Црна хроника
Приведен арачиновец – ограбил сендвичара и куќа, а украл и автомобил
![](https://makfax.com.mk/wp-content/uploads/2023/01/lisici-na-race-1.jpg)
Полицијата вчера во селото Арачиново, скопско, го приведе Е.Б.(28).
„Тој се сомничи дека на 21.09.2023 изршил тешка кражба во сендвичарница, дека на 14.09.2023 извршил тешка кражба во куќа во с.Арачиново и дека одзел патничко моторно возило“, велат од МВР.
Со него бил извршен разговор во полициска станица, при што ги признал делата. Кај него биле пронајдени предмети кои потекнуваат од кривичните дела, а при лишувањето кај него, исто така, била пронајдена и одземена марихуана.
По целосно документирање на случаите, против него ќе бидат поднесени соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Прегазена 80-годишна жена во Прилепско, однесена во болница со тешки повреди
![](https://makfax.com.mk/wp-content/uploads/2023/06/MVR-policija.jpg)
Вчера, во 17.20 часот, во СВР Битола било пријавено дека во с. Тополчани, прилепско, патничко моторно возило „мазда“, со прилепски регистарски ознаки, управувано од Д. Ч. (26) од с. Тополчани, удрило во Р. В. (80) од с. Тополчани.
На Р. В. во Градската болница во Прилеп ѝ биле констатирани тешки телесни повреди.
Црна хроника
Претрес во Тетово, пронајдена дрога
![](https://makfax.com.mk/wp-content/uploads/2024/03/marihuana-zaplena-5.jpg)
Вчера полициски службеници од Отсекот за недозволена трговија со дрога и оружје од СВР Тетово го лишиле од слобода Л.Р. (23) од Тетово.
При претрес во неговиот дом, извршен со судска наредба, била пронајдена и одземена марихуана.
Л.Р. е приведен во полициска станица и по целосно документирање на случајот против него ќе биде поднесена соодветна пријава.
Црна хроника
Штипјанец се шетал со пластичен пиштол и се заканувал на улица
![](https://makfax.com.mk/wp-content/uploads/2023/03/policija-5.jpg)
Полицијата синоќа во Штип го приведе 20-годишниот Ф.Д., од селото Стар Караорман, Штипско.
Според пријавеното, околу 21.30 часот на улицата Сремски Фронт во Штип тој агресивно се однесувал кон лица од Скопје и им се заканил со пиштол.
Лицето било задржано во полициска станица и од него бил одземен пластичен пиштол со метални додатоци, објави МВР во дневниот билтен.
По целосно документирање на случајот ќе следува соодветна пријава.