени, но очекува дека ќе бидат илјадници во иднина.
Саудиската влада рече дека сериозно ги сфатила наводите, но силно ја отфрла констатацијата на ОН дека убиствата биле систематски или големи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Илјадници бегаат од руската офанзива во регионот Харков
Во борбите за вториот по големина град во Украина досега се раселени околу 14.000 луѓе, покажуваат податоците на Светската здравствена организација (СЗО), пренесува Би-би-си.
Руските сили неодамна започнаа летна офанзива, заземајќи неколку села на североисточната граница на Украина во близина на градот Харков додека се обидуваат да ја пробијат ослабената линија на фронтот на Украина.
Регионалниот лидер на Харков изјави дека седум лица се повредени во ноќните напади на руски беспилотни летала врз градот. Во меѓувреме, најмалку едно лице загина во напад на украинско беспилотно летало над границата со Белгород, јавуваат руските медиуми.
Говорејќи на брифинг со новинарите, Јарно Хабихт од СЗО рече дека 14.000 луѓе избегале од борбите во областа, но 189.000 луѓе кои останале во близина на границата со Русија се соочиле со „значителни ризици поради борбите“.
Украина сè уште контролира околу 60 отсто од Вовчанск, пограничниот град во центарот на неодамнешните борби, изјави заменик-гувернерот Роман Семенука за националната телевизија во понеделникот.
Друг украински воен функционер изјави за АФП дека борбите во Харков „остануваат тешки и динамично се менуваат“.
Свет
Израел: Цивилизирани земји во светот, спротивставете се на Хашкиот суд
Израел денеска ги повика „земјите од цивилизираниот свет“ да се спротивстават на барањето на обвинителот на Меѓународниот кривичен суд кој издаде налози за апсење на неговите водачи.
Израелскиот министер за одбрана Јоав Галант, кого судот во Хаг го бара заедно со премиерот Бенјамин Нетанјаху, го нарече „срамен“ обидот да се меша во војната на Израел против Хамас во Газа.
Одлуката на судот беше критикувана и во Вашингтон, кој го осуди впечатокот за изедначување на двете страни бидејќи обвинителот Карим Кан издаде налози и за палестинските исламисти.
„Ги повикуваме народите на цивилизираниот, слободен свет – нациите кои ги мразат терористите – да застанат со Израел. Треба веднаш да го осудите овој чекор“, рече портпаролот на израелската влада Тал Хајнрих.
„Нека знае МКС каде стоите. Спротивставете се на одлуката на обвинителот и изјавете, дури и ако се издадени налози, дека нема да ги спроведете. Затоа што тоа не е прашање на нашите водачи, туку на наш опстанок“.
Во објава на платформата „Икс“, Галант напиша дека обидот на обвинителот Кан да „го ускрати правото на државата Израел на самоодбрана и да ги ослободи заложниците“ мора да биде отфрлен.
Хамас моментално држи околу 125 израелски заложници, киднапирани во нападот на 7 октомври. Официјални лица од Газа објавија дека за време на израелската офанзива што следеше загинале 35 илјади луѓе.
Кан во понеделникот рече дека Израел има право да го брани своето население, но дека ова право не значи дека Израел е над „почитувањето на меѓународното хуманитарно право“.
Тој смета дека израелските методи како убивање цивили или гладување се нелегални.
Регион
Вучиќ за гласањето на Резолуцијата за Сребреница: Ќе има разочарувачки вести за ставовите на некои земји за кои не очекувавме „да ни забијат нож во грб“
Претседателот на Србија, Александар Вучиќ денеска најави дека при гласањето на Резолуцијата за геноцидот во Сребреница ќе има „разочарувачки вести“ во однос на позициите на некои земји.
„Ги добивме податоците, секако дека ќе има разочарувачки вести во однос на ставовите на некои земји за кои не очекувавме „да ни забијат нож во грб“, но очекувавме голем притисок и знаевме дека ќе има промени во ставовите. Цело време молчеа, но застанаа на страната на оние кои се големи и силни“, изјави Вучиќ на новинарите во обраќањето од Њујорк.
Тој изјави и дека верува оти „многумина кои ќе гласаат за Резолуцијата за геноцидот во Сребреница утре ќе кажат дека таа е за доброто на Србија“.
„Ќе ја повторат празната приказна дека не е колективна вина на српскиот народ“, рече претседателот на Србија.
Вучиќ рече дека ќе има „и такви кои ќе го издржат притисокот“.
„Парадоксално е што седницата на Генералното собрание на Обединетите нации ќе ја отворат Германците, повторно ќе ни судат, ќе одговорам и ќе возвратам на секој удар, а ќе имаме доволно пријатели кои ќе се појават во четврток навечер“, изјави Вучиќ.