Македонија
ЦУК: Вчера имало вкупно 30 пожари на отворено, од кои 5 сè уште се активни
![](https://makfax.com.mk/wp-content/uploads/2023/09/pozari-gasnjenje.jpg)
Центарот за управување со кризи извести дека вчера имало вкупно 30 пожари на отворено, од кои се изгаснати 25, според добиените известувања до утрово во Секторот за операции и координација во ЦУК.
Активни пожари има пет, според известувањата до утрово, во:
– општина Битола, 1 пожар с. Новаци (каде што горат ниска вегетација и стрниште);
– општина Долнени, 2 пожара, с. Рилево (ниска вегетација и деградирана шума) и с. Кошино (ниска вегетација и деградирана шума);
– општина Гостивар, 1 пожар помеѓу селата Горно Јеловце, Долно Јеловце и Дебреше (пасишта) и во
– општина Куманово, 1 пожар спроти мотелот „Романовце“ на автопатот Куманово – Скопје (каде што гори ниска вегетација);
Изгаснати се 25 пожари на отворено, од кои пет на територијата на град Скопје.
Како што информира регионалниот ЦУК Скопје, со вкупните противпожарни дејства на Бригадата за противпожарна заштита на Град Скопје врз пожарите на отворено: во период од 11.20 до 13.30 часот со едно ПП-возило и три пожарникари интервенирале во гаснење запалена ниска вегетација и отпадоци на површина од 3.000 м2 во населбата Илинден (општина Илинден); од 13.10 до 15.30 часот со четири ПП-возила и 11 пожарникари интервенирале во запалена ниска вегетација на површина од два хектара на улицата Љубланска (општина Карпош); од 13.55 до 14.55 часот со едно ПП-возило и два пожарникара интервенирале врз запалена ниска вегетација и грмушки во населеното место Трубарево (општина Гази Баба); од 16.20 до 18.20 часот со две ПП-возила и пет пожарникари интервенирале на запалена ниска вегетација, куќа и сандаци за пчели на површина од 10 хектари во населеното место Лисиче (општина Аеродром) и во период од 16.30 до 17.50 часот со едно ПП-возило и два пожарникара интервенирале на запалена ниска вегетација и отпадоци во двор од куќа во месноста Бутелски Венец (општина Шуто Оризари).
Другите пожари на отворено во државата биле во:
– општина Прилеп, 4 пожари, покрај улицата Леце Котески кај затворот (ниска вегетација), кај фабриката „11 Октомври“ (трева и отпадоци), с. Црнилиште (стрниште), с. Забрчани (ниска вегетација);
– општина Кривогаштани, 1 пожар, с. Боѓани (ниска вегетација и отпадоци);
– општина Струмица, 1 пожар, с, Бориево (ниска вегетација и пластеници);
-општина Кичево, 2 пожара, с. Арангел (ниска вегетација и стрниште), и с. Туин (ниска вегетација и стрниште);
-општина Струга, 3 пожари, кај кампот „Ас“ , кај реката Сатеска (стрниште), с. Долно Белича (стрниште), и с. Подгорци (стрниште);
– општина Куманово, 2 пожара, с. Никуљане (ниска вегетација), и с. Ваксинце (ниска вегетација и стрниште);
– општина Липково, 1 пожар, с. Никуштак (ниска вегетација);
– општина Крива Паланка, 1 пожар, с. Градец (ниска вегетација, нискостеблеста шума, багрем, бор и овоштарници);
– општина Ранковце, 1 пожар, с. Опила (ниска вегетација и багрем);
– општина Тетово, 3 пожари, с. Дебарце (депонија), автопатот Тетово – Гостивар кај с. Боговиње (стрниште) и с. Ларце (ниска вегетација) и во
– општина Чашка, 1 пожар – помеѓу с. Долно Јаболчиште и с. Дреново (каде што гореле нискостеблеста деградирана шума и дабова шума).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Тошковски по предлогот да биде министер: Ја прифаќам одлуката која за мене е голема одговорност и обврска кон сите вас
![](https://makfax.com.mk/wp-content/uploads/2024/03/toskovski-ohrid-3.jpg)
Досегашниот министер за внатрешни работи во техничката Влада, Панче Тошковски, е предлогот за истата оваа функција во новата влада.
„Вечерва по предлог на претседателот на ВМРО-ДПМНЕ, Христијан Мицкоски, Извршниот и Централниот комитет донесоа одлука со која сум предложен за министер за внатрешни работи во новата Влада. Со огромна чест ја прифаќам оваа одлука, која за мене претставува голема одговорност и обврска кон сите вас“, напиша Тошковски.
