Свет
Ким: Се надевам дека заедно со Русите засекогаш ќе се бориме против империјализмот
Севернокорејскиот лидер, Ким Џонг-ун, му ветил на рускиот претседател Владимир Путин помош во руската војна против Украина, објавија медиумите по неговата средба со Путин во современиот руски вселенски објект „Восточни“.
Русија застана да ги заштити својот суверенитет и безбедноста“, рече Ким на средбата со Путин, пренесува новинската агенција „Интерфакс“.
„Ние секогаш сме ги поддржувале и ќе ги поддржуваме сите одлуки на Путин и одлуките на руската влада. Се надевам дека секогаш ќе бидеме заедно во борбата против империјализмот и во изградбата на суверена држава“, додаде Ким.
Средбата меѓу Путин и Ким е прва посета на севернокорејскиот лидер на Русија во последните четири години. Покрај прашањето за ракетната технологија, според набљудувачите, на дневен ред на состанокот е и испораката на оружје и муниција од Северна Кореја за Русија.
Северна Кореја лансира две балистички ракети
Самитот на лидерите на двете земји, кои се повеќе и повеќе меѓународно изолирани, внимателно ги следат Вашингтон и неговите сојузници, веруваат дека би можеле да се договорат за трговија со оружје и одбранбена технологија. Американските и јужнокорејските власти изразија загриженост дека Ким ќе разговара за испорака на оружје и муниција за Русија, која потроши огромни резерви во повеќе од 18 месеци војна во Украина.
Москва и Пјонгјанг ги негираа таквите намери. На денот на состанокот Северна Кореја лансирала две балистички ракети. Изборот на состанокот на космодромот „Восточни“ – симбол на амбициите на Русија како вселенска сила – е важен бидејќи Северна Кореја двапати не успеа да лансира извидувачки сателити во изминатите четири месеци.
Путин најави дека Русија ќе ѝ помогне на Северна Кореја да изгради сателити, а на прашањето дали тој и Ким Џонг-ун ќе разговараат за испораките на оружје, тој одговори дека двајцата лидери ќе разговараат за сите прашања.
„Ким покажа голем интерес за ракетното инженерство“
На прашањето на новинарите дали Русија ќе му помогне на Ким да изгради сателит, Путин одговори: „Затоа дојдовме овде. Лидерот на КНДР покажува голем интерес за ракетното инженерство, тие исто така се обидуваат да развијат вселенска програма“.
Неколку часа пред очекуваниот самит Северна Кореја лансира две балистички ракети со краток дострел од област во близина на главниот град Пјонгјанг во морето кај својот источен брег, објавија јужнокорејската војска и јапонската влада.
Тоа е прво вакво лансирање додека Ким е во странство, велат аналитичарите. Ким патувал надвор од земјата само седумпати за 12 години на власт, сите во 2018 и 2019 година. Тој исто така двапати накратко ја преминал корејската граница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги засили воздушните напади врз Рафа, тенкови се пробиваат на северот на Газа
Израелските тенкови со воздушна и копнена поддршка денеска направија дополнителен пробив во Џабали на северот од Појасот Газа, јавуваат тамошните жители и Хамас, додека јужен Рафа е исто така под воздушни напади.
Во Џабалија, тенковите се движат кон центарот на кампот.
Жителите известуваат дека тенкови го гаѓаат центарот на кампот и дека се уништени десетици куќи. Израелската армија принуди стотици Палестинци да ги напуштат своите засолништа, пишува Ројтерс.
Во Рафа, во близина на границата со Египет, Израел ги засили воздушните напади врз источните делови на градот.
Жителите известуваат дека сега се стационирани тенкови на улицата Салахудин, која минува низ источните делови на градот, а автопатот е блокиран поради жестоките борби. Се додава дека источните делови на Рафа станале „град на духови“. Хамас објави дека неговите борци се борат со израелските сили на улиците источно од Рафа и источно од Џабалија.
Израелската војска неколкупати ги вклучи сирените во област во близина на Газа, предупредувајќи на потенцијален прекуграничен оган. Израелската војска доцна во саботата објави дека го спречила Хамас да ги обнови своите воени капацитети во Џабалија.
„Бомбардираа насекаде, дури и во близина на училиштата во кои беа сместени бездомниците“, вели 45-годишниот Саед.
Регион
Земјотрес ја погоди Хрватска, се стресе кај Петриња: „Не разбуди, куќата ми се стресе кратко и силно“
Послаб земјотрес со јачина од 1,7 степени според Рихтеровата скала е почувствуван во 4 часот и 35 минути во Хрватска.
Епицентарот на земјотресот бил на 31 километар од Загреб и 20 километри од Велика Горица на длабочина од осум километри.
Според сведоштвата на граѓаните, земјотресот бил почувствуван на подрачјето на Петриња и Сисак, пишува 24сата.хр.
„Куќата ми се затресе силно и кратко, како гром. Повторно се будам со познатиот звук и „чкрипењето“ на куќата“, напиша сведок од Петриња на веб-страницата на Европско-медитеранскиот сеизмолошки центар (EMSC).
„Тежок тресок, гадно будење“, „Истовремен татнеж и тресок“, „Ова беше за будење. Кратко траеше. Како да е под куќата“, „Звук и краток силен удар“, пишуваат сведоци.
Свет
Путин го смени долгогодишниот министер за обрана Сергеј Шојгу со малку познат политичар Андреј Белоусов чија специјалност се економски прашања
Рускиот претседател Владимир Путин предложи нов министер за одбрана на функцијата која од 2012 година ја извршуваше Сергеј Шојгу. Кремљ објави дека Шојгу ќе биде заменет со поранешниот прв вицепремиер Андреј Белоусов, малку познат политичар, чија специјалност се економски прашања.
Сергеј Шојгу, пак, кој е министер за одбрана од 2012 година и кој ја водеше руската војска низ нејзината инвазија на Украина, сега е именуван за секретар на Советот за безбедност на Русија, во чија надлежност е советување на претседателот на државата за прашања од националната безбедност. Како дел од неговите должности во Советот за безбедност, како што соопшти Кремљ, ќе биде советување за воено-индустриски прашања.
Шојгу ќе го замени Николај Патрушев на местото претседател на Советот за безбедност. Портпаролот на Кремљ, Дмитриј Песков, рече дека следната позиција на Патрушев ќе биде објавена во наредните денови.
Песков додаде оти Кремљ сака да назначи економски експерт на чело на Министерството за одбрана во услови на зголемени трошоци поврзани со руските безбедносни мерки.
Инаку, Сергеј Шојгу важи за близок до рускиот претседател и е еден од основачите на партијата Единствена Русија, чиј водач своевремено беше Владимир Путин пред преземањето на претседателската функција во 2012 година.