Македонија
Нов протест против извршителите: „Стоп за должничкото ропство“
За вторник, 29 август, пред Министерството за правда е најавен протест против извршителите.
Ана Глигорова, од организацијата на протестот, преку социјалните мрежи ги повика граѓаните да дојдат пред Министерството и да го „прекинат должничкото ропство“.
„Извршителите и нивните поддржувачи не го спроведуваат законот за застарување на побарувањата (долгови), излезен во ‘Службен весник’, кој е во сила. Не само што не го спроведуваат законот туку бараат и да се стопира. Затоа ќе се собереме пред Министерство за правда да пополниме формулари масовно, со фотокопии од налози, документи, да ги предадеме на министерот и да прекинеме со должничкото ропство. Стоп за должничкото ропство!!!“, напиша таа.
Организатори на протестот се „Човек над профитот“, КСОМ, „Но пасаран“ и ПЦЕР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Денеска без струја делови од Аеродром, Сопиште и Зелениково
Поради планирани прекини во електро снабдувањето денеска, без електрична енергија ќе бидат следните корисници:
– Во период од 09.00 до 15.00 часот дел од корисниците во Тоар, Ново Село, Градовци, Гумалево, Орешани, Смесница, Тисовица, Дејковци, Добрино, Пакошево. (општина Зелениково)
– Во период од 09.00 до 12.00 часот дел од корисниците од село Горно Соње (кај црквата) (општина Сопиште).
– Во период од 09.00 до 14.00 часот во Поликлиника Јане Сандански (општина Аеродром)
Македонија
Времен прекин на вода за жителите на улицата Васил Стефановски 16 во Скопје
Од ЈП Водовод и канализација – Скопје, изветсуваат дека денеска поради изведување на водоводен приклучок ф-80 мм на ул. Васил Стефановски 16, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности, информираат надлежните.
Македонија
Променливо облачно време со сончеви периоди
Времето ќе биде променливо облачно со сончеви периоди. Наместа ќе има услови за слаб локален дожд. Ќе дува слаб до умерен ветер од јужен правец. Минималната температура ќе биде во интервал од 2 до 13, а максималната ќе достигне од 16 до 20 степени.
Во Скопје променливо облачно со сончеви периоди. Ќе дува слаб до умерен ветер од југоисточен правец. Минималната температура ќе се спушти до 8, а максималната ќе достигне до 20 степени.
Во деновите од викендот ќе се задржи променливо облачно и посвежо време со услови за слаб локален дожд. Потоа следува период на стабилно и тивко време со ниски утрински температури. По одделни котлини ќе има услови за појава на утринска магла.