Македонија
Активни два пожари во Македонија – пожарникарите интервенирале врз 33 во текот на вчерашниот ден

Во текот на вчерашниот ден избувнаа вкупно 33 пожари на отворено, според информациите што стигнале до Секторот за операции и координација во Центарот за управување со кризи (ЦУК).
Противпожарните тимови, некаде и помогнати од месното население, 31 изгаснале , а два (2) пожара утрово се’ уште се водат како активни и се во тек активностите за нивното контролирање, локализирање и догаснување.
Активните два пожара се во Општина Брвеница, кај селото Милетино (каде што гори борова шума и ниска вегетација), што беше изгаснат, но ноќта повторно почна да гори и во Општина Могила, кај селото Лознани (каде што гори ниска вегетација, грмушки и нискостеблеста шума), oбјави ЦУК.
Изгаснатите 31 пожар (при што горела, мешана и нискостеблеста шума, сува трева, борова шума, а на места и отпадоци) настанале во сите делови на државата:
– Општина Сарај, 2, кај с.Крушопек (депонија) и кај с.Раовиќ (ниска вегетација);
– Општина Бутел, кај „Клучката“ во населбата „Бутел“ (ниска вегетација);
– Општина Студеничани 3, кај с.Цветово (нискостеблеста шума), с.Црвена Вода (нискостеблеста шума) и кај с.Батинци(ниска вегетација);
– Општина Гази Баба, кај с.Брњарци (мешана шума);
– Општина Битола, кај месноста „Индустриски Пат“ (ниска вегетација);
– Општина Прилеп, 4, кај фабрика „Милина“ (ниска вегетација), с.Старо Лагово (ниска вегетација), с.Клепач (ниска вегетација и редови со дрвја) и кај с.Долгаец (ниска вегетација);
– Општина Долнени, кај с.Житоше и с.Борино (ниска вегетација);
– Општина Гевгелија, 2, кај с.Давидово (ниска вегетација, грмушки и напиштени лозја) и кај с.Прдејци (ниска вегетација);
– Општина Радовиш, кај с.Злеово (депонија);
– Општина Струга, 3, кај с.Корошишта (стрниште), с.Ложани (стрниште и дива депонија) и кај с.Подгорци (ниска вегетација);
– Општина Кичево 3, кај с.Другово (борова шума), с.Србјани (стрниште) и кај с.Жубрино (стрниште);
– Општина Кочани, кај с.Оризари (ниска вегетација, нискостеблеста шума и лозје);
– Општина Теарце, кај с.Доброште (ниска вегетација);
– Општина Гостивар, 2, кај с.Чајле (ниска вегетација) и кај с.Форино (ниска вегетација),
– Општина Куманово, 4, кај месноста „Стари Лозја“ (ниска вегетација), с.Тромеѓа (ниска вегетација), с.Романовце (ниска вегетација) и кај с.Агино Село (ниска вргетација и стрниште) и во
– Општина Старо Нагоричане, кај с.Младо Нагоричане маало „Слатино“ (каде што горела ниска вегетација).
Инаку, по утринските активности за контролирање, локализирање и гаснење на се уште активните пожари се очекува да се доизгаснат вчерашните два пожара.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Илиевски: Дали Мицкоски го штити изворот на пиротехниката што го предизвика пожарот во Кочани?

Зошто во ниту еден момент ниту обвинителот Коцевски, ниту министерот за внатрешни Тошковски, ниту премиерот Мицкоски не се осудија да го коментираат потеклото на пиротехниката која го предизвика пожарот во дискотеката Пулс кој зема 62 млади животи, а повредени беа 200 млади луѓе, праша Методија Илиевски, потпретседателот на СДСМ.
„Зошто истрагата досега не доведе до сознание кој ја внел пиротехниката во клубот? Зошто МВР на Тошковски досега не испита кој нелегално во Македонија шверцува пиротехнички средства и како пиротехнички средства завршиле во дискотеката Пулс кобната вечер? Дали доколку се дознае потеклото на пиротехниката истрагата ќе дојде до најблискиот периметар на луѓе околу премиерот? СДСМ прашува дали постои пријава во обвинителството дека потеклото на пиротехниката во дискотеката Пулс е од фирма блиска на најтесното опкружување на Мицкоски?“, праша тој.
Според Илиевски, сопственик и одговорно лиценца на фирмата е лице од блиското опкружување на Мицкоски од Струмица.
„Дали оваа компанија била задолжена за организација на партиските митинзи на ВМРО-ДПМНЕ? Дали ова е причината поради која Христијан Мицкоски ја попречува истрагата на обвинителството и не дозволува истата да го има правилниот тек?“, праша Илиевски.
Тој рече дека СДСМ нема да дозволи одговорните за пожарот во Пулс во кој животот го загубија 62 млади лица, а 200 беа повредени да останат неказнети.
Македонија
Огромен објект никнува во Охридската чаршија, секој прави што сака, алармира Охрид СОС

Чаршијата во Охрид го губи својот лик. Иако е дел од Старото градско јадро, за кое важи посебен закон, односно Закон за прогласување на Старото градско јадро на Охрид за културно наследство од особено значење, чаршијата е препуштена на стихијата и тука секој прави она што сака, без никаква регулатива, алармираат од Граѓанската иницијатива Охрид СОС.
„Ако некогаш важеше за специфичен дел на градот, исполнет со занаетчиски дуќани и стари градби, денеска оваа улица скоро сосема го изгубила својот лик и значење. Иако е дел од Старото градско јадро, за кое важи посебен закон, односно Закон за прогласување на Старото градско јадро на Охрид за културно наследство од особено значење, чаршијата е препуштена на стихијата и тука секој прави она што сака, без никаква регулатива. На прстите од една рака се бројат старите градби кои му одолеваат на времето. Денеска тука доминираат ресторани и угостителски објекти кои ја окупирале улицата и за минувачите и велосипедистите оставиле само еден тесен премин. И наместо институциите да диктираат што и како може да се гради, сведоци сме изминативе децении дека тука веќе почнаа да се градат високи објекти со нетипичен стил. Не се применува нити онаа омилена за Завод за заштита на спомениците на културата и Музеј-Охрид факсимилна реконструкција“, велат од таму.
Додека „стручната фела“ замижува и се прави наудрена, велат од Охрид СОС, деновиве кон крајот на чаршијата се подигнува еден огромен објект, кој според обемот и големината отскокнува од околните објекти.
„Минатата година, за да започнат градежни работи на овој дел, службите на Општина Охрид исекоа неколку децениски стебла, а од механизацијата е оштетено и партерното уредување. Но ништо од тоа не е важно, ако се знае дека институциите на прво место го ставаат интересот на поединците, наместо јавниот интерес. Објектот е видлив и од страната на паркингот. Додека се предлага градот да формира стручно тело кое ќе комуницира со УНЕСКО, „еден Борд кој ќе го сочинуваат архитекти и други професионалци“ неповратно го губиме културното наследство и специфичните градски четврти“, алармираат од Охрид СОС.
Македонија
Викендов многу топло време, со локален дожд

Во деновите од викендов ќе се задржи многу топло време, информира УХРМ.
Утре ќе има изолирана појава на нестабилност со пороен дожд и грмежи.
Од понеделник ќе дува умерен до засилен северен ветер, а дневната температура ќе опадне за 3 до 5 степени.
Кон средината на седмицата ќе има локална нестабилност со пороен дожд и грмежи.