Македонија
Левица: Кој ги труе граѓаните на Аеродром, додека Тимчо шета по Америка

„Неколку вечери по ред, во ноќните часови несносна смрдеа и чад кој ги штипе очите и грлото ги буди граѓаните на општина Аеродром од сон. Најзагадената општина во Скопје, за која надлежните служби со години не лажат дека е резултат на греење на домовие во зимските месеци, среде лето се гуши во отров и никој од надлежните ни да мрдне со прст“, велат Левица Аеродром.
„Во ноќните часови кога нема индустрија, ниту сообраќај, ниту греење на домови, ниту познатата скопска магла граѓаните на општина Аеродром се гушат од отровен чад. Луѓето во паника бараат помош и информација, прашуваат каде да се обратат и кој е надлежен да го реши нивниот проблем.
За жал, немаат кому да се обратат, бидејќи градоначалникот на општина Аеродром -Тимчо Муцунски, кој откако “ги реши сите проблеми во општината“ сега е на екскурзија по Америка. Со каква цел е таму, само тој си знае, сигурно не да ги решава проблемите на граѓаните од општината за која тој е надлежен.
И во една ваква загадена општина, на Тимчо главен проблем му е како да го исполни ветувањето кон Голден Арт и како да подигне уште еден бедем од згради во населба Лисиче кој ке го запре проветрувањето и ќе го зголеми и онака големото загадување на општинат.
И додека цела Македонија се вознемири од случувањата на Онкологија никој не се прашува како една мала држава креира толку онколошки пациенти. Еден од начините е и овој со континуирано согорување на којзнае какви забранети материи, токсични, канцерогени, можеби медицински отпад??
Додека жителите на општина Аеродром се трујат, градоначалникот си прави екскурзии.
Но, советниците на Левица се будни и прашувааат
Кој ги труе аеродромци? Што гори во ноќните часови? Ќе се преземе ли нешто или треба граќаните да ја земат работата во свои раце“, прашуваат од Левица Аеродром.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член 237 став 4 во врска со став 1 од Кривичниот законик.
Осомничениот 32-годишен скопјанец, на 18 август, маскиран со маица со која си го покрил лицето и капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари.
Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни.
Осомничениот се согласил и го напуштил местото со 3.000 денари кои противправно ги одзел од сопственикот.
Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз сведокот/оштетен со заплашување и уценување, како и можност да го повтори делото.
Македонија
Зголемена фреквенција на возила на граничните премини Табановце и Богородица

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП „Табановце“ времето на чекање за влез е околу 20 минути, за излез е околу 40 минути.
На ГП „Богородица“ времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата.
Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.