Македонија
Левица: Бугарската медиумска пропаганда засилено пенетрира во Македонија!
Левица во континуитет стручно елаборира за последиците кои ќе се случат со внесувањето на Бугарите во Преамбулата. Тоа поаѓа од македонскиот устав, кој е етнички (а не граѓански устав) и предвидува низа обврски, кои се во опсег од право на образование на својот јазик и писмо, преку основање на национални установи за унапредувањето на културата и финансирање на проекти од културата, па се до право на програма на Македонската Радио Телевизија и отворање на медиуми на бугарски јазик.
Во меѓувреме, бугарската фондација „Македонија“, предводена од докажаниот анти-македонист Виктор Стојанов, нуди бесплатно емитување на бугарски телевизиски канали во македонскиот етер и ги повикува сите заинтересирани да се пријават за доделување уреди за нивните смарт телевизори и таблети за да можат да ги следат бугарските канали.
Ова е продолжување на кампањата на Бугарија за медиумско присуство во Македонија и отворање на нови онлајн медиуми, а оваа таканаречена фондација е позната и по тоа што делеше примероци на „Голяма българска читанка“ на Кузман Шапкарев во населбата Аеродром во Скопје. Потсетуваме дека македонската телевизија во Бугарија и натаму е забранета!
Ваквото „влегување“ на бугарски телевизии, пренесување програми синхронизирани на бугарски јазик од домашните оператори, го оценуваме како класичен обид за пенетрирање на бугарската пропаганда во Македонија.
Во меѓувреме, бројот на лажни профили и бугарски фејсбук страници кои објавуваат бугарски пропаганден материја е драстично зголемен. Истото се однесува и на промената на историските статии на Википедија од страна на бугарската асимилаторска политика, но и на разните google сервиси кои најпрвин ви даваат опција на бугарски јазик.
Сето ова се користи како кампања за негирање на македонската нација и нејзината посебност, како и ревидирање на историјата по теркот на врховистичката пропаганда.
Затоа Левица во континуитет повикува дека потребен е итен прекин на преговорите со Бугарија, наместо замајување на јавноста дека може да се преговара под подобри услови. Оваа теза која ја застапува ДПМНЕ е крајно погубна и штетна за националните интереси, затоа што било каков исход со официјална Софија ќе биде пораз за Македонците.
Не може и не смее да се преговара со оние кои беа поразени во Втората светска војна – како дел од фашистичкото зло! – се вели во соопштението од политичката партија Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.