Марија Ковалчук ​​(20), украинската манекенка, која беше пронајдена со страшни повреди во Дубаи откако „падна од височина“, според последните информации, по четврти пат е успешно оперирана. Она што се прашуваат многумина е што правела вечерта и како се нашла таму.

Имено, како што пишува порталот „АОЛ“, во истражување спроведено од „Телеграм“ каналот „Маш“ бил пронајден нејзиниот онлајн профил, каде нудела услуги за возрасни во Барселона за 500 евра, без разлика на полот или бројот на клиенти. Исто така, наводно, известуваат дека имала проблеми со зависност од недозволени супстанци.

Се верува дека Ковалчук ​​била во индустријата некое време и дека нејзината мајка била свесна за тоа.

Според каналот, 20-годишната девојка наводно учествувала во оргии во Дубаи и заработувала со давање сексуални услуги и екстремни фетиши.

И додека Ковалчук ​​можеби навистина паднала од зграда во изградба, постои сомневање дека тоа се случило откако се обидела да побегне од клиенти кои ја нападнале. Се сомнева дека присуствувала на забава организирана за членови на „високото општество“.

Овие таканаречени оргии „Порта Поти“ наводно се доста вообичаени, а жените биле изложени на малтретирања, физичко насилство, и исполнување на највалканите фантазии.

Адвокатката Катја Гордон за „Сан“ објасни колку се опасни овие забави и покрај примамливите парични награди.

„Постојат видеа на кои шеиците наводно удираат девојки, им ја потстрижуваат косата и им прават разни други работи“, рече таа, наведувајќи ги бројните приказни што се појавија во светлината на ужасниот настан.

Пријателите на Ковалчук ​​негираат дека манекенката би учествувала на овие забави.

Иако ова е веројатната теорија што довела до пад на моделот, властите сè уште се обидуваат да ја состават рамкатаа бидејќи работите се малку матни без приказната на Марија. Таа неодамна излезе од кома и сè уште не може да зборува.

Прелиминарните информации наведуваат дека украинската манекенка пристигнала во Дубаи на 15 февруари. Таа била на одмор со својата пријателка, руската манекенка Анџелина Дорошенкова, која набргу потоа се вратила дома.

Марија Ковалчук ​​ја немаше осум дена откако на пријателите им кажала дека е поканета на забава во хотел на 9 март. Моментално се наоѓа во болница каде што беше успешно оперирана по четврти пат. Таа е свесна, но се уште не е доволно добро да може да зборува.

Русија лансира серија беспилотни летала во нападот на Украина во текот на ноќта, при што загинаа најмалку четири лица, а беа ранети 35 во североисточниот град Харков, соопштија регионалните власти.

Во четвртиот ваков напад врз градот оваа недела руски беспилотни летала погодија станбени области оштетувајќи неколку високи згради и предизвикаа повеќе пожари.

Спасувачките екипи цела ноќ ги пребаруваа урнатините барајќи преживеани.

Overnight, Putin’s forces attacked Kharkiv with deadly drones. At least four civilians were killed and more than 30 injured. The target of the strike was a residential building.

A massive fire broke out at the scene, covering an area of over 600 square metres. pic.twitter.com/7q0DnIBQJB

— KyivPost (@KyivPost) April 4, 2025

„Од утрово, за жал, веќе има четворица мртви. Телото на уште едно лице ,кое беше убиено од рускиот агресор (беше извлечено) од урнатините“, рече градоначалникот Ихор Тереков на апликацијата „Телеграм“. „Имаме и 35 ранети“.

Канцеларијата на главниот обвинител соопшти дека обвинителите работат на идентификување на убиените. Во соопштението беше наведено и дека меѓу повредените во нападите со дронови има и три деца.

Украинските единици за воздушна одбрана и мобилните групи за лов на беспилотни летала соборија 42 од 78 руски беспилотни летала во текот на ноќта низ Украина, соопшти военото воздухопловство.

Минатата недела Харков беше цел на напади со руски беспилотни летала речиси секоја вечер. Градските индустриски компании и инфраструктурата беа оштетени во претходните напади, соопштија властите.

Силни бури и торнада ги опустошија југот и средниот запад на САД, при што загинаа најмалку седум лица. Беа урнати далноводи и дрвја, уништени се домови и превртени се автомобили во неколку сојузни држави, пишува „Гардијан“.

Невремето, придружено со серија торнада, предизвика најмалку седум смртни случаи во Тенеси и во Мисури, а се очекува бројот на жртвите да расте. Една од идентификуваните жртви е 68-годишниот Гери Мур, началник на пожарникарите од округот Кејп Жирардо, Мисури. Заедно со загинатите, повредени се најмалку дванаесет лица.

Белата куќа го одобри барањето на Тенеси за прогласување вонредна состојба бидејќи зголемените поплави му се закануваат и на главниот град Нешвил. Индијана исто така прогласи вонредна состојба. Властите активираа 50 припадници на Националната гарда поради моќното невреме што погоди 41 округ во државата.

„Во вакви моменти јас сум им неверојатно благодарен на војниците што се на терен и ги чуваат граѓаните на Индијана безбедни“, рече гувернерот Мајк Браун. Бурата се движи кон исток откога остави повеќе од 213.000 дома без струја – од Тексас до Охајо.

Националната метеоролошка служба издаде предупредување за висок ризик од пороен дожд за делови од Арканзас, Тенеси и Кентаки, каде што се очекуваат големи поплави во следните два дена. Десетици предупредувања за торнадо и предупредувања за силни грмотевици беа издадени во Арканзас, Илиноис, Индијана, Мисури и во Мисисипи прексиноќа. „Ова е животозагрозувачка ситуација, веднаш побарајте засолниште“, се предупредени граѓаните.

Во Мисури, според полициските соопштенија, загинало најмалку едно лице, а извештаи за голема материјална штета доаѓаат од неколку држави. Во Лејк Сити, Арканзас, куќи се срамнети со земјата, откорнати се дрвја и превртени се автомобили.

Во делови на Тенеси на жителите им беше наредено да не ги користат патиштата поради големи количества отпад. Неколку училишни области ги затворија училиштата или најавија премин на онлајн-настава поради очекуваното невреме, јавува „Ведр ченл“.

Гувернерот на Тенеси, Бил Ли, вчера ги обиколи погодените области и рече дека е премногу рано да се даде конечна бројка на загинати бидејќи потрагата сè уште е во тек. Ретко предупредување за торнадо беше издадено прексиноќа во областа околу Блитвил, Арканзас, кога беше откриено дека торнадото исфрлило остатоци до височина до 7.600 метри.

„Можам да кажам дека ситуацијата во тие области, особено наутро кога ќе се раздени, ќе биде навистина страшна“, рече метеорологот на Националната метеоролошка служба, Чели Амин, за „Асошиетед прес“.