Економија
Николовски: Со поддршка на Европската Унија обезбедуваме нова опрема за ГЕН Банката при Институтот за тутун
![](https://makfax.com.mk/wp-content/uploads/2023/08/IMG_3464.jpg)
Министерот за земјоделство, шумарство и водостопанство Љупчо Николовски, денеска го посети Научниот Институт за тутун во Прилеп, којшто е една од најстарите научни институции на Балканот и следната година го слави својот 100-ти роденден. Институтот за тутун е важна научна институција во производството на тутун и сите овие години успешно ја извршува своја научна дејност.
Преку Програмата за рурален развој, Министерството за земјоделство, шумарство и водостопанство (МЗШВ), обезбеди финансиска поддршка за Институтот во вредност од 5.740.000 денари, за поставување на систем за наводнување (капка по капка) на опитните полиња. Системот наводнува 14 хектари површина на која се сади сортата “Прилеп 66”, која е сопствена сорта на Институтот.
Министерот Николовски заедно со директорката на Научниот институт, проф. Д-р Валентина Пеливаноска ги посети опитните полиња каде веќе е поставен новиот систем за наводнување (капка по капка), извести МЗШВ.
Министерот Николовски исто така ја посети и Ген банката која е во состав на Институтот за тутун, во која се чува семенски материјал од 56 сорти и се одржуваат сите автохтони сорти на тутун.
Преку ИПА програмата со средства од ЕУ Институтот доби нова опрема која ќе помогне за научни цели и поддржување на автохтоните раси. Ген банката, со поддршка на МЗШВ, Управа за семе и саден материјал, преку ИПА проект е доопремена со четири нови, современи апарати и тоа: ртилиште за семиња, aвтоматски електронски бројач на семки, eлектрична сушница и дехумификатор.
Во текот на денешната посета на Прилеп, министерот Николовски го посети и Музејот за тутун, кој е еден од најголемите тутунски музеи во светот. Оваа година одбележува 100 години од организираното производство на тутун во Прилеп, и 400 години откако тутунот дошол во Прилеп.Музејот содржи над 4.000 експонати. Некои од нив им припаѓале на познати иматели од историјата и кулоарската историја, некои им припаѓале на познати личности од благородништвото или биле користени во посебни историски прилики.
Компанијата БИМФООД од Прилеп е уште еден позитивен пример на успешена ИПАРД приказна, која максимално ја има искористено секоја можност од ИПАРД програмата, со дури три апликации. Преку средства од ИПАРД програмата, оваа компанија има реализирано поддршка во висина од 19,9 милиони денари за набавка на опрема со која го има проширено и модернизирано своето производство, воведувајќи модерни технологии. Како компанија БИМФООД е еден од лидерите на Балканот во собирањето, преработката, пакувањето и дистрибуцијата на диви печурки, а во својата дејност вршат откуп и преработка на овошје и зеленчик.
Во тек е последниот јавен повик за мерката 3 од ИПАРД 2 програмата во вредност од 8,8 милиони евра наменет за инвестиции во основни средства, опрема, за преработка на земјоделски и рибни производи. Крајниот рок за поднесување на барања за овој повик е до 18 септември 2023 година.
Наскоро преку распишувањето на првите јавни повици започнува и реализиарањето на новата ИПАРД 3. Како земја лидер први во регионот со буџет од над 90 милиони евра европска поддршка ја започнуваме новата ИПАРД програма, за нови инвестици и модернизација на македонското земјоделство, се додава во соопштението на МЗШВ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Летувај – за џепарлак не се оптеретувај – Остануваат уште три дена!
![](https://makfax.com.mk/wp-content/uploads/2024/06/1-16.jpg)
Остануваат уште три дена од извлекувањето на среќните добитници кои ќе добијат летен одмор во грција за целото семејство!
СН Финансиско друштво, препознавајќи ја потребата на граѓаните за уживање без мака во летниот одмор, со понуда за туристички безкаматен кредит за сите граѓани.
Понудата вклучува избор на летна дестинација по Ваш избор преку реномираната туристичка агенција ЈК Травел, а целосниот износ може да го плаќате на десет месечни рати без камати и други провизии.
Но, јуни е месец на подарувања, па од СН Финансии информираат дека сите кои ќе аплицираат за кредит до 30 јуни 2024 година, стануваат потенцијални добитници на летување во Грција, а на двајца најсреќни СН Финансии ќе им подари летување во Грција за нив и нивните најблиски.
Промовирајќи ја кампањата за туристички безкаматен кредит, СН Финасии ја истакнува својата континуирана посветеност кон задоволството на своите клиенти. Спакувајте ги куферите, аплицирајте онлајн и спремете се за уживање во следните топли денови покрај море.
ПР
Економија
Мицкоски за инвестицијата на „Алказар енерџи“: 55 ветерници ќе произведуваат еден терават-час електрична енергија
![](https://makfax.com.mk/wp-content/uploads/2024/06/hristijan-mickoski.jpg)
Ветерен парк со 55 ветерници, кои ќе произведуваат еден терават-час електрична енергија, ќе се гради меѓу Карбинци, Штип и Радовиш.
Инвестиција на „Алказар енерџи“, која беше прмовирана денес, е во вредност над 500 милиони долари и ќе претставува 20 проценти од целокупното производство на електрична енергија во земјата.
