Македонија
Стоилковски: Уште колку имиња од семејства на власта се на списоците од грозоморниот криминал во Онкологија
Уште колку имиња од семејства на власта се на списоците од грозоморниот криминал во Онкологија, кој му кажа на директорот на СДС да го исклучи системот и кој му издал лажни документи на директорот на ДУИ? Овие прашања ги постави на прес-конференција, портпаролот на ВМРО-ДПМНЕ, Наум Стоилковски.
„Директор на Онкологија го исклучува системот за контрола и следење, друг директор вади лажни документи за семејството за да го смести на Клиниката. И двајцата директори се многу блиски до врвот на партиите коишто ги назначиле! Вакви зафати и молкот за криминалот со години во Онкологија се невозможни без знаење и поддршка од власта“, рече Стоилковски.
ВМРО-ДПМНЕ ја опиша кражбата на лекови на онкологија како грозоморие коешто не доликува на здравство туку на логорите на смртта. И ова грозоморие, велат од партијата, минува неказнето со години иако за него се зборуваше и се пишуваше.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Паднати дрва, скинати проводници, поплавени куќи по невремето во Скопската котлина
Како резултат на силното невреме што ја зафати Скопската котлина во попладневните часови, преку eдинствениот број за итни повици 112 во ЦУК, биле добиени пријави и известувања за причинети штети.
Жители на Бутел преку видео ја опишуваат состојбата по невремето во оваа скопска општина.
Според ЦУК на бројот за итни повици биле добиени пријави за паднати и навалени дрва, како и скршени гранки, скинати проводници, навалени бандери и други проблеми со електрични, интернет и телефонски кабли.
Имало пријави за поплавени куќи, поплавени подрумски простории и гаражи, поплавени улици, проблеми во снабдувањето со електрична енергија, оштетени покриви, скршени стакла и откачени лимови и олуци од куќи и згради, оштетени патнички моторни возила, паднати огради, блокирани улици и слични случаи предизвикани од невремето.
Македонија
Зголемувањето на пензиите ќе се разгледува утре на владина седница
Претседателот на Владата Христијан Мицкоски, оствари работна средба со министерката за финансии, Гордана Димитриевска Кочовска и со министерот за социјална политика, демографија и млади Фатмир Лимани, на која беше финализирана конструкцијата на проектот за зголемување на пензиите.
Со овој проект, повеќе од 300 илјади македонски пензионери ќе добијат повисоки пензии почнувајќи од оваа година.
Ваквото изборно ветување кое доби своја конечна форма ќе биде разгледано на првата седница на Владата, која ќе се одржи на 28.6.2024 година во петок.
Новата Влада останува посветена на исполнувањето на своите ветувања и продолжува да работи со посветеност за добробит на сите граѓани.
Македонија
Интензивен пороен дожд и грмежи во Тетово
Според информации од УХМР, подрачјето на Тетово е зафатено од интензивен пороен дожд и грмежи.
Правецот на движење на нестабилната маса е кон исток и североисток.
Поголема нестабилност, како што информира ЦУК, има во источниот дел на Пелагонија и делови од Мариово.
Од УХМР известуваат дека нестабилната облачна маса од која во западните и северните делови од Скопската Котлина имаше појава на невреме, се преместува во правец кон Куманово каде исто така се очекуваат процеси во форма на невреме.