Тој се заблагодари на Мицкоски, како и на сите членови на Извршниот и Централниот комитет за довербата и поддршката која му ја укажаа.
„Ветувам дека ќе работам неуморно за подобрување на условите за живот на сите граѓани и за обезбедување на безбедна, просперитетна и праведна Македонија, дополни Тошковски.
Македонија
Во вторник на 18 јуни до Собранието ќе биде доставен официјалниот список со членовите на новата влада
![](https://makfax.com.mk/wp-content/uploads/2022/07/sobranie-na-rm.jpg)
Во вторник на 18 јуни до Собранието ќе биде доставен официјалниот список на членовите на новата влада, а мандатарот Христијан Мицкоски вечерва рече дека гласањето за новата влада очекува да биде во текот на следниот викенд, 22-23 јуни.
Мандатарот за состав на влада и лидер на ВМРО-ДПМНЕ Христијан Мицкоски вечерва на прес-конференција ги соопшти имињата за кадровските решенија во новата влада од коалицијата „Твоја Македонија“, што вечерва беа потврдени од Извршниот и Централниот комитет на партијата.
Тој рече дека нивна работа е да се врати Македонија на народот и дека доаѓаат убави времиња за народот.
Тој ги соопшти имињата на новите министри во македонската Влада.
Министер за транспорт и потпретседател на Влада – Александар Николоски
Министер за одбрана – Владо Мисајловски
Министер за финансии – Гордана Димитриовска Кочоска
Министер за надворешни работи и надворешна трговија – Тимчо Муцунски
Министер за локална самоуправа – Златко Перински
Министер за информатичко општество и дигитална трансформација – Стефан Андоновски
Министер за спорт – Борко Ристовски
Министер за енергетика, рударство и минерални суровини – Сања Божиновска
Министер за земјоделие, шумарство и водостопанство – Цветан Трипуновски
Министер за култура и туризам – Зоран Љутков
Министер за внатрешни работи – Панче Тошковски
Министер за образование и наука- Весна Јаневска
Министер за политички систем – Љупчо Димовски
Министер задолжен за односи меѓу заедниците – Иван Стоилковиќ
Министер задолжен за интеграција и имплементација на Декадата на Ромите – Шабан Салиу
Мицкоски го доби мандатот од претседателката Гордана Сиљановска-Давкова на 6 јуни и има рок од 20 дена до Собранието да достави програма и предлог состав на владата.
Собранието закажува седницата за избор на нова влада во рок од 15 дена по добивање на предлогот, а расправата трае најмногу два дена.
Македонија
Мицкоски ги соопшти петнаесетте предлози со имињата на министри во неговата влада
![](https://makfax.com.mk/wp-content/uploads/2024/06/mickoski-1.jpg)
Мандатарот за состав на влада и лидер на ВМРО-ДПМНЕ Христијан Мицкоски на прес-конференција ги соопшти имињата за кадровските решенија во новата влада од коалицијата „Твоја Македонија“, што вечерва беа потврдени од Извршниот и Централниот комитет на партијата. Тој рече дека нивна работа е да се врати Македонија на народот и дека доаѓаат убави времиња за народот.
„Го немаме луксузот да не се успее, ниту пак да се прават репризи на минати владеења каде ќе се загуби врска со единствениот суверен, народот. Во овие луѓе кои ги предлагам имам голема надеж и не чека мнпогу работа. Мора да ги засукаме ракавите оти состојбите се очајни“, изјави Мицкоски.
Тој ги соопшти имињата на новите министри во македонската Влада.
Министер за транспорт и потпретседател на Влада – Александар Николоски
Министер за одбрана – Владо Мисајловски
Министер за финансии – Гордана Димитриовска Кочоска
Министер за надворешни работи и надворешна трговија – Тимчо Муцунски
Министер за локална самоуправа – Златко Перински
Министер за информатичко општество и дигитална трансформација – Стефан Андоновски
Министер за спорт – Борко Ристовски
Министер за енергетика, рударство и минерални суровини – Сања Божиновска
Министер за земјоделие, шумарство и водостопанство – Цветан Трипуновски
Министер за култура и туризам – Зоран Љутков
Министер за внатрешни работи – Панче Тошковски
Министер за образование и наука- Весна Јаневска
Министер за политички систем – Љупчо Димовски
Министер задолжен за односи меѓу заедниците – Иван Стоилковиќ
Министер задолжен за интеграција и имплементација на Декадата на Ромите – Шабан Салиу
Мицкоски на прес-конференцијата рече дека ќе биде тешко, но дека ако требало да биде лесно ќе бил некој друг, а не ВМРО-ДПМНЕ.