Премиерот Христијан Мицкоски изјави дека ова е најголемата инвестицијата досега во делот на обновливи извори на енергија во регионот. Како што објасни, планирано е инсталирање 55 ветерници, што ќе произведуваат еден терават-час електрична енергија или еден милион мегават-часови, што е приближно 20-ина проценти од целокупното производство на електрична енергија во земјата.
Инвестицијата треба да отвори нови 630 вработувања.
„Со завршување овој проект, дури 100.000 македонски домаќинства ќе може да се снабдуваат со електрична енергија од овие ветерници. Морам да напоменам дека овој проект е значаен од многу аспекти. Со него ќе се зајакне значително енергетската независност, нешто што е наша цел, но исто така ќе го зголеми обемот на инвестиции и ќе отвори пат за нови инвестиции. Ваков тип на инвестиции покажуваат дека довербата во оваа Влада уште на самиот почеток е голема и дека како опозиција работевме и сега како Влада само ќе продолжиме со зајакнато темпо да работиме. Нашиот став е јасен – мора да ја направиме енергетски независна. Кого зборувам енергетска независност, мислам енергетски независни од електрична енергија бидејќи нормално е дека електричната енергија не е единствениот енергент. Тука зборуваме за нафта, за гас итн. Кога зборуваме за енергетски независни, зборуваме за енергетски независни во делот на електричната енергија. И тоа може да се реализира само со детален план за енергетиката, каде што верувам и знам дека ќе имаме голем напредок“, рече Мицкоски.
Првиот човек на Владата истакна дека тој е тип на човекшто сака да види конкретни дела, а не се потпира само на даден збор. Во таа насока Мицкоски изјави: така и функционирам, а така ќе функционира и оваа Влада.
Изјави дека е задоволен што „Алказар енерџи“ пред неколку недели успеа да ја затвори финансиската конструкција за изградба на најголемиот парк на ветерници во регионот.
„Од земја увозник, ќе повторам, наша цел е да станеме и земја извозник на електрична енергија“, рече Мицкоски.
Со оглед на обемноста на самиот проект се очекува изградбата да почне во втората половина од 2025 година.
Економија
Фонтаната „Лотос“ – инспирација за визуелниот идентитет на пакетот за млади Halk EZ
![](https://makfax.com.mk/wp-content/uploads/2024/06/thumbnail_2506-soopshtenie-EZ-01.jpg)
Фонтаната Лотос во Градскиот парк во Скопје, која е урбан симбол на дружење, заедништво и солидарност на голем број генерации млади, е главната инспирација за визуелниот идентитет на Halk EZ (Halk Easy), новиот пакет за млади на Халкбанк.
Halk EZ има поинаков концепт односно покрај банкарски услуги, на младите на возраст од 16 до 24 години, ќе им понуди и платформа за едукација, дружење, вмрежување и забава. Токму во таа насока, секоја боја од брендирањето асоцира на предвидените компоненти од пакетот, чија цел е да ги вклучи младите во многу активности кои ќе ги поттикнат нивните квалитети, знаења и вештини.
Брендирањето на Halk EZ се надоврзува на „Трајни културни вредности“, проект на Халкбанк посветен на промоција на вредните културни и уметнички дела од минатото, на што сега се додаде и фонтаната Лотос, која претставува архитектонски симбол на Скопје уште од нејзиното пуштање во употреба во 1971 година.
„Фонтаната Лотос во Градски парк отсекогаш претставувала синоним за социјализација меѓу младите низ многу генерации до денес. Поттикнати од лотусот како мемоар на безброј впишани приказни, овој дизајн се темели токму врз значењето на споменикот. Дизајнот е составен од геометриски форми кои јасно ја претставуваат нејзината градбена структура, а притоа преку стилизација прикажана е во духот на современието. Овој графички приказ е сочинет од богат колорит кој содржи дванаесет бои и секоја од нив е составен дел од севкупната приказна на HALK EZ“, вели Кристијан Јованоски, арт директор во Ефектива, агенцијата која го креираше визуелниот идентите на Halk EZ.
Фонтаната Лотос е дело на архитектката Мирјана Милановиќ-Волињец, се наоѓа на платото на влезот на Градскиот парк од страната на булеварот Илинден, а нејзиното корито има дијаметар од 10 метри. На оваа локација претходно имало мочуриште со бели лотосови цветови од каде се родила идејата за дизајнот на фонтаната.
Пакетот Halk EZ (Halk Easy) е креиран за да одговори на секојдневните потреби на студентите, средношколците, младите претприемачи кои водат брз и динамичен живот и ги користат дигиталните технологии. Тој нуди бесплатно мобилно и електронско банкарство, Visa бесконтактна картичка со која може да се повлекува готовина без надомест на сите банкомати во земјата и во странство, платежна сметка без трошоци за водење, и иновативни услуги како GarminPay, SmartSend, SmartCash.
Сите млади кои ќе станат дел од Halk EZ пакетот најдоцна до 4-ти јули, учествуваат во наградната игра „Со Halk EZ до Exit“ преку која ќе бидат доделени пет ВИП влезници за двајца на еден од најголемите музички фестивали во Европа.
(ПР)