Македонија
(Видео) Каевски: ЕУ отвора врата за ново проширување во 2030 година, мора да ги поразиме блокадите на ДПМНЕ

„Официјални претставници на Европската Унија на Бледскиот стратешки форум испратија силен политички сигнал за ново проширување на Унијата во 2030 година. Ова се случува првпат по претходното проширување, со јасна временска одредница. 2030 година како можен датум за следното проширување на Унијата покажува дека тоа е временска рамка што и Владата предводена од СДСМ го постави како цел“, рече Дарко Каевски, портпарол и пратеник на СДСМ.
„Ова е уште една потврда дека нашиот план за членство е реален и остварлив. Овој многу важен сигнал од ЕУ ние мора да го искористиме. За нас како држава, која ги почна преговорите и која го привршува скринингот, е дополнителна причина зашто не смееме да ја пропуштиме оваа шанса.
Обидите за блокади на ДПМНЕ не смееме да дозволиме да се случат. Не смееме самите да се блокираме на патот кон ЕУ. Затоа е потребно е да донесеме важни, државнички одлуки за промена на Уставот и да продолжиме без натамошни пречки во ЕУ. Не се точни, односно лажни се тезите на ДПМНЕ и Мицкоски дека ќе имало нови барања за нови промени на Уставот“, изјави Каевски.
„Јасно е сѐ дефинирано во преговарачката рамка, со одлуката за уставните измени ние го продолжуваме европскиот пат, а тоа е потврдено од сите 27 земји членки на ЕУ. Лажни се и тезите на Мицкоски и ДПМНЕ дека уставните измени во овој момент не се важни затоа што тие се занимаваат со квалитетот на животот на граѓаните.
Градоначалниците на ДПМНЕ, кои се локална власт во 50 општини во државата, за 2 години не направија ништо за да го подобар животот на граѓаните. И, второ, затоа што нема подобар квалитет на живот за граѓаните од полноправно членство во ЕУ, кое патем токму ДПМНЕ и Мицкоски го блокираат.
ЕУ отвора врата за ново проширување и само од нас зависи дали ќе влеземе или ќе чекаме 20 години во изолација додека целиот регион напредува кон ЕУ. СДСМ, заедно со граѓаните, заедно со проевропскиот блок, ќе стори сѐ да ја обезбеди европската иднина на граѓаните, кои во огромен дел, над 80 отсто, сакаат да живеат во земја членка на ЕУ.
Се работи за иднината на нашите деца и за успехот на државата и ние тоа ќе го оствариме“, додаде портпаролот на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ обвинува: Злоупотреби со европски пари од Еразмус+ поврзани со ВМРО-ДПМНЕ

Според СДСМ, злоупотребите со милионите евра од програмата Еразмус+ водат директно кон поранешното раководство на ВМРО-ДПМНЕ.
Партијата обвинува дека Владата на Мицкоски назначила за вршител на должност директор на Националната агенција за европски образовни програми лице кое се наоѓа под активна истрага на ОЛАФ – Европската канцеларија за борба против измами.
СДСМ наведува дека станува збор за „скандал без преседан“ кој ја урива довербата во институциите и додава дека ВМРО-ДПМНЕ се обидела да ја заташка вистината.
Според обвинувањата, во периодот од 2014 до 2017 година, кога Ана Михајлов (тогаш Митровска) била одговорна за евалуаторите во Агенцијата, заедно со својата соработничка Дорина Ѓорчева Митровска биле доделени над 8 милиони евра европски средства. СДСМ повикува истрагата да утврди дали овие средства биле распределени законски или се работи за проневера.
Партијата исто така прашува за улогата на Бошко Нелкоски, првиот директор на агенцијата и ментор на сегашната вршителка на должност, и за поврзаноста со фирмите „Силвер Лион Сервисес“ и „Агронимија Органика“, oдносно дали и тие се дел од истата мрежа на сомнителни тендери идентификувани од ОЛАФ.
Македонија
Бујар Османи најави механизми за ефикасност „Чаир 48“ и јавно табло

Кандидатот за градоначалник на Чаир, Бујар Османи, денеска пред зградата на општината излезе со пакет механизми, меѓу кои јавно табло со неделен план и статус на задачи, проект „Чаир 48“ за одговор/решение на пријави во рок од 48 часа, вторник како „отворен ден“ без закажување, брза комунална екипа и јавен календар на средби и одлуки на општината.
„Оваа рамка директно го погодува коренот на проблемот кој со години ја следи општината: неефикасност, слаба координација меѓу службите и отсуство на видливи рокови. Граѓаните ретко знаат кој е задолжен за конкретен проблем, кога ќе биде решен и зошто доцни. Јавното табло, ако навистина се ажурира редовно и прецизно може да внесе најосновна, но пресудна промена: дневна видливост на работата“, велат од ДУИ.
Се додава дека воведувањето рок од 48 часа за „мали“ комунални интервенции (дупки, улично осветлување, отпад, небезбедни точки) е амбициозен зафат. Во пракса, ваков стандард бара дисциплина во прием и класификација на пријавите, доволно екипи на терен и резерви во буџетот за брзи поправки. Добро е да се разграничат активностите на општината меѓу „брзи“ или интервентни и „капитални“ работи и во таа насока ова е добра идеја.
„Отворен ден“ без закажување и јавен календар на активностите се чекори што веќе постојат во некои општини, но ретко функционираат доследно, велат од ДУИ.
Клучно ќе биде, дали градоначалничкиот кабинет навистина ќе биде достапен секој вторник, дали ќе има протокол за следење на случаите што ќе стигнат тој ден и дали ќе се објавуваат резимеи/исходи за јавноста. Во спротивно, и ова може да се претвори во уште еден симболичен гест, но Османи го ветува спротивното.
Во говорот, Османи најави и утрински брифинзи со службите секој работен ден во 07:30 часот, со јавно објавување на дневниот план.
Македонија
МВР: На ниту еден граѓанин не му беше скратено правото да присуствува на вчерашниот протест во Кочани

Министерството за внатрешни работи реагира со демант по објавите во дел од порталите и на социјалните мрежи дека наводно полицијата вчеране дозволила влез на граѓани во Кочани, кои сакале да учествуваат на протестот „Маршот на ангелите”. Напротив, велат од МВР, ниту еден граѓанин не беше спречен да влезе во Кочани.
„Со цел остварување на своите законски надлежности, меѓу кои и безбедно одвивање на протестот „Маршот на ангелите” на 15.08.2025 во Кочани, СВР Штип вршеше редовни контроли на сообраќајот (возила и возачи) на подрачјето на СВР Штип, вклучувајќи го и градот Кочани. Но, на ниту еден граѓанин на кој му беше извршена редовна сообраќајна контрола, не му беше скратено правото на слободно учество на протестот „Маршот на ангелите” и не е задржан повеќе од нормално потребното време за вршење на полициска контрола“, велат од МВР.
Апелираат да не се шират дезинформации со кои се вознемируваат граѓаните.