Свет
(Видео) Силно невреме и дожд ги заробија посетителите на култниот фестивал во Невада, евакуирани се 73.000 учесници

Поради силниот дожд, на посетителите на популарниот фестивал „Burning Man“ им било кажано дека не можат да го напуштат настанот што се одржува во американската пустина во Невада.
Организаторите на култниот фестивал денеска ги известија сите 70.000 посетители да штедат храна и вода бидејќи силниот дожд го претвори во кал пустинскиот песок на кој се наоѓа кампот. Влезот и излезот од настанот во американската сојузна држава Невада е „суспендиран“, се вели во соопштението на организаторите.
Годишниот фестивал што се одржува во пустината Блек Рок е еден од најпознатите културни настани во Америка.
Организаторите најавија дека „не е дозволено возење додека не се исуши површината, со исклучок на итните служби. На оние кои се упатија на фестивалот овој викенд, Федералното биро за управување со земјиштето, кое е домаќин на настанот, им кажа да „се свртат назад и да си одат дома“.
– Посетителите да штедат храна, вода и гориво и да се засолнат на топло и безбедно место – се наведува во соопштението.
Настанот требаше да трае од 27 август до 4 септември оваа година, кога посетителите еднаш годишно во пустината Блек Рок во Невада создаваат Блек Рок Сити (Black Rock City), привремена метропола посветена на заедницата, уметноста, самоизразувањето и самодоверба.
Фестивалот Бурнинг мен (Запален човек) го доби своето име по церемонијата на затворање, кога симболично се пали огромна инсталација во облик на човек, направена од дрво, а требаше да заврши во понеделник со масовно заминување познато како Егзодус.
– Дождот во последните 24 часа создаде ситуација која бараше целосно запирање на движењето на возилата на теренот. Во следните неколку дена се очекуваат нови врнежи и има мала надеж дека условите ќе се подобрат доволно за да се овозможи влез на возилата на песочниот терен. Претходно организаторите им порачаа на учесниците да штедат храна и вода и им забранија на возилата да излегуваат по патиштата бидејќи „бурнерите“, како што се познати учесниците, ја поминаа ноќта стуткани во шатори и кампери извалкани од кал – се вели во соопштението на БЛМ во кое се објавува затворање на пристапните патишта.
Burning Man 2023 is now declared a national emergency by the US government. Over 70,000 people are stranded at Black Rock City in Nevada. pic.twitter.com/llU4Rgr2QU
— Trap Doge (@420dogecoin) September 2, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Кралски питон снимен на улица во Загреб

Во загрепската населба Кајзерица вчера вечерта човек наишол на кралски питон како талка по улицата. Ја снимил змијата и го објавил видеото во соседските групи во обид да го пронајде нејзиниот сопственик.
Еден од членовите на групата вклучен во безбедното враќање на змијата потврдил за „Дневник.хр“ дека сопственикот е пронајден.
„Ја најдовме сопственичката и змијата ќе ѝ биде вратена. Пред да ја најдеме сопственичката, стапив во контакт со Зоолошката градина во Загреб. Од таму ни кажаа дека можеме да им ја доставиме змијата, но бидејќи сопственичката во меѓувреме ни се јави, проблемот е решен“, рече тој.
Свет
(Видео) Сеул постави холограм на полицаец во парк: криминалот се намали за 22 процента

Секоја вечер помеѓу 19 и 22 часот холограм во природна големина на полицаец во паркот „Џудонг“ бр. 3 во Сеул повторува предупредувања за видеонадзор и ветува дека вистинските полицајци ќе реагираат веднаш, објавува Vice.
Оваа иницијатива не е маркетиншки трик, туку проект целосно поддржан од Агенцијата за полиција во Сеул. Холограмот е создаден од технолошката компанија Hologrammica, а резултатите се веќе видливи. Откога дигиталниот полицаец беше распореден во октомври минатата година како дел од иницијативата „Безбеден парк“, бројот на пријавени кривични дела во областа се намали за речиси 22 процента.
Иако холограмот не може да уапси никого, полицијата вели дека неговото присуство е доволно за да ги одврати потенцијалните престапници. „Иако по подетаљно испитување, јасно е дека лицето не е вистинско, самото чувство за присуство на полицијата имаше значаен ефект на одвраќање“, се вели во соопштението на полицијата.
Холограмот е висок над 170 сантиметри и е моделиран по вистинска личност. Неговиот изглед, особено кога свети во темница, е донекаде морничав. Додека некои на интернет го опишуваат како корисна и високотехнолошка алатка, други го споредуваат со светлечко страшило.
И покрај мешаните критики, психолошкото влијание се чини дека е позитивно. Шефот на полициската станица во Џунгбу, Ан Донг-хјун, рече дека холограмот „се етаблира како паметен безбедносен уред“ и најави планови за проширување на ваквите системи напојувани од вештачка интелигенција во други области.
Јужна Кореја е веќе позната по употребата на експериментална технологија за јавни цели, од препознавање лица во училиштата до виртуелни асистенти на железничките станици.
фото: принтскрин
Европа
(Видео) Рускиот дрон летал во полскиот воздушен простор неколку часа пред падот

Руски борбен дрон „Шахед“ летал над Полска речиси два и пол часа пред да се сруши, објави украинскиот портал „Милитарњи“, специјализиран за воени теми.
Според анализата на надзорот на украинскиот воздушен простор, дронот летал над регионите Житомир, Хмелницки, Тернопол и Лавов во Украина во ноќта од вторникот кон средата, а потоа влегол во Полска.
Растојанието од границата до местото на падот во селото Осини е приближно 200 километри. Со оглед на просечната брзина на руските дронови „Шахед“ од 120 до 150 км/ч, се проценува дека поминал вкупно два часа во полскиот воздушен простор (бидејќи не летал целосно право).
With the US now paralyzed behind an orange mountain of lard, unable to inflict sanctions on Russia, Putin ups the stakes, striking Poland with a kamikaze drone last night, only 80km from Warsaw.
The West refuses to respond, so Putin only increases the killing. pic.twitter.com/P79Y1bYnEw
— Jay in Kyiv (@JayinKyiv) August 20, 2025
Како што наведува „Милитарњи“, дронот не бил откриен од полските системи за надзор во тој период. Додека се вклучиле сирените за воздушен напад во Украина, околу 1 часот по локално време, дронот, веројатно, веќе го напуштил украинскиот воздушен простор и продолжил да лета над Полска сè додека не се урна во 2.22 часот по варшавско време.
Порталот пишува дека постојат само две сценарија според кои дронот можел да влезе во Полска: намерно таргетирање или внатрешен дефект. Тие нагласуваат дека дури и во случај на дејство на електронско блокирање, автопилотот на дронот го пренасочува кон наменетата цел.
Затоа сè уште постои можност дронот да имал однапред одредена цел на територијата на членка на НАТО, наведува украинскиот портал.
Дронот што се урна во поле со пченка во Полска е од руско потекло, изјави вчера полскиот министер за одбрана, Владислав Косињак-Камиш, нарекувајќи го тоа провокација.
Експлозијата скршила прозорци во неколку куќи, но никој не е повреден, објави полската новинска агенција ПАП. Полицијата пронашла изгорени метални и пластични делови на местото на падот.
Истражителите изјавија дека дронот оставил кратер широк шест метри и длабок 50 сантиметри. Не е јасно дали експлозијата се случила во воздух или кога удрил во земјата.
Членка на ЕУ и НАТО, Полска е еден од најблиските политички и воени сојузници на Украина.
фото: принтскрин