Регион
(Видео) Порој во Грција носеше жена, ја спаси случаен минувач
Откако бурата Даниел ја опустоши Грција, од понеделникот на социјалните мрежи кружат снимки од катастрофалните поплави во земјата. Започна лизгање на земјиштето, уништени се електричните столбови, а порои однесоа десетици автомобили.
Пред тоа на северот на Грција беснееја пожари во кои имаше и загинати.
На една од снимките од поплавите во Атина се гледа порој кој носи жена. Жената се обидува да се задржи за сообраќаен знак, а на помош и пришол случаен минувач кој ја спаси.
Метеоролошката служба на Грција објави дека земјата е погодена од најекстремните временски појави во однос на врнежите откако се води евиденција.
Μετρό Ευαγγελισμός pic.twitter.com/h7x43lj4Uy
— meuten (@s_txvd) September 6, 2023
Во Грција, полицијата го затвори сообраќајот во централниот град Волос, блискиот планински регион Пелион и туристичкиот остров Скијатос, бидејќи рекордните дождови предизвикаа најмалку еден смртен случај, а автомобилите беа однесени од поплави.
#BREAKING 🇬🇷#Greece left grappling with #Floods after #Storm #Daniel's torrential #Rain follows summer #Wildfires.#StormDaniel #Floodings #GreeceWildfires #tognews #todayonglobenews #todayonglobepic.twitter.com/6Pn73YMIUmpic.twitter.com/4fa9yl2C9Mpic.twitter.com/QNrgX3I13d
— Today On Globe (@TodayOnGlobe) September 6, 2023
Пожарникарите соопштија дека еден маж загинал во близина на Волос кога врз него паднал ѕид. Пет лица се водат како исчезнати, најверојатно однесени од поплавата.
Basaksehir National Library
Flash floods devastated some districts in Türkiye's largest metropolis Istanbul late Tuesday.Two people were killed. #İstanbul #Turkey #Storm #Başakşehir #yağmur #turkey #BreakingNews #basaksehirspor #rain #LatestNews #latestnewsupdate #اسطنبول… pic.twitter.com/yx93fLjG4l— Chaudhary Parvez (@ChaudharyParvez) September 6, 2023
Властите испратија предупредувања преку мобилни телефони до неколку други области во централна Грција, предупредувајќи ги луѓето да останат во своите домови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Регион
Мајката на убиеното момче во „Рибникар“: Зошто го уби мојот син единец?; Коста: Се чувствував отфрлено
Во зградата на Специјалниот суд во Белград денеска продолжува судењето на Милјана и Владимир Кецмановиќ, родителите на момчето Коста, кое уби девет ученици и чуварот во основното училиште „Владислав Рибникар“. Момчето убиец и денеска продолжува да дава исказ во постапката. Со оглед на тоа дека за време на масакрот имал 13 години, нема да сноси кривична одговорност за своето дело.
Денеска му поставуваат прашања родителите на убиените деца. Судењето е затворено за јавноста, пренесуваат тамошните медиуми.
„Мајка ми секогаш бараше да бидам најдобар. Се лутеше и викаше кога не бев најдобар. Бидејќи секогаш бараше повеќе од мене, јас ѝ се лутев. Тоа нејзино однесување влијаеше да го направам тоа што го направив. Да го немав пиштолот на татко ми, немаше да го сторам ова“, изјави денеска пред судот Коста К., пренесуваат српските медиуми.
Кога Сузана Станковиќ-Чикиќ, мајката на убиениот Андрија Чикиќ, го прашала зошто ѝ го убил синот единец, тој одговорил: „Се чувствував отфрлено“. Во тој момент речиси сите во судницата плачеа, пишува „Телеграф“.
Огњен Божовиќ, адвокатот на семејствата на оштетените, зборуваше за постапката пред судењето.
„Денеска, треба да продолжи сослушувањето на малолетниот убиец, имаме можност да поставиме дополнителни прашања. Ќе се обидеме да разбереме како се случија настаните, да ги разгледаме темите, кои биле мотивите и што сакал да постигне. Се надевам дека дополнително ќе утврдиме одговорност и ќе разјасниме зошто тоа се случило, верувам дека одиме кон осуда, неговото сведочење не е пресудно во таа смисла, но мислам дека е значајно“, рече адвокатот и додаде:
„Се надевам дека денеска ќе добиеме повеќе дополнителен материјал, кој ќе го потврди нашиот став. Разбирам дека постои легитимен интерес на јавноста и уште од првиот ден ја застапував тезата дека судењето треба да биде отворено за јавноста, но со оглед на судската одлука за изземање, сметам дека секое истекување информации треба да се истражи и санкционира. Со тоа се создава амбиент во кој ние како адвокати не можеме да ги коментираме насловите во порталите и весниците, а во јавноста завршуваат разни детали. Ова ја отежнува нашата работа“, рече тој.
Регион
Вучиќ: Никогаш немало поголем притисок од разни надворешни служби
Претседателот на Србија, Александар Вучиќ, денеска, во безбедносно-информативната агенција (БИА), која го прославува својот ден и 22 години работа, изјави дека никогаш немало поголем внатрешен притисок од разни надворешни служби, кои сакаат да го пренасочат патот на Србија и нагласи дека патот на Србија е единственото добар пат.
Вучиќ во својот говор рече дека никогаш не почувствувал таков притисок однатре.
„Бидејќи сите играчи на разните служби, западни и источни, се под притисок да ги постигнат резултатите што ги бараат странските служби. Речиси е невозможно да го издржам тој притисок. Тоа е на секојдневно ниво на моите колеги и пријатели, и од едната и од другата страна, сакајќи да го свртат патот на Србија некаде на друго место или како што сметаат дека е во вистинската насока, а таа вистинска насока е или овде или таму, а не она што го зацртавме со поддршка на народот, кој е српската насока“, нагласи Вучиќ.